બજેટ એલાનના દિવસે લગભગ 400 પોઇન્ટ ટૂટ્યા બાદ સેન્સેક્સમાં આજે પણ મોટો કડાકો જોવા મળ્યો છે. સેન્સેક્સ આજે ઇન્ટ્રા ડે દરમિયાન 900 પોઇન્ટથી વધારે ટૂટ્યો. ડિસેમ્બર 2018 બાદ પહેલીવાર સેન્સેક્સમાં એક દિવસના કારોબારમાં આટલો મોટો ઘટાડો જોવા મળ્યો છે. કારોબારના અંતે સેન્સેક્સમાં 793 પોઇન્ટનો ઘટાડો જોવા મળ્યો, નિફ્ટીમાં પણ આજે લગભગ 250 પોઇન્ટની આસપાસ કમજોર બની 11559ના સ્તરે બંધ થયો.
બજારની આ ચાલે મોટા ઘટાડાથી રોકાણકારોને 3.5 લાખ કરોડનો ઝટકો લાગ્યો છે. ઇન્ટ્રા ડે દરમિયાન બીએસઇ પર લિસ્ટેડ કંપનીઓના માર્કેટ કેપ 3.5 લાખ કરોડ રૂપિયા ઘટી ગયું.
મિનિમમ પબ્લિક શેર હોલ્ડિંગ
બજેટમાં લિસ્ટેડ કંપનીઓની મિનિમમ પબ્લિક શેર હોલ્ડિંગની સીમા 25 ટકાથી વધારીને 35 ટકા કરવાની જાહેરાત કરવામાં આવી છે. બજેટમા પ્રસ્તાવથી પણ બજારને આશંકા છે કે લિસ્ટેડ કંપનીઓની તરફથી બજારમાં એક સાથે વધારે શેર લાવવાથી લિક્વિડિટી ક્રાઇસિસ થઇ શકે છે. માનવામાં આવી રહ્યું છે કે સરકારની આ જાહેરાતથી ટીસીએસ, વિપ્રો, અને ડીમાર્ટ જેવી મોટી કંપનીઓ સહિત કુલ 1174 લિસ્ટેડ કંપનીઓનો પોતાના પ્રવર્તકોની કુલ 3.87 લાખ કરોડ રૂપિયા શેરહોલ્ડિંગ ઓછી કરવી પડશે.
કંજમ્પશન પર ક્લીયર રોડમેપ નહીં
બજેટમાં ડોમેસ્ટેકિ ઇકોનોમીને બુસ્ટ આપવા માટે કોઇ ક્લીયર રોડમેપ દેખાઇ રહ્યો નથી. કંજમ્પશન અને રોકાણને કેવી રીતે બુસ્ટ મળશે, એ સ્પષ્ટ નથી. તેથી રોકાણકારોને નિરાશા થઇ છે.
યૂએસ જોબ ડાટા
યૂએસમાં જૂન મહીનાના જોબ ડાટા સારા રહ્યા છે. જૂનમાં 2,24,000 નવી નોકરીઓ આપવામાં આવી છે. તે જાન્યુઆરી બાદ સૌથી વધારે છે. હાલ યૂએસમાં જોબ ડાટા સારા આવવાથી એ વાતની આશંકા ઘટી ગઇ છે કે આવનારા દિવસોમાં યૂએસ ફેડ દ્વારા 0.50 ટકા રેટ કટ કરવામાં આવશે, જેનો પહેલા અનુમાન લગાવવામાં આવી રહ્યો હતો. તેથી બજારમાં દબાણ વધ્યું છે.
એશિયન બજારોમાં વેચવાલી
યૂએસ જોબ ડાટાની અસર એશિયન બજારોમાં પણ જોવા મળી અને ભારે વેચવાલી જોવા મળી રહી છે. એસજીએક્સ નિફ્ટી, નિક્કેઇ 225, કોસ્પી, હેશશેન્ગ, તાઇવાન વેટેડ અને શાંઘાઇ કંપોજિટ તમામમાં ઘટાડો થયો છે.
રૂપિયામાં કમજોરી
આજના કારોબારીમાં રૂપિયો કમજોર જોવા મળ્યો છે. શરૂઆતમાં જ રૂપિયો લગભગ 156 પૈસા કમજોર થઇને 68.57 ના સ્તરે પહોંચી ગયો. બાદમાં તે 21 પૈસા ઘટીને 68.63ના સ્તરે ટ્રેડ કરતો જોવા મળ્યો છે. આજના કારોબારમાં બ્રેટ ક્રૂડમાં તેજી છે અને તે 64.33 ડોલર પ્રતિ બેરલ પર ટ્રેડ કરી રહ્યું છે.
અર્નિગ સિઝન પહેલા રોકાણકાર સાવચેત
જૂન ક્વાર્ટર માટે અર્નિંગ સિઝન શરૂ થવા જઇ રહી છે. મંગળવારે ટીસીએસના પરિણામ આવશે. ઓવરઓલ આ વિશે એક્સપર્ટનું માનવું છે કે અર્નિંગ સિઝન મ્યૂટેડ રહેશે. તેને લઇને રોકાણકારો સાવચેત નજર આવી રહ્યા છે.