ના હોય! / ગોરા લોકોમાં સૌથી વધારે હોય છે કેન્સરનો ખતરો, વૈજ્ઞાનિકોએ કર્યો ચોંકાવનારો દાવો

• કેન્સર પર નવું રિસર્ચ સામે આવ્યું 
• અશ્વેત અને એશિયાઈ લોકોમાં કેન્સરનો ખતરો ઓછો
• જાણો તેના પાછળ શું છે કારણ

કેન્સર પર નવું રિસર્ચ સામે આવ્યું છે. રિપોર્ટ કહે છે. અશ્વેત અને એશિયાઈ લોકોમાં કેન્સરનો ખતરો ઓછો હોય છે. ત્યાં જ ગોરા લોકોમાં કેન્સરના કેસ વધારે સામે આવ્યા છે. આ દાવો કેન્સર પર અભ્યાસ કરનાર સંસ્થા કેન્સર રિસર્ચ યુકેએ પોતાના હાલના રિપોર્ટમાં કર્યો છે. 

સંશોધકોનું કહેવું છે કે ઈંગ્લેન્ડમાં 2013થી લઈને 2017ની વચ્ચે સામે આવેલા કેન્સના કેસોના આધારે આ રિસર્ચ કરવામાં આવ્યું અને પરિણામ જાહેર કરવામાં આવ્યું. પરિણામ જણાવે છે કે બ્લેક અને એશિયાઈ લોકોમાં આ બીમારીનો ખતરો ઓછો છે. 

સંશોધક કેટરીના બ્રાઉનનું કહેવું છે કે આવા લોકોમાં કેન્સરનું રિસ્ક અલગ અલગ કારણોથી હોય છે. જેમ કે મનુષ્યની ઉંમર અને તેના પેરેન્ટ્સથી મળેલા જીન્સ, યુકેમાં કેન્સરના 40 ટકા કેસમાં લાઈફસ્ટાઈલમાં ફેરફાર કરીને તેને રોકી શકાય છે. 

2013થી 2017માં થયેલા રિર્ચમાં સામે આવ્યું કે ગોરા લોકોના મુકાબલે, કેન્સરનો ખતરો એશિયાઈ લોકોમાં 38 ટકા અને અશ્વેતમાં 4 ટકા ઓછો હોય છે. ત્યાં જ મિશ્રિત લોકોમાં આ ખતરો 40 ટકા સુધી ઓછો હોય છે. બ્રિટિશ જર્નલ અને કેન્સરમાં પબ્લિશ રિસર્ચ કહે છે. યુક્રેનમાં કેન્સરના કેસ વધી રહ્યા છે. તેના પર વધારે રિસર્ચ કરવાની જરૂર છે.

સંસોધકોનું કહેવું છે કે કેન્સરને રોકવા માટે સ્મોકિંગથી દૂરી, વજનને કંટ્રોલમાં રાખવું અને સમયથી તપાસ કરવી જરૂરી છે. આમ કરવાથી કેન્સરના ખતરાને ઓછુ કરી શકાય છે. 

આ કારણે ગોરોમાં કેન્સરનો ખતરો વધારે 
એક રિપોર્ટ અનુસાર ગોરા લોકોમાં સ્કિન કેન્સરનો ખતરો વધારે હોય છે. આ લોકોને સૂર્યના તેજ કિરણોના કારણે સ્કિન ડેમેજ વધારે થાય છે. જોકે તેના પહેલા થયેલા એક રિસર્ચમાં આ સામે આવ્યું હતું કે ગોરા લોકોના મુકાબલે અશ્વેત લોકોમાં પ્રોસ્ટેજ કેન્સરનો ખતરો વધારે હોય છે.  

અશ્વેત અને એશિયાઈ લોકોમાં ખતરો ઓછો 
સંશોધકોનું કહેવું છે કે અશ્વેત અને એશિયાઈ કમ્યુનિટી વાળા લોકોમાં કેન્સરના કેસ વઘારે ન હોવાનું સૌથી મોટુ કારણ છે સ્મોકિંગનું લેવલ ઓછુ હોવું. આજ કારણ છે કે ગોરા લોકોના મુકાબલે અશ્વેતમાં બોવેલ, બ્રેસ્ટ અને ફેફસાના કેન્સરનો ખતરો ઓછો છે.