WC 2019 / કોઇ પણ બને ચેમ્પિયન, જશ્ન મનાવવા માટે નહીં મળે રિયલ ટ્રોફી

ખૂબ જ ઓછા લોકો જાણે છે કે ફાઇનલ બાદ વિજેતા ટીમને અસલી વર્લ્ડકપ મળવાનો નથી. ચેમ્પિયન કોઇ પણ બને, પરંતુ અસલી વર્લ્ડકપની ટ્રૉફી ક્યાં હશે?

વર્લ્ડકપની શરૂઆત વર્ષ 1975માં થઇ, પહેલી વખત 1975માં વેસ્ટઇન્ડિઝે જીત્યો, 1979માં પણ વેસ્ટઇન્ડિઝે અને પછી 1983માં ભારતીય ટીમ વિજેતા બની, એમને એક જ પ્રકારની ટ્રૉફી આપવામાં આવી. એ સમયે ટ્રૉફીની ડિઝાઇનમાં કોઇ ફેરફાર કરવામાં આવ્યો નહતો. આયોજિત થયેલા ત્રણ વર્લ્ડકપના સ્પૉન્સર પ્રૂડેન્શિયલ પૉલિસી હતા. ત્યારબાદ સ્પૉન્સર બદલાયા તો ટ્રૉફીની ડિઝાઇનમાં ફેરફાર કરવામાં આવ્યો.

ઇન્ટરનેશનલ ક્રિકેટ કાઉન્સિલ ICC એ વર્લ્ડકપમાં પહેલી વખત વિજેતા ટીમને પોતાની અસલી ટ્રૉફી આપી, ત્યારબાદથી આ નિયમનું પાલન કરવામાં આવી રહ્યું છે. જાણવા મળ્યું છે કે વર્લ્ડકપ જીતનારી ટીમને રિયલ ટ્રૉફી આપવામાં આવતી નથી. વાસ્તવમાં એ ટ્રૉફીની કોપી જ ટીમને આપવામાં આવે છે. વર્લ્ડકપની ઓરિજીનલ ટ્રૉફી આઇસીસી પોતાની પાસે સંભાળીને રાખે છે. 

તમને ખબર હોય તો વર્ષ 2011માં વિજેતા બનેલી ભારતીય ટીમને પણ બાદમાં અસલી ટ્રૉફીનું પ્રતિરૂપ જ આપવામાં આવ્યું હતું. અસલી ટ્રૉફીને આઇસીસીના મુખ્યાલય શારજાહમાં સંભાળીને રાખવામાં આવે છે. વર્લ્ડકપની ટ્રૉફીમાં સોના અને ચાંદીનું કામ કરવામાં આવે છે. 

વર્લ્ડકપ ટ્રૉફીનું વજન આશરે 11 કિલો હોય છે અને ઊંચાઇ 60 સેન્ટીમીટર હોય છે. ચાંદી અને સોનાથી તૈયાર વર્લ્ડકપની ટ્રૉફીમાં એક ગોલ્ડન ગ્લોબ જોવા મળે છે. ટ્રૉફીના બેસ પર પૂર્વ વિજેતા ટીમોના નામ પણ લખેલા હોય છે.