સિદ્ધિ તરફ / ગુજરાતે પણ કોરોના વેક્સિનેશનમાં આંબ્યો જાદુઈ રેકોર્ડ, 3 જિલ્લામાં અને 4 શહેરોમાં થયું 100 ટકા રસીકરણ, ગામડા પણ મોખરે

• 4 શહેરમાં 100 ટકા વેક્સિનેશન
• 3 જિલ્લામાં પ્રથમ ડોઝ પૂર્ણ
• પ્રથમ ડોઝમાં ગુજરાતે મારી બાજી
• 90 ટકા વસતીએ લીધો પ્રથમ ડોઝ

આજથી એક વર્ષ પહેલા ભારતની 130 કરોડ જનતાને વેક્સિન આપવી એ મોટો પડકાર હતો, કેટલાય દેશો ભારતમાં વેક્સિનેશન કાર્યક્રમને લઈને સવાલો ઊભા કરી રહ્યા હતા તેમાં દેશના વિપક્ષનો સમાવેશ થાય છે.. આજે ભારતના આરોગ્ય કર્મચારી, ભારતની સરકાર, અને ભારતના લોકોએ એ કરી બતાવ્યું છે જેના પર છાતી ગદગદ ફુલે છે. ગર્વથી કહી શકાય છે કે ભારતે આજે 100 કરોડ ડોઝ વેક્સિનનો લક્ષ્યાંક હાંસલ કરી લીધો છે ત્યારે તેમાંથી ગુજરાત પણ બાકાત નથી, સૌથી પહેલા અને સૌથી ઝડપી વેક્સિન પણ ગુજરાતને ફાળે ગયું છે, જેનો એવોર્ડ પણ ગુજરાતને મળ્યો છે. જો ગુજરાતના રસીકરણની વાત કરીએ તો..સુરત, જૂનાગઢ, ગાંધીનગર,અમદાવાદ,મહિસાગર અને તાપી જિલ્લામાં 100 ટકા વેક્સિનેશન થઈ ગયું છે.રાજયમાં 90 ટકા લોકોને વેક્સિનનો પહેલો ડોઝ આપી દેવાયો છે જ્યારે 

ત્રણ જિલ્લા અને ચાર શહેરમાં 100 ટકા વેક્સિનેશન

• 1 અમદાવાદ શહેર
• 2  ગાંધીનગર શહેર
• 3 જૂનાગઢ શહેર
• 4 સુરત શહેર
• 5 તાપી જિલ્લો 
• 6 મહિસાગર જિલ્લો
• 7 સુરત ગ્રામ્ય

ગુજરાતમાં કુલ કેટલા ડોઝ અપાયા
ગુજરાતના રસીકરણ અભિયાનની વાત કરીએ તો પ્રતિ 10 લાખ બે ડોઝના લાભાર્થીએ 6 લાખ 86 હજાર 191 રસીના ડોઝ આપવામાં આવ્યાં છે. રાજ્યમાં કુલ 15,400 ગામ, 490 પ્રાથમિક આરોગ્ય કેન્દ્ર, 30 શહેરી આરોગ્ય કેન્દ્ર તેમજ 53 તાલુકાઓમાં 18 વર્ષથી ઉપરના વ્યક્તિઓને વેક્સિનનો પ્રથમ ડોઝ આપી 100 ટકા રસીકરણનો ટાર્ગેટ પૂરો કરવામાં આવ્યો છે.કુલ 6.67 કરોડ ડોઝ ગુજરાતના લોકોને અપાયા છે જેમાં 4.41 કરોડ પ્રથમ ડોઝ તો 2.35 કરોડ બીજો ડોઝ આપી દેવાયા છે. કેન્દ્રીય મંત્રી મનસુખ માંડવિયાએ  ગુજરાતને શ્રેષ્ઠ રસીકરણ અભિયાનના વિજેતા જાહેર કરી એવોર્ડ વિજેતા પણ ઘોષિત કર્યો છે.ગુજરાતમાં  કુલ 5,75,80,180 ડોઝ કોવિશિલ્ડ અને 76, 39. 940 ડોઝ કોવેક્સિન મળીને કુલ 6, 52, 20, 120 ડોઝ રસીના મળ્યા છે.

આર્થિક રાજધાની અમદાવાદની મોટી સિદ્ધિ 
અમદાવાદ મ્યુનિસિપલ કોર્પોરેશનની હદમાં આવતા તમામ વિસ્તારમાં 100 ટકા વેક્સિનેશન પૂર્ણ થઈ ચૂક્યું છે. રાજ્યની આર્થિક રાજધાની અમદાવાદની વધુ એક સિદ્ધી મનાઈ રહી છે. જાન્યુઆરી 2021માં શરૂ કરાયેલા વેક્સિનેશનના મહાભિયાનમાં અમદાવાદ કોર્પોરેશનની હદમાં આવતા 18 વર્ષથી મોટી ઉમંરના લોકોનું પ્રથમ ડોઝનું વેક્સિનેશન પૂર્ણ કરી દેવામાં આવ્યું છે. મહત્વનું છે કે AMC દ્વારા લેવાયેલા કડક નિર્ણયો જેવા કે મનપા પરિસરમાં વેક્સિન વિના એન્ટ્રી પર પ્રતિબંધ, જાહેર સ્થળો પર વેક્સિન વિના પ્રવેશ પ્રતિબંધ, AMTS અને BRTSમાં વેક્સિન વિના મુસાફરી પર રોક તેમજ દિવ્યાંગો માટે અલગથી વેક્સિનેશનની કરાયેલી વ્યવસ્થાને કારણે આ સિદ્ધી મળી છે.

વેક્સિનેશનમાં ભારતે આજે ઈતિહાસ રચ્યો
ભારતે આજે નવી સિદ્ધિ નોંધાવી છે. ભારતમાં 100 કરોડ ડોઝનું વેક્સિનેશન થઈ ચૂક્યું છે. વડાપ્રધાન મોદી અને કેન્દ્રીય સ્વાસ્થ્ય મંત્રી મનસુખ મંડવીયા RML  હોસ્પિટલ પહોંચ્યા હતા. જ્યાં આરોગ્ય કર્મચારી સાથે મુલાકાત કરી તેમને અભિનંદન પાઠવ્યા હતા અને જુસ્સો પણ વધાર્યો હતો. ભારતમાં રસીકરણ અંતર્ગત 100 કરોડ ડોઝ આપવાનું સેલિબ્રેશન માટે અનેક કાર્યક્રમોની યોજના બનાવવામાં આવી છે. દેશમાં 100 કરોડ ડોઝ આપવાના અવસર પર મંડાવિયા લાલ કિલાથી કૈલાશ ખેરના ગીત અને ઓડિયો વિઝ્યૂઅલ ફિલ્મ જારી કરશે.