ભારે થઇ / 'વો' ને પત્ની બનાવવા ગયો ,તો પહેલી વિફરી, બીજીના લગ્નમાં આવેલા જાનૈયાઓ એ તાણી રીવોલ્વર

• 'કાજી તો થે રાજી,પર મિયા-બીવી મે હો ગઈ તકરાર'
• બીજીને પરણવા ગયેલા પતિ સામે આડી ઉતરી પહેલી 
• હંગામા - બૂમરાણ વચ્ચે,પતિ સામે તાણી 'લક્ષ્મણ રેખા'

આણંદનાં પેટલાદના નાર ગામે એક એવી ઘટના બની કે તમને થશે કે આવું હોય,? આ તો ભારે કરી. તો ભારે જ કરી,અને ભારે એટલે કેવી કે પતિ બીજી યુવતીને પરણવા ચઢ્યો હતો અને પહેલીને ગંધ આવી ગઈ તો પહોચી લગ્ન મંડપમાં. અને કર્યો હોબાળો. જાનૈયા પણ કઈ ગાંજ્યા જાય તેમ નહોતા, વરરાજાને પરણાવે પાર કરવા હતા એટલે પહેલી બહુ હોબાળો કરતી હતી તો તેના નાટક બંધ કરાવવા રોષે ભરાયેલા જાનૈયાઓએ, ભરી સભામાં 'રિવોલ્વર'તાણી, અને લગ્ન ગીતોના બદલે રાડા-રાડી,  શોર-બકોરમાં આખો માહોલ ફેરવાઈ ગયો

 (વરરાજાનો સંબંધી જેણે તાની હતી રિવોલ્વર)

થયું એવું કે, નાર ગામમાં એક શખસ લગ્ન મંડપમાં આવ્યો હતો, આ તેના બીજા લગ્ન હતા. પરંતુ રસમ -રીવાજ અદા થાય તે પહેલા જ પહેલી પત્ની આ લગ્ન અટકાવવાના મનસૂબા સાથે પહોચી ગઈ. આમ પણ કોઈ સ્ત્રી પોતાનો હક બીજાને કેવી રીતે આપે ?  પરણીત શખ્સ બીજા લગ્ન કરતા પહેલી પત્નીએ  હોબાળો કર્યો. આખી રાડા-રાડ અને વાતાવરણ લગ્ન નહિ થઇ શકે તેવું જોતા જાનૈયા પણ વિફર્યા અને રિવોલ્વર તાણી, પહેલી પત્નીને ડરાવવા,ધમકાવવા પ્રયાસ કર્યો હતો. મહેબૂબખાન નામના જાનૈયાએ રિવોલ્વર બતાવી ડરાવનાનો  પ્રયાસ કર્યો હતો અને ખુદ તારાપુર પોલીસનો કર્મચારી હોવાનો દાવો પણ કર્યો હતો.  આમ છતાં, પહેલી પત્નીએ ભારે હોબાળો કરીને  પતિના લગ્ન અટકાવ્યા હતા.