રિપોર્ટ / Apple ના આ પગલાંથી પૂરો થઈ જશે ચીનનો 'દબદબો'? દુનિયાના અડધાથી વધુ iPhone ભારતમાં બનશે!

• ચીનમાં ઉત્પાદન ઘટાડી રહ્યું છે એપલ 
• 2025 સુધીમાં દુનિયાના 25 ટકા આઈફોન ભારતમાં બનતા હશે
• એપલ ચીન પરની તેની નિર્ભરતા ધીમે ધીમે ઓછી કરી રહી છે

ચીન, ભારત અને એપલ... આ ત્રણ એવા નામ છે જે આવનાર સમયમાં બજારના સમીકરણમાં મોટો ફેરફાર લાવી શકે છે. આપણએ બધા જાણીએ છીએ કે એપલ વિશ્વની સૌથી મોટી ટેક્નોલોજી કંપનીઓમાંની એક છે અને કંપની દર વર્ષે વિશ્વભરમાં હજારો કરોડના iPhone વહેંચે છે. આ સાથે જ નોંધીનીય વાત એ છે કે આ iPhonesનો મોટો હિસ્સો ચીનમાં બને છે.

લગભગ બધાને ખબર હશે કે ચીન આઈફોનનું સૌથી મોટું ઉત્પાદક છે પણ હવે આ આંકડાઓ ઝડપથી બદલાઈ રહ્યા છે. એક રિપોર્ટ અનુસાર વર્ષ 2027 સુધીમાં દુનિયાભરમાં વંહેચાતા આઈફોનમાંથી અડધો ભાગ મેડ ઈન ઈન્ડિયા હશે. આ પહેલા પણ આ સંબંધમાં એક રિપોર્ટ આવ્યો હતો, જેમાં અનુમાન લગાવવામાં આવ્યું હતું કે વર્ષ 2025 સુધીમાં દુનિયાના 25 ટકા આઈફોન ભારતમાં બનતા હશે. જણાવી દઈએ કે આ વાતની ચર્ચા ભારતમાં જ નહીં પરંતુ ચીનના બજારમાં પણ છે. 

ચીનમાં ઉત્પાદન ઘટાડી રહ્યું છે એપલ 
Apple કંપની ચીનના બજાર પર તેમની નિર્ભરતા ઘટાડવાનો પ્રયાસ કરી રહી છે અને તેનો ફાયદો વિયેતનામ અને ભારતને મળી રહ્યો છે. આપણે વર્ષોથી એપલની ચીની બજાર પર નિર્ભરતા વિશે સાંભળતા આવીએ છીએ પણ કોરોના વાયરસ રોગચાળાએ આ ચિત્રને પલટી દીધું હતું.  વિશ્વનો સૌથી મોટો આઇફોન એસેમ્બલી પ્લાન્ટ કોવિડ-19 ના કારણે આવેલ મહામારીથી પ્રભાવિત થયો હતો અને દર અઠવાડિયે કંપનીએ તેની કિંમત અબજો ડોલરમાં ચૂકવવી પડતી હતી.

એ સમયથી એપલ વર્ષોથી ચીન પરની તેની નિર્ભરતા ધીમે ધીમે ઓછી કરી રહી છે અનેએ તેની સામે ભારતને Appleના બીજા સૌથી મોટા ઉત્પાદન કેન્દ્ર તરીકે સ્થાપિત કરી છે. જણાવી દઈએ કે ગયા વર્ષે Appleએ ભારતમાં iPhone 14નું ઉત્પાદન સપ્ટેમ્બરમાં શરૂ કર્યું હતું. 

ભારતમાં બનશે લેટેસ્ટ આઇફોન 
જણાવી દઈએ કે કંપની આઈફોન 14નું ઉત્પાદન ચીન અને ભારતમાં એકસાથે શરૂ કરવા માંગતી હતી પણ આવું શક્ય થયું નહીં પણ iPhone 15 સાથે આ શરૂ થઈ શકે છે. જણાવી દઈએ કે બ્લૂમબર્ગના રિપોર્ટ અનુસાર ભારતમાં હાલમાં માત્ર 2.27 ટકા એપલ સપ્લાયર સુવિધાઓ છે અને એ મુજબ ઉત્પાદનના મામલે ભારત 8મા સ્થાને આવે છે. આ બબાતે ભારતથી આગળ અમેરિકા, ચીન, જાપાન, જર્મની, યુકે, તાઈવાન, ફ્રાન્સ અને દક્ષિણ કોરિયા છે.

જો કે આ તસવીર ટૂંક સમયમાં બદલાવાની છે. સાઉથ ચાઈના મોર્નિંગ પોસ્ટનું અનુમાન છે કે વર્ષ 2027 સુધીમાં વિશ્વનો દરેક બીજો ફોન ભારતમાં મેડ ઈન થઈ જશે. જેપી મોર્ગને અગાઉ અનુમાન લગાવ્યું હતું કે વર્ષ 2025 સુધીમાં વિશ્વના 25 ટકા આઈફોન ભારતમાં બનવા લાગશે. 

ચીનની કંપનીઓ પર પડી રહી છે અસર 
જણાવી દઈએ કે એપ્રિલ અને ડિસેમ્બર 2022 વચ્ચે ભારતમાંથી iPhone શિપમેન્ટના આંકડા બમણા થયા છે. આ સાથે જ વિયેતનામમાં પણ કંપની MacBook અને AirPodsનું ઉત્પાદન વધારી રહી છે. ચીની માર્કેટમાં લિસ્ટેડ આ કંપનીએ વર્ષ 2022 માટે તેની કમાણીના અનુમાનમાં 60%નો ઘટાડો કર્યો છે.