રાજકારણ / દીદી માટે સ્ટ્રેટેજી બનાવનાર PK ગુજરાતમાં પણ ઝંપલાવશે? કોંગ્રેસ નેતાએ આપ્યું મોટું નિવેદન

• આગામી વિધાનસભા ચૂંટણીની તૈયારીઓ
• કોંગ્રેસના પ્રવક્તા જયરાજસિંહ પરમારે આપ્યા સંકેત
• બીજેપી વિરોધી દળોને એક મંચ પર લાવવાની ચર્ચા

ગુજરાતમાં આગામી સમયમાં 2022માં વિધાનસભાની ચૂંટણી યોજાવાની છે જેને લઈને સૌ કોઈ આગવી રીતે તૈયારીઓમાં લાગી ગયું છે, ગુજરાતમાં મહત્વના ગણાતા બે પક્ષો બાદ હવે  આમ આદમી પાર્ટી તરીકે ત્રીજો પક્ષ પણ ગુજરાતની રાજનીતિમાં ઉભરતો જોવા મળી રહ્યો છે ત્યારે કોંગ્રેસ પક્ષ પણ હવે પૂરી તૈયારી સાથે મેદાનમાં ઉતરવા જઈ રહ્યો હોય તેવું વર્તાઈ રહ્યું છે.

આગામી વિધાનસભા ચૂંટણીની તૈયારીઓ

રાજ્યમાં 2022ની વિધાનસભાની ચૂંટણી પહેલા કોંગ્રેસ અને ભાજપ દ્વારા જોરશોરથી તૈયારી ચાલુ કરવામાં આવી છે. બીજી તરફ કોંગ્રેસે પણ તડામાર તૈયારી ચાલુ કરી છે. આ વચ્ચે ગુજરાતના રાજકારણના સૌથી મોટા સમાચાર સામે આવ્યા છે. ચૂંટણી રણનીતિકાર પ્રશાંત કિશોર ગુજરાત કોંગ્રેસની જવાબદારી સોંપવામાં આવી શકે છે જે અંગે ગુજરાત કોંગ્રેસના પ્રવક્તા જયરાજસિંહ પરમારે સંકેત આપ્યા છે.

કોંગ્રેસના પ્રવક્તા જયરાજસિંહ પરમારે આપ્યા સંકેત

ગુજરાત કોંગ્રસમાં હવે પ્રશાંત કિશોરની એન્ટ્રી થાય તેવી વર્તાઈ રહ્યું છે ગુજરાતની રાજનીતિમાં પ્રશાંત કિશોરની ટીમને ગુજરાત કોંગ્રેસનું કેમ્પેઇન મળી શકે છે, 2022ની વિધાનસભાની ચૂંટણી પહેલા કોંગ્રેસ પણ હવે એક્શન મોડમાં દેખાઈ રહી છે ત્યારે ગુજરાત કોંગ્રેસમાં વ્યુહરચનાકાર તરીકે પ્રશાંત કિશોરની એન્ટ્રી થવા જઈ રહી છે જેને લઈને કોંગ્રેસ પ્રવક્તા જયરાજસિંહ પરમારે કહ્યું કે પ્રશાંત કિશોરને લઈ હાઈકમાન્ડ નિર્ણય લેશે, પ્રશઆંત કિશોર આવે તો તેમનું સ્વાગત છે તેમજ પ્રશાંત કિશોર કોંગ્રેસ સાથે જોડાશે તો કોંગ્રેસને ફાયદો થશે તેવું કોંગ્રેસ પ્રવક્તા જયરાજસિંહે જણાવ્યું હતું 

બીજેપી વિરોધી દળોને એક મંચ પર લાવવાની ચર્ચા
આ પેહેલા પ્રશાંત કિશોરે એનસીપી પ્રમુખ શરદ પવાર અને રાજનિતીના રણનીતિકાર પ્રશાંત કિશોરની મુલાકાત થઈ હતી, ત્યાર બાદ મહારાષ્ટ્રના રાજકારણમાં પણ ગરમાવો આવ્યો હતો. તેવું માનવામાં આવી રહ્યું છે કે પ્રશાંતે પવારની સામે દેશભરના રાજનિતી પક્ષોના આંકડાઓ સામે રાખ્યા હતા. બીજી તરફ એ પણ અટકળો લગાવવામાં આવી રહી હતી કે દેશના અલગ અલગ રાજ્યોનાં બીજેપી વિરોધી દળોને એક મંચ પર લાવવાની ચર્ચા શરૂ થઈ હતી.