VIDEO / આને કહેવાય એક સ્ટિક બે નિશાન! ટીમ માટે ગોલ ફટકારીને બોયફ્રેન્ડને કરી દીધું પ્રપોઝ, મહિલા હોકી વર્લ્ડકપની રોમેન્ટિક ઘટના

• મહિલા હોકી વર્લ્ડ કપની મેચ 
• છેલ્લી લીગ મેચમાં નેધરલેન્ડે ચિલીને 3-1થી હરાવ્યું
• નેધરલેન્ડ માટે વોલ્ટન, જાનસેન અને ડી ગોએડે કર્યા ગોલ

ક્રિકેટ અને ફૂટબોલ સ્ટેડિયમમાં મેચ દરમિયાન કપલ ઘણી વખત એકબીજાને પ્રપોઝ કરતા જોવા મળ્યા છે. હવે આવો નજારો હોકીમાં પણ જોવા મળ્યો છે. મહિલા હોકી વર્લ્ડ કપ નેધરલેન્ડ અને સ્પેન સંયુક્ત રીતે રમી રહ્યા છે. 6 જુલાઈના રોજ નેધરલેન્ડ અને ચિલી વચ્ચે રમાયેલી મેચ દરમિયાન એક રોમેન્ટિક કપલે દર્શકોના દિલ જીતી લીધા હતા.

મેચ હાર્યા છતાં જીતી લીધુ લોકોનું દિલ
હકીકતમાં ગ્રુપ Aની છેલ્લી લીગ મેચમાં નેધરલેન્ડે ચિલીને 3-1થી હરાવ્યું હતું. નેધરલેન્ડ માટે વોલ્ટન, જાનસેન અને ડી ગોએડે ગોલ કર્યા હતા. આ સાથે જ ચિલી તરફથી એકમાત્ર ગોલ ફ્રાન્સેસ્કા ટાલાએ કર્યો હતો. ગોલ ફટકારવા છતાં અને મેચ હારી જવા છતાં, ટાલાએ બધાનું ધ્યાન પોતાના તરફ કરી લીધું. તેણે મેચ પહેલા કહ્યું હતું કે જો તે નેધરલેન્ડ સામે ગોલ કરશે તો તે મેદાન પર જ તેના બોયફ્રેન્ડને લગ્ન માટે પ્રપોઝ કરશે.

"I made a bet with the girls that if I made a goal against the Netherlands, I had to marry my boyfriend."

"He said yes!" 💍

This interview with @chile_hockey's Francisca Tala is everything 🤣🙌 #HWC2022 pic.twitter.com/qVI0QcEhvC

— Watch.Hockey (@watchdothockey) July 6, 2022

મેચ બાદ બોયફ્રેન્ડને કર્યું પ્રપોઝ
ટાલાએ મેચની 21મી મિનિટે ગોલ કર્યો હતો. મેચ પુરી થયા બાદ તેણે તેના બોયફ્રેન્ડને પ્રપોઝ કર્યું હતું. મેચ પછી, ટાલાએ ખુલાસો કર્યો કે તેણે મેચ પહેલા તેના સાથી ખેલાડીઓ સાથે શરત લગાવી હતી. તેણે કહ્યું હતું કે જો તે નેધરલેન્ડ સામેની મેચમાં ગોલ કરશે તો તે તેના બોયફ્રેન્ડને લગ્ન માટે પ્રપોઝ કરશે. ટાલાએ જણાવ્યું કે તેનો બોયફ્રેન્ડ આનાથી ઘણો ખુશ હતો અને તેણે લગ્ન માટે હા પાડી દીધી છે.

મારા માટે એક સપના જેવું : ટાલા 
ટાલાએ કહ્યું, "મારા માટે આ એક સ્વપ્ન જેવું છે. આ ક્ષણ અદ્ભુત છે. આ મારા હોકી જીવનની શ્રેષ્ઠ ક્ષણ છે." નેધરલેન્ડ્સ પૂલ Aમાં ટોચ પર છે જ્યારે ચિલી ત્રીજા સ્થાને છે. ચિલીએ હવે ક્વાર્ટર ફાઇનલમાં પહોંચવા માટે પૂલ Dમાં બીજા સ્થાને રહેલી બેલ્જિયન ટીમ સામે રમવું પડશે. આ મેચ 9 જુલાઈના રોજ રમાશે.