વર્ષોથી આપણા વડીલો બદામના ઘણા ફાયદા સમજી ચૂક્યા છે. આપણને બધાને કદાચ યાદ હશે કે બાળપણમાં દાદી રાતે બદામ પલાળી રાખતા અને બીજા દિવસે આપણને છોલીને આપતા. આજના સમયમાં આપણી ત્વચા, વાળ અને આપણું એકંદર સ્વાસ્થ્ય સતત તણાવમાં રહે છે. આવા નિસ્તેજ વાળ અને ત્વચાની સંભાળ રાખવી ઘણીવાર અતિશય મુશ્કેલ કામ લાગે છે. તેજસ્વી અને યુવાન ત્વચા મેળવવા અને સ્વાસ્થ્યને સુધારવા માટે બદામ અેક શ્રેષ્ઠ ઉત્પાદન છે.
આરોગ્ય માટે બદામનું તેલ ફાયદાકારક
બદામના તેલના છે અઢળક લાભ
ઠંડા હવામાન સામે લડે છે બદામનું તેલ
બદામના તેલના ફાયદા
બદામના તેલમાં તમને વિટામિન ઇ, વિટામિન એ, ઝિંક અને ઓમેગા -૩ ફેટી એસિડ્સના તમામ કુદરતી લાભ મળે છે. તે તમારું મગજ અને હાડકાં મજબૂત બનાવે છે, થાક દૂર કરે છે. આ ઉપરાંત ત્વચાની સંભાળ, વાળની સંભાળ અને રસોઈમાં પણ તેનો ઉપયોગ કરી શકાય છે.
બદામનું તેલ અને બ્યૂટી કેર
તે હળવું અને નોન-ગ્રીસી હોય છે. બદામનું તેલ શિયાળાના ઠંડા હવામાન સામે લડે છે અને ત્વચાને નરમ અને કોમળ બનાવે છે. તેનો ઉપયોગ તમે પ્રાઇમરી મોઈશ્ચરાઈઝર તરીકે અથવા તમારા ચહેરા અને શરીર પર મસાજ તેલ તરીકે કરી શકો છો. આ તેલના દૈનિક ઉપયોગથી સૂકી કોણી, એડી અને ઘૂંટણને પણ ફાયદો થશે. તમે તેના દ્વારા ચમકતી ત્વચા મેળવી શકો છો. બસ આટલું જ નહીં. રોજ રાતે સૂતાં પહેલાં તમારી આંગળીઓ અને હાથમાં આ તેલથી માલિશ કરીને તમે બરડ નખને અલવિદા કહી આંગળીઓ કૂણી બનાવી શકો છો. સમય જતાં, તમારા નખ મજબૂત બની જશે. આ તેલના નિયમિત ઉપયોગથી ખેંચાયેલી ત્વચાના ડાઘા પણ જાય છે.
વાળનું સારું જતન
આખા વર્ષ દરમ્યાન આપણાં વાળ ગરમીમાં સૂરજ નીચે તાપે છે અને શિયાળામાં ભેજને કારણે બગડે છે. બદામ તેલ તમારા તમારા માથાની ત્વચા તંદુરસ્ત રાખે છે અને સાથે જ વાળ ઊતરતા પણ રોકે છે. તમારા વાળ કેટલા લાંબા છે તે મહત્વનું નથી, અઠવાડિયામાં બે વાર ગરમ તેલની માલીશથી તમને ખરેખર ફરક પડશે. આ તેલનો નિયમિત ઉપયોગ કરો. ટૂંક સમયમાં જ તમને નરમ અને વ્યવસ્થિત વાળ જોવા મળશે.
સ્વાસ્થ્યના જબરદસ્ત લાભ
શું તમે જાણો છો કે એક ચમચી બદામના તેલમાં તમારા વિટામિન ઇના દૈનિક ડોઝના ૨૬ ટકા નો સમાવેશ થાય છે? પરંતુ એટલું જ નહીં, આમાં નાની માત્રામાં વિટામિન કે પણ છે જે તમારાં હાડકાંને મજબૂત બનાવવા માટે જાણીતું છે.