ચિંતાજનક / દેશમાં 18 રાજ્યોમાં ફેલાયો કોરોનાનો નવો ડબલ મ્યૂટેન્ટ સ્ટ્રેન, જાણો સૌથી વધુ કેસ કયા રાજ્યમાં

• ડબલ મ્યૂટેન્ટ વાયરસ મળ્યાની પુષ્ટિ
• ભારતમાં બે પ્રકારના વાયરસ સક્રિય
• કેન્દ્રીય આરોગ્ય મંત્રાલયે કરી પુષ્ટિ

ગુજરાતમાં પણ નવા વેરિયન્ટના 39 કેસ આવ્યા

રાજ્યમાં કોરોનાના કહેરની વચ્ચે ગુજરાત માટે ચિંતાજનક સમાચાર સામે આવ્યા છે. ગુજરાતમાં કોરોના વાયરસના નવા વેરિયન્ટના 39 કેસ આવ્યા છે. જીનોમ સિક્વિન્સીંગમાં ડબલ મ્યૂટેન્ટ વાયરસની હાજરી જોવા મળી છે તો સાતે જ દેશના કુલ 18 રાજ્યોમાં કોરોનાના 71 નવા કોવિડ વેરિયન્ટ મળ્યા છે. પંજાબમાં 336 સેમ્પલમાં, તેલંગાણામાં 87 સેમ્પલમાં, દિલ્લીમાં 65 સેમ્પલમાં અને મહારાષ્ટ્રમાં 56 સેમ્પલમાં કોરોના વાયરસના નવા વેરિયન્ટ મળ્યા છે.

નવો ડબલ મ્યૂટેન્ટ વાયરસ 15-20% સેમ્પલમાં દેખાયો

ભારતમાં ડબલ મ્યૂટેન્ટ વાયરસ મળ્યાની પુષ્ટિ થઈ છે. કેન્દ્રીય આરોગ્ય મંત્રાલયે પુષ્ટિ કરી છે. જીનોમ સિક્વિન્સિંગમાં ડબલ મ્યૂટેન્ટ વાયરસની હાજરી હોવાનું કેન્દ્રીય આરોગ્ય મંત્રાલયે કબૂલ્યું છે. 18 રાજ્યોમાં કોરોનાનો ડબલ મ્યૂટેન્ટ વેરિયન્ટ મળ્યો છે.જેમાં મહારાષ્ટ્ર, આંધ્રપ્રદેશ, કેરળ, તેલગાણામાં નવો વેરિયન્ટ દેખાયો છે. નવો ડબલ મ્યૂટેન્ટ વાયરસ 15-20% સેમ્પલમાં દેખાયો છે.નવો વેરિયન્ટ જૂના વેરિયન્ટથી મેચ થતો નથી. ચિંતાની વાત એ છે કે, મહારાષ્ટ્રનો કોવિડ મ્યૂટેશન ઘણો ચેપી છે.

 
ક્યાં મળ્યા કેટલા કેસ

દેશના અનેક રાજ્યોમાં મળેલા બ્રિટન, સાઉથ આફ્રિકા અને બ્રાઝિલના વાયરસ મ્યુટેન્ટની સંખ્યાની વાત કરીએ તો પંજાબમાં 336, તેલંગાણામાં 104, દિલ્હીમાં 69, મહારાષ્ટ્રમાં 62 મ્યુટેન્ટ મળ્યા છે. આંધ્રપ્રદેશમાં મ્યુટેન્ટની સંખ્યા 20 છે તો ગોવામાં 5, ગુજરાતમાં 39, હરિયાણામાં 6, કર્ણાટકમાં 33, કેરળમાં 16, લદ્દાખમાં 1, મધ્યપ્રદેશમાં 11, ઓરિસ્સામાં 3, રાજસ્થાનમાં 22, તમિલનાડુમાં 15, ઉત્તરપ્રદેશણાં 17, ઉત્તરાખંડમાં 1 અને બંગાળમાં 11 મ્યુટેન્ટ મળ્યા છે. મહારાષ્ટ્રમાં જે મ્યુટેન્ટ મળ્યો છે તે બાર્ઝિલનો છે. આ વાયરસ દક્ષિણી આફ્રીકી મ્યુટેન્ટની સંખ્યામાં આંધઅરપ્રદેશમાં 3, દિલ્હીમાં 4, કર્ણાટકમાં 3, મહારાષ્ટ્રમાં 5, તમિલનાડુમાં 1, તેલંગાણામાં 17 અને પ.બંગાળમાં 1 હોવાનું જાણવા મળ્યું છે.દેશના 18 રાજ્યોમાં મ્યુટેન્ટમાં બ્રિટનના વાયરસ સ્ટ્રેનના કેસ સૌથી વધારે છે. 

દક્ષિણ અમેરિકી દેશ બ્રાઝિલમાં કોરોના ઘાતક બન્યો છે. બ્રાઝિલમાં વાયરસના નવા વેરિયન્ટનું આક્રમણ ખુબ વધી રહ્યું છે. બ્રાઝિલમાં એક જ દિવસમાં 3 હજારથી વધુના મૃત્યુ થતા ચારે તરફ હાહાકાર મચ્યો છે. અને લોકોમાં ફરી એકવર્ષ બાદ ભયનું વાતાવરણ ઉભું થયું છે.