કોવિડ 19 / પહેલા ચરણમાં કોને મળશે રસી? આરોગ્ય પ્રધાને આપ્યો આ જવાબ, જાણો ક્યારે લાગશે તમારો નંબર

• પહેલા તબક્કાના રસીકરણની તૈયારીઓ પૂર્ણ : આરોગ્ય મંત્રી
• હેલ્થ અને ફ્રંટલાઈન વર્કસને મળશે સૌથી પહેલા ડોઝ : ડો. હર્ષવર્ધન 
• શરૂઆતમાં જેને મળશે સૌથી પહેલા ડોઝ તેની લિસ્ટ તૈયાર છે 

મહત્વનું છે કે ભારત એ અમેરિકા પછી કોરોનાથી બીજો સૌથી પ્રભાવિત દેશ છે અને નવા વર્ષમાં સરકાર દેશમાં રસીકરણ પ્રોગ્રામ માટેની તૈયારીઓ કરી રહી છે. જેને લઈનેઆ માટે રાજ્યો પાસેથી માહિતી માંગવામાં આવી છે. 

Union Health Minister Dr Harsh Vardhan holds a review meeting with Delhi government for the preparation of dry run of COVID19 vaccination drive on January 2, via video conferencing pic.twitter.com/4Fp8kCiH44

— ANI (@ANI) January 1, 2021

કેન્દ્રીય આરોગ્ય પ્રધાન ડો.હર્ષ વર્ધન એ આજે જણાવ્યું હતું કે પ્રથમ તબક્કામાં રસીકરણ માટેની તૈયારીઓ પૂર્ણ થઈ ગઈ છે. શરૂઆતમાં, જેને કોરોના રસી આપવામાં આવશે તે લોકોની સૂચિ તૈયાર છે. આરોગ્ય અને ફ્રન્ટલાઈન વર્કસ પહેલા રસી આપવામાં આવશે. આ પછી, 50 વર્ષથી વધુ ઉંમરના લોકોને રસી આપવામાં આવશે.

કોલ્ડ સ્ટોરેજ ની વ્યવસ્થાને વધુ મજબૂત બનાવવા પર છે મુખ્ય ધ્યાન 

આરોગ્ય મંત્રીના જણાવ્યા અનુસાર રાજ્ય સરકારો, જિલ્લા અધિકારીઓ અને બ્લોક કક્ષાએ આ અંગે સૂચનાઓ આપવામાં આવી છે. દરેકને ગ્રાઉન્ડ સ્ટાફ, લોજિસ્ટિક્સને ઠીક કરવા માટે કહેવામાં આવ્યું છે, જેથી એકવાર રસી આપવામાં આવે તો રસીકરણ અભિયાન શરૂ થઈ શકે અને તેમાં કોઈ સમસ્યા ન થાય.

વધુમાં તેમણે જણાવ્યું હતું કે કોલ્ડ સ્ટોરેજ સિસ્ટમને વધુ મજબૂત કરવાની તૈયારીઓ ચાલી રહી છે. સાથો સાથ, સિરીંજ અને પાવર સિસ્ટમ સુધારવા પર ભાર મૂકાઈ રહ્યો છે. આ માટે જિલ્લાથી લઈને બ્લોક કક્ષા સુધી તૈયારી ચાલી રહી છે. લોકોને રસીકરણ અભિયાન માટે તાલીમ આપવામાં આવી રહી છે.

વિડિઓ કોન્ફરન્સિંગ દ્વારા તૈયારીઓનું નિરીક્ષણ

કેન્દ્રીય આરોગ્ય પ્રધાન ડો.હર્ષ વર્ધન દ્વારા આજે કોવિડ -19 રસીકરણ અભિયાનના ડ્રાય રન માટેની તૈયારીઓની સમીક્ષા કરવામાં આવી. તેમણે વીડિયો કોન્ફરન્સિંગ દ્વારા દિલ્હી સરકાર સાથે સમીક્ષા બેઠક યોજી હતી. મહત્વનું છે કે 2 જાન્યુઆરીએ દેશના તમામ રાજ્યો અને કેન્દ્રશાસિત પ્રદેશોમાં ડ્રાય રન કરવામાં આવશે. સરકારની સૂચના મુજબ રાજ્યોએ તેમના બે શહેરોને આઇડેન્ટીફાય કરવા પડશે. આ પછી, આ શહેરોમાં રસી પહોંચવાની સંપૂર્ણ પ્રક્રિયા, હોસ્પિટલથી ટ્રાન્સપોર્ટેશન અને પછી ડોઝ આપવાનું તેનું રિહર્સલ થશે.