- દિવસેને દિવસે ગરમીનો પારો ગગડી રહ્યો છે
- 10 રૂપિયામાં ઠંડા પાણીમાં તમારા નામની ડૂબકી લગાવશે આ વ્યક્તિ
- વાયરલ થયો વિડીયો
ઉત્તર ભારતમાં હેડ કંપાવી દેનાર ઠંડી શરૂ થઈ ગઈ છે અને દિવસેને દિવસે ગરમીનો પારો ગગડી રહ્યો છે . એવામાં લોકો પોતાના ઘરોમાં કેદ થવાની ફરજ પડી રહ્યા છે પણ આ દરમિયાન સોશિયલ મીડિયા પર એક વીડિયો વાયરલ થયો છે જેને બધાને આશ્ચર્યચકિત કરી દીધા છે. વાયરલ વીડિયોમાં એક વ્યક્તિ માત્ર 10 રૂપિયામાં ઠંડા પાણીમાં પવિત્ર સ્નાન કરવાની વાત કરી રહ્યો છે.
જણાવી દઈએ કે આશુતોષ શુક્લા નામના યુઝરે ટ્વિટર પર આ વીડિયો પોસ્ટ કર્યો છે અને આ વાયરલ વીડિયોમાં એક વ્યક્તિ નદીમાં લોખંડની રેલિંગ પર બેઠો છે અને આ દરમિયાન તે ત્યાં પૂજા કરવા આવતા લોકોને કહી રહ્યો છે કે તે તેના બદલે ઠંડા પાણીમાં ડૂબકી લગાવવા તૈયાર છે અને માટે તેને 10 રૂપિયા આપવા પડશે. સાથે જ વ્યક્તિએ આગળ કહ્યું કે તે આવું એટલા માટે કરી રહ્યો છે કારણ કે લોકો આવી ઠંડીમાં ઠંડા પાણીમાં નાહવાનું ટાળી શકે.
'અમે તમારા નામની ડૂબકી લગાવી અપશું.'
વીડિયોમાં વ્યક્તિ કહેતો સંભળાય છે કે "ભાઈઓ અને બહેનો, આવો... અમે આ ઠંડીની મોસમમાં તમારા નામની ડૂબકી લગાવી આપશું. તમારા નામથી તમને પુણ્ય મળશે અને તમે જે 10 રૂપિયા આપશો એ અમને મળશે.''
સોશિયલ મીડિયા પર લોકો આ વીડિયોને ખૂબ પસંદ કરી રહ્યા છે. વીડિયો શેર કરતા એક યુઝરે લખ્યું, "નવો રોજગાર". શુક્રવારે ટ્વિટર પર શેર કરવામાં આવેલ આ વીડિયોને અત્યાર સુધીમાં એક લાખથી વધુ વખત જોવામાં આવ્યો છે. 1600 થી વધુ લોકોએ આ વીડિયોને પસંદ કર્યો છે. લોકો વીડિયો પર સતત કોમેન્ટ પણ કરી રહ્યા છે.
