WORLD / યુટ્યુબનો 15મો જન્મદિવસ; જુઓ વર્ષો પહેલા યુટ્યુબ પર આ પહેલવહેલો વીડિયો મુકાયો હતો

• યુટયુબની વાર્ષિક કમાણી અત્યારે 15 અબજ ડોલરની છે
• યુટયુબ  પર દર મિનિટે 400 કલાકથી વધુના વીડિયો અપલોડ કરવામાં આવે છે. 

આ વીડિયોમાં, જાવેદ કેલિફોર્નિયાના સાન ડિએગોમાં એક પ્રાણી સંગ્રહાલયમાં દેખાય છે. યુટ્યુબના 15 વર્ષ પૂર્ણ થયા તે નિમિત્તે યુટયુબની કેટલીક રસપ્રદ બાબતો જાણવા જેવી છે. યુટયુબ પર અપલોડ થયેલા પ્રથમ વિડિઓનું નામ 'મી એટ ધ ઝૂ' હતું. આ વીડિયો અત્યાર સુધીમાં 9 કરોડથી વધુ વખત જોવામાં આવ્યો છે. જ્યાં તેઓ હાથીઓની સામે ઉભા છે અને તેમના વિશે વાત કરી રહ્યા છે. આ વીડિયો, જાવેદ હાથી વિશે કહે છે કે સુંઢ ખૂબ લાંબી છે. 

આ વીડિયો માત્ર 18 સેકન્ડનો હતો જે જાવેદના મિત્ર યાકોવ લાપિત્સ્કીએ શુટ કર્યો હતો. યુટ્યુબની શરૂઆત ચાડ હર્લ, સ્ટીવ ચેન અને જાવેદ કરીમ દ્વારા કરવામાં આવી હતી. ત્યારબાદ ટેક જાયન્ટ ગૂગલે 2006માં 1.65 અબજ ડોલરમાં યુટયુબ ખરીદી લીધુ હતું. યુટ્યુબનો ઉપયોગ 88 દેશોમાં અને લગભગ 76 ભાષાઓમાં થાય છે. યુટયુબ  પર દર મિનિટે 400 કલાકથી વધુના વીડિયો અપલોડ કરવામાં આવે છે. 

યુટયુબની વાર્ષિક કમાણી અત્યારે 15 અબજ ડોલરની છે. યુટયુબ કદાચ એકમાત્ર વીડિયો શેરિંગ પ્લેટફોર્મ છે જેમાં કોઇપણ વ્યકિત વીડિયો અપલોડ કરી શકે છે અને તમામ વિષયના વીડિયો જોવા મળે છે. કોઇપણ વ્યકિત પોતાના વીડિયો અપલોડ કરીને પ્રાઇવેટ મોડમાં પણ રાખી શકે છે. જેને યુઝર સિવાય કોઇ જોઇ શકતું નથી. આ રીતે તમે તમારા પર્સનલ વીડિયો પણ અપલોડ કરીને રાખી શકો છો.