સાઉથ કોરિયા / કોરોના વાયરસને કારણે વિશ્વની સૌથી મોટી કારની ફૅક્ટરી કરાઈ બંધ, આ કંપનીઓ પણ થઈ શકે બંધ

• 14 લાખ વાહનોના ઉત્પાદનની ક્ષમતા ધરાવતું કારખાનું અનિશ્ચિત કાળ માટે બંધ 
• ફક્ત દક્ષિણ કોરિયામાં જ 25 કર્મચારીઓને રજા આપી દેવામાં આવી 
• ચીનથી આયાત થતા કારના સાધનોની અછતના કારણે ઉત્પાદન પર પડી રહી છે અસર 

ચીનમાં ઉત્પાદિત થતા ઉપકરણોની અછત 

આ ફેક્ટરીની કુલ ક્ષમતા 14 લાખ વાહનનું ઉત્પાદન કરવાની છે. આ કારખાનું સમુદ્રી તટ પર જ છે જ્યાંથી તે આયાત અને નિકાસ પણ કરે છે. કોરોના વાયરસના કારણે હ્યુન્ડાઈ પાસે વાહનોના ઉપકરણોને જોડતા સાધનોની અછત ઉભી થઇ ગઈ છે જેથી હવે આ ફેક્ટરી બંધ કરવાની નોબત આવી છે. 

માત્ર દક્ષીણ કોરિયામાં જ 25 હજાર કર્મચારીઓને રજા પર મોકલી દેવામાં આવ્યા છે. કંપની જો 5 દિવસ સુધી કારખાનું બંધ કરે તો લગભગ 50 કરોડ ડોલરનું નુકસાન થાય તેવી સંભાવના છે. 

આ કંપનીઓ પર પણ થઇ રહી છે અસર 

આ સિવાય રેનો પણ દક્ષિણ કોરિયામાં આવેલ ફેકટરી બંધ કરવા જઈ રહી છે. ફિઆટ કંપનીએ પણ કબુલ કર્યું છે કે તેમને પણ કોરોના વાયરસના કારણે ઉત્પાદનમાં મુશ્કેલી થઇ રહી છે. નોંધનીય છે કે દક્ષીણ કોરિયાની કંપનીઓ ચીનમાં ઉત્પાદિત થતા સાધનો પર નિર્ભર છે. કારના સાધનો પણ ત્યાંથી આયાત કરવામાં આવે છે હવે જો ખાલી એક પાર્ટ પણ ન મળી શકે તો ઉત્પાદન અટકી જાય.