એરોજેલ / આ છે દુનિયાની સૌથી હળવી મિઠાઇ, તેનું વજન ફક્ત એક ગ્રામ, 96 ટકા હવા

• ખાધા પછી મોઢાને મિઠાસથી ભરી દેતી ચીજોનું પ્રમાણ માત્ર 4 ટકા
• એરોજેલ વિશ્વની સૌથી હળવો ઘન પદાર્થ
• તેની શોધ વર્ષ 1931 અમેરિકન રસાયણશાસ્ત્રી સેમ્યુઅલ કિસ્ટલરે કરી હતી

મિઠાઇની સૌથી ખાસ વાત એ છે કે તેને બનાવવા માટે વિજ્ઞાનીઓની પણ મદદ પણ લેવામાં આવી છે. તમને જાણીને આશ્ચર્ય થશે કે તે વિશ્વની સૌથી હળવી એવી આ મીઠાઈનું વજન ફક્ત એક ગ્રામ છે. આ મીઠાઈમાં 96 ટકા માત્ર હવા છે. મતલબ કે તેને ખાધા પછી મોઢાને મિઠાસથી ભરી દેતી ચીજોનું પ્રમાણ માત્ર 4 ટકા છે.

વિશ્વની સૌથી હળવી મીઠાઈની શોધ લંડનના ડિઝાઇનર સ્ટુડિયો બોમ્પાસ એન્ડ પારના નિષ્ણાતોએ એરોજેલેક્સ લેબોરેટરીના વિજ્ઞાનીઓ સાથે મળીને જર્મનીના હેમ્બર્ગમાં બનાવી છે. મિઠાઇ બનાવવા માટે વિજ્ઞાનીઓએ પહેલા વિશ્વના સૌથી હળવા પદાર્થને ખાવા લાયક બનાવ્યો.આ મીઠાઈ એરોજેલમાંથી બનાવવામાં આવી છે. એરોજેલ વિશ્વની સૌથી હળવો ઘન પદાર્થ છે. 

તેની શોધ વર્ષ 1931 અમેરિકન રસાયણશાસ્ત્રી સેમ્યુઅલ કિસ્ટલરે કરી હતી. સેમ્યુઅલ અને તેના એક સાથી વચ્ચે એક દાવ હતો કે કોણ જેલને સંકોચ્યા વિના તેમાં રહેલા પાણીને હવામાં ફેરવી શકે છે. આ માટે સેમ્યુલે ઘણા પ્રયોગો કર્યા. જેમાંથી એરોજેલની શોધ થઈ. એરોજેલમાં 95 થી 99.8 ટકા હવા હોય છે, તેના કારણે તે વિશ્વનો સૌથી હળવો પદાર્થ છે.તેમાં મીઠાસ ઉમેરીને ખાસ મિઠાઇ તૈયાર કરાઇ છે.