આડઅસર / સાવધાન! ચા સાથે કાંઈ ખાવાની ટૅવ હોય તો બદલી નાંખજો, નહીંતર પડી જશે લેવાના દેવા

• શું તમે ચા પીવાના શોખીન છો?
• ચાની આ વસ્તુઓ ખાવાનુ ટાળજો
• નહીંતર થશે પાચન સંબંધી સમસ્યાઓ

ચાની સાથે આ વસ્તુઓનુ સેવન ના કરશો 

જો તમને ચા પીવી વધુ પસંદ છે અને ચાની સાથે કઈને કઈક ખાવામાં તમને વધુ ગમે છે તો પહેલા તમે તેની આડઅસરો અંગે ખાસ જાણી લો. જો કે, અમુક લોકો ચાના એટલા શોખીન હોય છે કે સવાર, સાંજ હોય કે બપોર, એક કપ ચા તેમને ખૂબ શાંતિ આપે છે. ભારતમાં ચા એટલી વધુ માત્રામાં પીવામાં આવે છે કે કેટલાંક લોકો તેને રાષ્ટ્રીય પીણુ પણ કહે છે. આવો જાણીએ ચાની સાથે કઈ-કઈ વસ્તુઓ ના ખાવી જોઈએ. 

લેમન ટી પીવાથી થઇ શકે છે નુકસાન 

કેટલાંક લોકો વજન ઘટાડવા માટે લેમન ટી પીવે છે. પરંતુ આમ કરવુ તમારા માટે નુકસાનકારક સાબિત થઇ શકે છે. મોટાભાગના લોકો ભૂખ્યા પેટે સવારના સમયે લેમન ટીનુ સેવન કરે છે. પરંતુ શું તમને ખબર છે કે ચાની પત્તીની સાથે લીંબુનો રસ મળવાથી ચા એસિડિક થઇ જાય છે અને તેનાથી સોઝાનો ખતરો બને છે. ઉલ્લેખનીય છે કે જો તમે ભૂખ્યા પેટે લેમન ટી પીવો છો તો તમારે હાર્ટબર્ન અને એસિડ રિફ્લક્સ જેવી પરેશાની થઇ શકે છે. ઉલ્લેખનીય છે કે જો તમે પહેલાથી જ એસિડિટીથી પીડિત છો તો તમારે લેમન ટીથી દૂર રહેવુ જોઈએ. 

ચાની સાથે બેસનમાંથી બનાવેલી વસ્તુ ના ખાશો

મોટાભાગના લોકોને ચા પીવાની સાથે પકોડા અને નમકીન ખાવાનુ વધુ પસંદ હોય છે. ધ્યાનમાં લેવા જેવી વાત એ છે કે ચાની સાથે ખાવામાં આવતો નાશ્તો મોટાભાગે બેસનમાંથી બનેલો હોય છે. જાણી લો કે ચાની સાથે બેસનમાંથી બનાવેલી વસ્તુઓ ખાવાથી પાચન સંબંધી સમસ્યાઓ થઇ શકે છે. ચાની સાથે બેસનની પ્રોડક્ટ્સ ખાવાથી મળતા પોષક તત્વોની સંખ્યા ઘટી જાય છે. કારણકે આ પોષક તત્વોને શોષવાની ક્ષમતાને ઘટાડી દે છે.