જો તમે સુરક્ષિત સ્કીમમાં પૈસા લગાવી ડબલ રિટર્ન મેળવવા માંગો છો તો પોસ્ટ ઓફિસની આ સ્કીમ્સ વિશે એકવાર જાણી
આ સ્કીમ્સમાં પૈસા થશે ડબલ
પોસ્ટ ઓફિસની આ સ્કીમ્સ છે બેસ્ટ
તમારા પૈસા રહેશે સુરક્ષિત
પોસ્ટ ઓફિસની જે સ્કીમ્સની અમે વાત કરી રહ્યાં છે તેમાં તમને સારું રિટર્ન મળશે. આ સ્કીમ્સમાં ઓછાં રોકાણ સાથે તગડી કમાણી કરી શકાય છે. તમને જણાવી દઈએ કે, સપ્ટેમ્બરના ત્રિમાસિક માટે કેન્દ્ર સરકારે તમામ નાની બચત યોજનાઓના વ્યાજદરમાં કોઈ બદલાવ નથી કર્યો. એવામાં તમે પોસ્ટ ઓફિસની આ સ્કીમમાં પૈસા ઈન્વેસ્ટ કરીને ઓછાં સમયમાં પૈસા ડબલ કરી શકો છો. આ રહી સ્કીમ્સ.
સુકન્યા સમૃદ્ધિ યોજના
આ યોજના દીકરીઓ માટે ચલાવવામાં આવે છે. આમાં 7.6 ટકા વ્યાજ મળે છે. અહીં તમારા પૈસા 9 વર્ષમાં ડબલ થાય છે.
સીનિયર સિટીઝન સેવિંગ સ્કીમ (SCSS)
સીનિયર સિટીઝન સેવિંગ સ્કીમમાં તમને 7.4 ટકા વ્યાજદર મળે છે. જ્યાં પૈસા 9.73 વર્ષમાં ડબલ થઈ જશે.
પીપીએફ સ્કીમ (પીપીએફ)
પોસ્ટ ઓફિસની પીપીએફ યોજનામાં વ્યાજ દર 7.1 ટકા છે. આ યોજના હેઠળ 10 વર્ષમાં તમારા પૈસા ડબલ થઈ જશે.
મંથલી ઈન્કમ સ્કીમ (MIS)
મંથલી ઈન્કમ સ્કીમમાં રોકાણ કરવા પર 6.6 ટકા વ્યાજ મળે છે. આ યોજના હેઠળ 10 વર્ષમાં તમારા પૈસા ડબલ થઈ જશે.
નેશનલ સેવિંગ સર્ટીફિકેટ
નેશનલ સેવિંગ સર્ટિફિકેટમાં 6.8 ટકા વ્યાજ આપવામાં આવે છે. આ 5 વર્ષીય બચત યોજના છે. આ યોજના હેઠળ 10 વર્ષમાં તમારા પૈસા ડબલ થઈ જશે.
ટાઇમ ડિપોઝિટ સ્કીમ
1થી 3 વર્ષની ટાઇમ ડિપોઝિટ સ્કીમમાં રોકાણ કરવાથી 5.5 ટકાનું વ્યાજ મળે છે. આ યોજનામાં તમે 13 વર્ષમાં પૈસા ડબલ કરી શકો છો. જો તમે 5 વર્ષના ટાઈમ ડિપોઝિટમાં રોકાણ કરો છો, તો વ્યાજ દર 6.7 ટકા છે.
રિકરિંગ ડિપોઝિટ સ્કીમ (આરડી)
આરડીમાં 5.8 ટકા વ્યાજ મળે છે. અહીં 12 વર્ષમાં તમારા પૈસા ડબલ થઈ જશે.
બચત બેંક ખાતું
વાર્ષિક પોસ્ટ વિભાગના બચત ખાતામાં 4 ટકા વ્યાજ મળે છે. આ યોજના હેઠળ 18 વર્ષમાં તમારા પૈસા ડબલ થઈ જશે.