જંગ / ભારે કરી! હજુ તો યુદ્ધનું સંકટ શમ્યું નથી ત્યાં તો યુક્રેનના માથે આવી વધુ એક આફત, WHOની ગંભીર ચેતવણી

• યુક્રેનના નાગરિકોને લઇને WHOએ વ્યક્ત કરી આશંકા
• હોસ્પિટલોને તાત્કાલિક ધોરણે ઓક્સિજન સપ્લાય નહીં કરાય તો....
• યુક્રેનમાં 600 હોસ્પિટલ છે કે જ્યાં હજુ પણ કોરોનાના 1700 દર્દીઓ દાખલ

WHOએ ચેતવણી આપતા જણાવ્યું કે, 'જો કીવ (Kyiv) સહિત અન્ય શહેરોની હોસ્પિટલો સુધી તત્કાલિક ધોરણે ઓક્સિજનને સપ્લાય નહીં કરવામાં આવે તો યુક્રેનવાસીઓ માટે તે ભારે ખતરનાક સાબિત થઇ શકે છે.

યુક્રેનમાં હવે ઉભું થયું શ્વાસ લેવાનું સંકટ

WHO ના જણાવ્યાં અનુસાર, યુક્રેનમાં 600 હોસ્પિટલ છે. જ્યાં હજુ પણ કોરોનાના 1700 દર્દીઓ દાખલ છે.  WHO એ પોતાના નિવેદનમાં જણાવ્યું કે, 'કોરોના દર્દીઓ સિવાય યુક્રેનમાં નવજાત શિશુઓ, ગર્ભવતી મહિલાઓ અને વૃદ્ધને પણ સમય-સમય પર ઓક્સિજનની જરુરિયાત પડી શકે છે. યુદ્ધ વચ્ચે લોકોની મનોદશા પર પડનારી અસરના કારણે હાલત વધારે ચિંતાજનક થઇ ગઇ છે.'

વિષમ પરિસ્થિતિના કારણે ત્યાંની તમામ હોસ્પિટલોમાં ઓક્સિજન લગભગ ખતમ થઇ ચૂક્યો છે. ઓક્સિજન જનરેટર પ્લાન્ટથી હોસ્પિટલ સુધી ઓક્સિજન પહોંચાડવામાં પણ ટ્રકોને મોટી સમસ્યા આવી રહી છે.

વિજળીનું સંકટ પણ મંડરાયેલું

યુક્રેન પર રશિયાના હુમલાના 100 કલાક પૂર્ણ થઇ ચૂક્યાં છે. આજે રશિયાના હુમલાને પાંચમો દિવસ થઇ ગયો છે. દેશભરમાં આવેલા આ સંકટ વચ્ચે યુક્રેનમાં વિજળીની સમસ્યા સર્જાઇ રહી છે. આ કારણોસર પણ ત્યાંની હોસ્પિટલોમાં એટલે કે સ્વાસ્થ્ય સેવાઓ પર ગંભીર સંકટ સર્જાઇ રહ્યું છે. આ જ રીતે એમ્બ્યુલન્સના આધારે દર્દીઓને એક સ્થળેથી અન્ય જગ્યાએ શિફ્ટ કરતી વેળાએ તેની પર સતત ફાયરિંગનો ખતરો વધી ગયો છે.