ટ્રાન્સજેન્ડર માટે પતિના સીક્રેટ લવનો ખુલાસો થયા પછી પત્નીએ તેને લગ્ન અને એક છત નીચે રહેવાની મંજૂરી આપી. 32 વર્ષીય યુવાનને બે વર્ષનો પુત્ર પણ છે. આ શખ્સનું છેલ્લા એક વર્ષથી એક ટ્રાન્સજેન્ડર સાથે અફેર હતું.
પતિનું ટ્રાન્સજેન્ડર સાથે હતુ અફેર
પત્નીએ કરાવ્યા પતિના લગ્ન
લગ્ન બાદ એક છત નીતે રહેવાની આપી મંજૂરી
ઓડિશાના કાલાહાંડીમાં એક અનોખા લગ્નનો મામલો સામે આવ્યો છે. અહીં એક પરિણીત પુરુષે પત્નીની પરવાનગી બાદ ટ્રાન્સજેન્ડર સાથે લગ્ન કર્યા. ટ્રાન્સજેન્ડર માટે પતિના સિક્રેટ લવનો ખુલાસો થયા પછી પત્નીએ તેને લગ્ન અને એક છત નીચે રહેવાની મંજૂરી આપી.
32 વર્ષીય યુવાનને બે વર્ષનો પુત્ર પણ છે. આ વ્યક્તિનું છેલ્લા એક વર્ષથી એક ટ્રાન્સજેન્ડર સાથે અફેર હતું. જ્યારે પત્નીને આ વાતની જાણ થઈ ત્યારે તેણે લગ્ન અને સાથે રહેવાની પરવાનગી આપી દીધી. જ્યારે પ્રથમ પત્ની હયાત હોય ત્યારે બીજા લગ્નની કાયદેસર મંજૂરી નથી.
મંદિરમાં થયા બન્નેના લગ્ન
આ લગ્ન રવિવારે નરલા સ્થિત એક મંદિરમાં થયા હતા. સામાન્ય ફંક્શનમાં લગ્ન થયા. આ દરમિયાન ટ્રાન્સજેન્ડર સમુદાયના કેટલાક સભ્યો પણ લગ્નનો ભાગ બન્યા હતા. સેબકારી કિન્નર મહાસંઘના પ્રમુખ કામિનીએ બંનેનું કન્યાદાન આપ્યું હતું. તેમણે કહ્યું, "અમે તે બંને માટે ખૂબ જ ખુશ છીએ અને તેમને સમૃદ્ધ જીવનની શુભેચ્છા પાઠવીએ છીએ."
કિન્નર સમુદાયને આ વાતની ચિંતા
કામિનીએ કહ્યું કે તેને ચિંતા હતી કે હિંદુ લગ્નમાં પ્રથમ પત્નીને કાયદેસર રીતે છૂટાછેડા લીધા વિના બીજા લગ્ન માન્ય રહેશે નહીં. કામિનીએ જણાવ્યું કે આ દુર્લભ લગ્ન બંને પાર્ટનરની સહમતિ અને પત્નીની સંમતિથી શક્ય બન્યા હતા.
કિન્નર સમુદાયના તમામ સભ્યોએ પણ તેમને સમય આપ્યો અને પૂછ્યું કે શું તેમના મનમાં અન્ય કોઈ વિચાર છે. કામિનીએ કહ્યું કે 'અમે પોલીસ સ્ટેશન ગયા અને તેમને લેખિતમાં જાણ કરી પરંતુ તેમણે કહ્યું કે તેમને આ બાબત સાથે કોઈ લેવાદેવા નથી.'
પહેલી પત્નીને ડિવોર્સ આપ્યા વગર બીજા લગ્ન માન્ય નહીં
નરલા પોલીસ સ્ટેશનના પોલીસ અધિક્ષક ગંગાધર મેહરે જણાવ્યું હતું કે, "જો કોઈ પણ બાજુથી ફરિયાદ મળશે, તો અમે કાયદા મુજબ કાર્યવાહી કરીશું." વરિષ્ઠ વકીલ ત્રિલોચન નંદાએ રજૂઆત કરી હતી કે પ્રથમ લગ્નની કાયદાકીય સમાપ્તિ વિના બીજા લગ્નને માન્યતા આપી શકાય નહીં.
તેમણે સ્પષ્ટતા કરી, "આ પ્રકારના સંબંધોને કાં તો એક્સ્ટ્રા મેરિટલ અથવા લિવ-ઈન કહેવામાં આવે છે, પછી ભલે તેઓ પતિ-પત્નીની જેમ રહેતા હોય. તેને લગ્ન ન કહી શકાય."