સહાય બદલ સન્માન / ઇજાગ્રસ્તને આટલાં જ સમયમાં હોસ્પિટલ પહોંચાડનારને મળશે 1 લાખનું ઇનામ અને એવોર્ડ! જુઓ કેવી રીતે

• સુરત ટ્રાફિક પોલીસની અનોખી પહેલ
• અકસ્માતમાં લોકોના જીવ બચે તે હેતુથી પહેલ શરૂ કરાઇ
• ઇનામ આપીને મદદ કરનારને પોલીસ કરશે સન્માન 

 સુરત ટ્રાફિક પોલીસ દ્વારા એક અનોખી પહેલ શરૂ કરવામાં આવી છે. જેમાં અકસ્માતમાં લોકોનો જીવ બચે તેવા હેતુથી અનોખી પહેલ શરૂ કરવામાં આવી છે. જેમાં અકસ્માતમાં ઈજાગ્રસ્તને સમયસર હોસ્પિટલ પહોંચાડનારને ઈનામ આપવામાં આવશે. તેમજ ઈનામ આપી મદદ કરનારનું પોલીસ દ્વારા સન્માન પણ કરવામાં આવશે. ત્યારે એક કલાકની અંદર ઘાયલને હોસ્પિટલ પહોંચાડનારને ટ્રોફી અને એક લાખ સુધીનું સરકારી ઈનામ આપીને સન્માન કરવામાં આવશે.

મેગા સીટીમાં સવારથી જ રોડ વાહનોની અવર જવરથી ધમધમતા થઈ જાય છે. ત્યારે અવાર નવાર અકસ્માત સર્જાતા ઘાયલ વ્યક્તિને સારવાર સમયસર ન મળતા જીવ ગુમાવવાનો પણ વારો આવે છે. ત્યારે સુરત પોલીસ દ્વારા ઘાયલને ઝડપી સારવાર મળી રહે અને તેનો જીવ બચી શકે તે માટે પોલીસ દ્વારા અનોખી પહેલ શરૂ કરવામાં આવી છે. જેથી માણસનો જીવ બચાવી શકાય. ત્યારે મેગા સીટીમાં અકસ્માતની સંખ્યામાં પણ વધારો થવા પામ્યો છે. અમુક અકસ્માતમાં લોકોએ જીમ ગુમાવવાનો પણ વારો આવે છે. પોલીસ દ્વારા શરૂ કરાયેલી આ પહેલમાં જીવ બચાવનારનું સન્માન પણ કરવામાં આવશે.