IPLIN
 
  • Home
  • India
  • Why was a project worth thousands of crores transferred from Maharashtra to Gujarat?

નિવેદન / મહારાષ્ટ્રથી ગુજરાત કેમ ટ્રાન્સફર થયો હજારો કરોડનો પ્રોજેક્ટ, વિવાદ વચ્ચે Vedanta ના ચેરમેને આપી સ્પષ્ટતા 

Team VTV 01:10 PM, 15 Sep 22
Follow us
Why was a project worth thousands of crores transferred from Maharashtra to Gujarat?

મહારાષ્ટ્રની જગ્યાએ ગુજરાતની પસંદગી થયા બાદ અનેક સવાલો ઊભા થયા બાદ ચેરમેને આપી સ્પષ્ટતા 

  • મહારાષ્ટ્રથી ગુજરાત કેમ ટ્રાન્સફર થયો હજારો કરોડનો પ્રોજેક્ટ
  • વેદાંતાના ચેરમેન અનિલ અગ્રવાલે આપ્યું  મોટું નિવેદન 
  • વ્યાવસાયિકોની ટીમે સંયુક્ત સાહસ માટે ગુજરાતની પસંદગી કરી: અનિલ અગ્રવાલે 

વેદાંતા-ફોક્સકોન સંયુક્ત સાહસ માટે મહારાષ્ટ્રની જગ્યાએ ગુજરાતની પસંદગી થયા બાદ અનેક સવાલો ઊભા થયા છે. તેવામાં હવે વેદાંતાના ચેરમેન અનિલ અગ્રવાલે જણાવ્યું છે કે, વ્યાવસાયિકોની ટીમે વેદાંતા-ફોક્સકોન સંયુક્ત સાહસ માટે ગુજરાતની પસંદગી કરી છે. વેદાંતા-ફોક્સકોનનું આ સંયુક્ત સાહસ રૂ.1.5 લાખ કરોડની મદદથી સેમિકન્ડક્ટર અને ડિસ્પ્લે ફેબ્રિકેશન પ્લાન્ટ સ્થાપવા જઈ રહ્યું છે. 

માઇનિંગ બિઝનેસની દિગ્ગજ કંપની વેદાંતે વિશ્વવ્યાપી સેમિકન્ડક્ટર કટોકટીને ધ્યાનમાં રાખીને તાઇવાનની કંપની સાથે ભારતમાં ચિપ ફેક્ટરી સ્થાપવાનો નિર્ણય કર્યો છે. અગાઉ મહારાષ્ટ્રમાં આ ફેક્ટરી માટે જમીન શોધવામાં આવી રહી હતી, પરંતુ અચાનક વેદાંતે આ માટે ગુજરાત જવાનું નક્કી કર્યું.  ફોક્સકોન અને વેદાંતા ગ્રૂપનો સેમિકન્ડક્ટર મેન્યુફેક્ચરિંગ પ્રોજેક્ટ હવે મહારાષ્ટ્રથી ગુજરાતમાં શિફ્ટ થયો છે. વેદાંતા રિસોર્સ લિમિટેડના ચેરમેન અનિલ અગ્રવાલે ટ્વીટ દ્વારા આની જાહેરાત કરી છે. અનિલ અગ્રવાલ કહે છે કે, અમે થોડા મહિના પહેલા ગુજરાત નક્કી કર્યું કારણ કે તેઓ અમારી અપેક્ષાઓ પર ખરા ઉતર્યા હતા. મહારાષ્ટ્રે અન્ય રાજ્યોને હરાવવાનો પ્રયાસ કર્યો, પરંતુ વ્યાવસાયિક અને સ્વતંત્ર સલાહના આધારે અમે ગુજરાતને પસંદ કર્યું. અમે મહારાષ્ટ્રમાં પણ રોકાણ કરવા પ્રતિબદ્ધ છીએ.

આ તરફ આ પ્રોજેક્ટ ગુજરાતમાં જતાં મહારાષ્ટ્રમાં તોફાન મચી ગયું છે. અનિલ અગ્રવાલે જણાવ્યું હતું કે, મહારાષ્ટ્રની જગ્યાએ ફેક્ટરી સ્થાપવા માટે ગુજરાતને પસંદ કરવાનો નિર્ણય પ્રોફેશનલ્સની ટીમ દ્વારા લેવામાં આવ્યો હતો. અનિલ અગ્રવાલે કહ્યું છે કે, લોન લઈને આ પ્રોજેક્ટ માટે ફંડની વ્યવસ્થા કરવામાં આવશે. તેમણે કહ્યું છે કે, ફોક્સકોન સાથે વેદાંતાના આ સંયુક્ત સાહસમાં ઈક્વિટી વેચવાની કોઈ યોજના નથી. મહારાષ્ટ્રને બદલે ગુજરાતમાં ચિપ ફેક્ટરી સ્થાપવાના મુદ્દે અનિલ અગ્રવાલે કહ્યું છે કે,  આ પ્રોફેશનલ્સનો નિર્ણય છે. આ નિર્ણયમાં, એક મેનેજમેન્ટ કન્સલ્ટન્સી ફર્મ, એક એકાઉન્ટન્સી ફર્મ અને ફોક્સકોન સાથે નિષ્ણાતોની ટીમે પાંચ રાજ્યોમાં જઈને ફેક્ટરી સ્થાપવા માટે સ્થળ પસંદ કર્યા બાદ ગુજરાત અંગે નિર્ણય લીધો છે.

અનિલ અગ્રવાલે કહ્યું કે,  ટીમ રાજ્યમાં જ્યાં પણ ગઈ ત્યાં સરકારે આ ફેક્ટરી માટે પોતાના હાથ ખોલ્યા અને શક્ય તમામ મદદની ખાતરી આપી. અનિલે કહ્યું કે, અમારી પાસે સમય ઓછો હતો અને અમારે અમારું યુનિટ જલ્દી શરૂ કરવાનું હતું. અમે આ નિર્ણયને વધુ સમય આપીને અમારા આયોજનમાં વિલંબ કરવા માંગતા ન હતા. અનિલ અગ્રવાલે કહ્યું છે કે, યુનિટની સ્થાપનામાં બે તબક્કામાં રોકાણ કરવામાં આવશે. પ્રથમ તબક્કામાં $10 બિલિયનનું રોકાણ કરવામાં આવશે. અનિલ અગ્રવાલે કહ્યું છે કે વિશ્વની કોઈપણ સંસ્થા આવા એકમમાં નાણાં રોકાણ કરવાનો ઇનકાર કરી શકે નહીં, તેમણે કહ્યું કે, આ એકમ માટે ભંડોળની વ્યવસ્થા કરવી એ કોઈ મુદ્દો નથી.

Anil Aggarwal મહારાષ્ટ્ર Vedanta Group Foxconn-Vedanta project ગુજરાત
IPLIN

ટૉપ સ્ટોરીઝ

સૌથી વધુ વંચાયેલું

બ્રેકિંગ ન્યૂઝ