ના હોય! / છૂટાછેડા આપ્યા અને મહિલાની કિસ્મત બદલાઈ ગઈ, રાતોરાત 24000 કરોડની માલિક બની ગઈ

• ચીનમાં છૂટાછેડાથી ચમકી ગઈ મહિલાની કિસ્મત
• દુનિયાની સૌથી અમીર મહિલાઓમાં થઈ સામેલ
• મહિલા વેક્સીન બનાવનારી કંપનીના ચેરમેનની પત્ની છે

સામાન્ય રીતે લગ્ન જીવનમાં છૂટાછેડા તકલીફ દાયક હોય છે. તેમ છતાં દુનિયાભરમાં છૂટાછેડાના કેસ વધી રહ્યા છે. હાલમાં ચીનમાં એક એવો કિસ્સો સામે આવ્યો છે જેમાં મહિલા છૂટાછેડા લેવાના કારણે અરબપતિ બની હતી. 

છૂટાછેડાને વિશે સાંભળીને દરેક વ્યક્તિ હેરાન છે

ચીનની એક વેક્સીન બનાવનારી કંપની શેંઝેન કંગટાઈ બાયોલોજિકલ પ્રોડક્ટ્સ કંપનીના ચેરમેન ડ્યૂ વેઈમિનના પત્નીનો થયો છે. આ છૂટાછેડા બાદ વળતરની જે રકમ તેણે પત્નીને આપી તે આશ્ચર્યજનક છે. તેઓએ કંપનીના 161.3 કરોડ શેર આપ્યા હતા. 

મહિલાને છૂટાછેડાથી મળ્યા 24000 કરોડ રૂપિયા

એક રિપોર્ટ અનુસાર શેરબજાર સોમવારે બંધ થયું ત્યારે આ શેરોનું મૂલ્ય 3.2 અબજ ડોલર અથવા રૂ. 24,000 કરોડ હતું. છૂટાછેડા લીધેલા પતિની કુલ સંપત્તિ હવે ઘટીને લગભગ 3.1 અબજ ડોલર એટલે કે 23,250 કરોડ રૂપિયા પર આવી ગઈ છે. જો કે, આમાં ગિરવે રાખેલા શેરની કિંમત સામેલ નથી.

ખેડૂત પરિવારમાં જન્મ્યા હતા ડ્યૂ

56 વર્ષીય ડ્યૂનો જન્મ ચીનના જિયાંગ્સી પ્રાંતમાં ખેડૂત પરિવારમાં થયો હતો. કોલેજમાં રસાયણશાસ્ત્રનો અભ્યાસ કર્યા પછી, તેમણે 1987માં ક્લિનિકમાં કામ કરવાનું શરૂ કર્યું અને 1995 માં બાયોટેક કંપનીના સેલ્સ મેનેજર બન્યા. આ પછી, કાંગટાઇએ વર્ષ 2009 માં મીનહાઇને હસ્તગત કરી અને તે આખી કંપનીના અધ્યક્ષ બન્યા. મિનહાઇની સ્થાપના 2004માં ડ્યૂ દ્વારા કરવામાં આવી હતી.