આણંદના તારાપુરમાં યુવકને ગરબા રમતી વેળાએ ચક્કર આવ્યા બાદ યુવાનનું મોત નીપજતા હાહાકાર મચી ગયો છે.
આણંદના ગરબા મહોત્સવમાં કરુણ ઘટના
સોસાયટીમાં ગરબા રમતા સમયે યુવકનુ મોત
યુવકને ગરબા રમતા સમયે આવ્યા હતા ચક્કર
આણંદ સહીત દેશભરમાં નવલા નોરતાને લઇને માઇ ભક્તો માતાજીની આરાધનામાં લીન્ન બન્યા છે. બીજી તરફ ખેલૈયાઑ પણ મન મૂકીને ગરબે ઘૂમી રહ્યા છે. તેવામાં આણંદના તારાપુર શિવશક્તિ સોસાયટીમાં પણ ગરબા મહોત્સવનું આયોજન કરવામાં આવ્યું છે. આ વેળાએ એક કરુણ ઘટના સામે આવી હતી. જેમાં એક યુવાનનું મોત થયું હોવાનું સામે આવ્યું છે.
— VTV Gujarati News and Beyond (@VtvGujarati) October 2, 2022
ઘટનાનો વીડિયો વાયરલ થતા તારાપુર પંથકમાં ચકચાર
તારાપુર શિવશક્તિ સોસાયટીમાં ગરબા રમતી વેળાએ એક યુવકને ચક્કર આવ્યા હતા. ચક્કર આવતાની સાથે જ યુવાન મેદાનમાં ઢળી પડતાં નાશભાગ મચી જવા પામી હતી. ત્યારબાદ ચક્કર ખઈને પડેલા યુવકનું ઘટનાસ્થળે જ લાખો લોકોની નજર સામે મોત નીપજ્યું હતું. જે ઘટનાને લઇને ગરબાની મોજ માતમમાં ફેરવાઇ ગઇ હતી. આ સમગ્ર ઘટનાક્રમનો વીડિયો પણ વાયરલ થયો હતો.