વિવાદ / પાદરીએ રાહુલ ગાંધીને કહ્યું કે 'જિસસ છે અસલી ભગવાન' તો ભડકી ભાજપ, વીડિયો જાહેર કરી કર્યા પ્રહાર 

• રાહુલ ગાંધીની પાદરી જ્યોર્જ પોનૈયા સાથે મુલાકાતના વાયરલ વિડીયોને લઈ વિવાદ 
• વિડીયોમાં પાદરી કહી રહ્યા છે, જીસસ એકમાત્ર ભગવાન છે, બીજી કોઈ શક્તિ નથી
• ભાજપે કહ્યું રાહુલ એક એવા વ્યક્તિને મળી રહ્યા છે જેના પર હિંદુ દેવી-દેવતાઓના અપમાનનો આરોપ 

રાહુલ ગાંધીની પાદરી જ્યોર્જ પોનૈયા સાથે મુલાકાતને લઈને એક વિવાદ સર્જાયો છે. હાલમાં એક વીડિયો સામે આવ્યો છે જેમાં રાહુલ ગાંધી જ્યોર્જ પોનૈયા સાથે જોવા મળી રહ્યા છે. આ વિડિયોમાં જ્યોર્જ પોનૈયાને એમ કહેતા સાંભળી શકાય છે કે, જીસસ એકમાત્ર ભગવાન છે, બીજી કોઈ શક્તિ નથી. તમને જણાવી દઈએ કે, ભૂતકાળમાં જ્યોર્જ પોનૈયા પર હિંદુ ધર્મ અને દેવી-દેવતાઓના અપમાનના આરોપો લાગ્યા છે. તેની પહેલેથી જ ધરપકડ કરવામાં આવી છે. જ્યોર્જ પોનૈયા પર ભારત માતાનું અપમાન કરવાનો પણ આરોપ છે. 

ભારતીય જનતા પાર્ટીના અનેક નેતાઓએ સોશિયલ મીડિયા પર જ્યોર્જ પોનૈયા સાથે રાહુલ ગાંધીનો વીડિયો શેર કર્યો છે.  આ તરફ બીજેપી નેતા શહજાદ પૂનાવાલાએ પણ રાહુલ ગાંધી પર કટાક્ષ કરતા ટ્વીટ કર્યું કે, રાહુલ ગાંધીને મળેલા જ્યોર્જ પુનિયાએ તેમને કહ્યું, 'ઈસુ એકમાત્ર ભગવાન છે, બીજી કોઈ શક્તિ નથી'. આ વ્યક્તિની અગાઉ હિન્દુ ધર્મનું અપમાન કરવા બદલ ધરપકડ કરવામાં આવી છે. તેમાં કહ્યું હતું ક,  હું જૂતા પહેરું છું કારણ કે ભારત માતાની અશુદ્ધિઓ મને દૂષિત ન કરે.

George Ponnaiah who met Rahul Gandhi says “Jesus is the only God unlike Shakti (& other Gods) “

This man was arrested for his Hindu hatred earlier - he also said
“I wear shoes because impurities of Bharat Mata should not contaminate us.”

Bharat Jodo with Bharat Todo icons? pic.twitter.com/QECJr9ibwb

— Shehzad Jai Hind (@Shehzad_Ind) September 10, 2022

કોંગ્રેસે રાહુલનો કર્યો બચાવ 

આ તરફ કોંગ્રેસના નેતા અને પૂર્વ કેન્દ્રીય મંત્રી જયરામ રમેશે ટ્વીટ કરીને કહ્યું હતું કે, ભાજપની હેટ ફેક્ટરી એક ખરાબ ટ્વિટ વાયરલ કરવાનો પ્રયાસ કરી રહી છે. ઓડિયોમાં જે રેકોર્ડ થાય છે તેની સાથે તેને કોઈ લેવાદેવા નથી. આ ભાજપની લાક્ષણિક વ્યર્થ પદ્ધતિ છે. તેઓ ભારત જોડો યાત્રાની સફળ શરૂઆત અને લોકો તરફથી મળી રહેલ સમર્થન જોઈને નિરાશ છે. 

भाजपा की हेट फैक्ट्री एक घटिया ट्वीट वायरल करने का प्रयास कर रही है। ऑडियो में जो कुछ भी रिकॉर्ड किया गया है, उससे इसका कोई संबंध नहीं है। यह भाजपा का विशिष्ट तुच्छ तरीका है। #BharatJodoYatra के सफल शुरुआत और लोगों द्वारा मिल रहे समर्थन को देखकर ये हताश हो गए हैं।

— Jairam Ramesh (@Jairam_Ramesh) September 10, 2022

નોંધનીય છે કે, ભાજપે રાહુલ ગાંધીની જ્યોર્જ પોનૈયા સાથેની મુલાકાત પર સવાલ ઉઠાવ્યા છે. ભાજપનું કહેવું છે કે, રાહુલ ગાંધી એક એવા વ્યક્તિને મળી રહ્યા છે જેના પર હિંદુ દેવી-દેવતાઓના અપમાનનો આરોપ છે.