વાયરલ / એક કંપનીમાં નોકરી મેળવવા યુવક બન્યો ડિલીવરી બોય, ખાવાના બોક્સમાં મોકલ્યું રેઝ્યૂમે

• નોકરી મેળવવા બન્યો ઝોમાંટો ડિલીવરી બોય 
• પેસ્ટ્રીના બોક્સમાં લઇ ગયો રેઝ્યૂમે 
• ઘણા લોકોએ સુરક્ષાને લઈને સવાલો ઉઠાવ્યા

નોકરી મેળવવાની અનોખી રીત 
નોકરી મેળવવી પહેલા જેટલી સરળ નથી રહી અને હવે તો લોકોને દૈનિક ધોરણે રિજેક્શન લેટર મળે છે. ભરોસાપાત્ર ભરતી કરવા વાળા શોધવા મુશ્કેલ છે, અને આ સમસ્યાને ઠીક કરવા માટે આ વ્યક્તિને એક અનોખો આઇડિયા આવ્યો જે હવે સોશિયલ મીડિયા પર વાયરલ થઇ રહ્યો છે. ટ્વિટર યુઝર અમન ખંડેલવાલે ઝોમેટો ડિલિવરી એક્ઝિક્યુટિવની જેમ પોશાક પહેરીને એક એમ્પ્લોયરનું ધ્યાન આકર્ષિત કરવાનું નક્કી કર્યું અને પેસ્ટ્રીના બોક્સમાં પોતાનું રેઝ્યૂમે પેક કરીને બેંગલુરુમાં સ્ટાર્ટઅપ્સને આપ્યું.

આ વ્યક્તિએ પોતાનો રેઝ્યૂમે અનોખી રીતે બનાવ્યો
અમન ખંડેલવાલે રેઝ્યૂમે મોકલવા માટે એક અનોખી રીત અપનાવી. તેણે પોતાનો રેઝ્યૂમે પેસ્ટ્રી બોક્સમાં ભરી દીધો અને પછી તેમાં બે પાઈનેપલ પેસ્ટ્રી મૂકી. અને તે બોકસને બેંગલુરુ સ્થિત સ્ટાર્ટઅપમાં મોકલવામાં આવ્યું હતું, જેની તસવીર હવે સોશિયલ મીડિયા પર વાયરલ થઇ રહી છે. તેણે ખાવાના ડબ્બા અને ઝોમેટો ટી-શર્ટ પહેરેલી પોતાની એક તસવીર શેર કરી છે, જેમાં પેસ્ટ્રી બોક્સમાં એક મેસેજ લખવામાં આવ્યો છે, "મોટાભાગના રિઝ્યુમ્સ ડસ્ટબિનમાં જાય છે પરંતુ મારું તમારા પેટમાં જશે."

Dressed as a @zomato delivery boy I delivered my resume in a box of pastry.
Delivered it to a bunch of startups in Bengaluru.
Is this a @peakbengaluru moment.@zomato #resume pic.twitter.com/HOZM3TWYsE

— Aman Khandelwal (@AmanKhandelwall) July 2, 2022

ટ્વિટર પોસ્ટ વાયરલ 
ખંડેલવાલે આ પોસ્ટને કેપ્શન આપ્યું હતું કે, "એક @zomato ડિલિવરી બોયની જેમ તૈયાર થઈને મેં પેસ્ટ્રીઝના બોક્સમાં મારો રેઝ્યૂમે આપ્યો હતો. તે બેંગલુરુમાં સ્ટાર્ટઅપ્સના ગ્રુપને આપવામાં આવ્યું હતું. શું આ @peakbengaluru ક્ષણ છે ?" અહેવાલો અનુસાર, અમન ખંડેલવાલ મેનેજમેન્ટ ટ્રેઇની તરીકે નોકરી શોધી રહ્યા છે. જો કે ઝોમેટો ડિલિવરી એક્ઝિક્યુટિવ તરીકેનો તેમનો પોઝ લોકોને સલામતીના ધોરણો પર સવાલ ઉભા કરી રહ્યો છે.

લોકોએ આ અંગે આપી પ્રતિક્રિયા
એક યુઝરે લખ્યું કે, "શું ફક્ત હું જ છું જેને આ વિચિત્ર જ નહી પરંતુ સલામતીના ધોરણો પર પણ શંકા થઇ રહી છે? શું ઝોમેટો/સ્વિગીના ડિલિવરી બોય તરીકે બહાનું કાઢવું એટલું સરળ છે?" અન્ય એક યુઝરે લખ્યું, 'પોઈન્ટ એ નથી કે તે સ્ટાર્ટઅપમાં ગયો હતો અને શું ત્યાં કોઈ સુરક્ષા નથી. સલામતીનો અભાવ એ કોઈની સાથે ગેરવર્તન કરવાનું માન્ય કારણ નથી. હકીકત એ છે કે તેનું પુનરાવર્તન થઈ શકે છે અને ગોપનીયતા અને સુરક્ષાની અંતર્ગત ભાવનાનું ઉલ્લંઘન થઈ શકે છે. "