જાણવા જેવુ / ના હોય ! હવે ટ્રેનથી પણ જઇ શકો છો 'સિંગાપોર', વીઝા કે પાસપોર્ટની પણ જરૂર નહીં પડે

• સિંગાપોર જવુ હશે તો વીઝા-પાસપોર્ટની નહીં જરૂર પડે?
• હવે તમે ટ્રેન દ્વારા પણ સિંગાપોર જઇ શકશો!
• સિંગાપોર જવુ હોય તો ઓડિશા રાજ્ય માટે ટ્રેન પકડવી પડશે

ઓડિશામાં છે 'સિંગાપુર રોડ' રેલવે સ્ટેશન 

શું થયુ? ચોંકી ગયા ને તમે ! આજે અમે તમને દેશમાં સ્થિત સિંગાપોરમાં લઇ જઇએ છીએ. અહીં તમે ટ્રેન દ્વારા પણ જઇ શકો છો. ભારતીય રેલવેની મદદથી તમે આ સિંગાપોરનો માર્ગ નક્કી કરી શકો છો. અહીં જવા માટે તમારે વીઝા-પાસપોર્ટની જરૂર પડશે નહીં. અહીં જવા માટે તમારે ઓડિશા રાજ્ય માટે ટ્રેન પકડવી પડશે. કારણકે 'સિંગાપોર' સ્ટેશન ત્યાં જ આવે છે. 

આ સ્ટેશન પર 25થી વધુ ટ્રેનો થાય છે પસાર

ઓડિશા રાજ્યમાં આવેલુ આ રેલવે સ્ટેશનનું નામ સિંગાપોર રોડ સ્ટેશન છે. સ્વાભાવિક છે કે આ સ્ટેશન દેશમાં આવેલુ હોવાના કારણે તમારે વીઝા-પાસપોર્ટની જરૂર નથી. ભારતીય રેલવેમાં આ સ્ટેશનનું કોડ નામ 'SPRD/Singapur Road' છે. આ રેલવે સ્ટેશન પરથી બિલાસપુર તિરૂપતિ એક્સપ્રેસ, હીરાખંડ એક્સપ્રેસ, સમતા એક્સપ્રેસ સહિત 25થી વધુ ટ્રેનો પસાર થાય છે. જો કે, ખૂબ જ ઓછી ટ્રેનો આ સ્ટેશન પર ઉભી રહે છે. સિંગાપોર રોડ સ્ટેશન અંગે તમને જાણીને ખબર પડી ગઇ હશે કે અમે વિદેશમાં આવેલા સિંગાપોરની વાત નહોતા કરતા. ઉલ્લેખનીય છે કે, દેશમાં ઘણા એવા ગજબ નામવાળા રેલવે સ્ટેશન છે, અમુક નામ તો સંબંધો પર છે. જેમાં રાજસ્થાનના જોધપુરમાં આવેલા એક રેલવે સ્ટેશનનું નામ 'બાપ રેલવે સ્ટેશન' છે. તો ઉદયપુરમાં સ્થિત એક રેલવે સ્ટેશનનું નામ 'નાના' અને જયપુરની પાસે એક રેલવે સ્ટેશનનું નામ 'સાલી' છે. મધ્ય પ્રદેશની રાજધાની ભોપાલની પાસે 'સહેલી' નામનું રેલવે સ્ટેશન પણ છે.