ફીચર્સ / WhatsApp યુઝર્સ માટે આવી રહ્યાં છે આ 3 જબરદસ્ત ફીચર્સ, બદલાય જશે ચેટિંગનો એક્સપીરિયન્સ

• વોટ્સએપ યુઝર્સ માટે સારાં સમાચાર
• ટૂંક સમયમાં આવી રહ્યાં છે 3 જોરદાર ફીચર્સ
• યુઝર્સનો ચેટિંગનો એક્સપીરિયન્સ બદલાઈ જશે

તમને જણાવી દઈએ કે, આ ફીચર્સમાં ફોટો ક્વોલિટી, લિંક પ્રીવ્યૂ, મલ્ટી-ડિવાઇસ સપોર્ટ અને વ્યૂ વન્સ જેવા ફીચર્સ સામેલ છે. વોટ્સએપ હાલમાં આવી ઘણાં ફીચર્સ પર કામ કરી રહ્યું છે, જેને ટૂંક સમયમાં એન્ડ્રોઇડ અને આઇઓએસમાં સામેલ કરવામાં આવશે. આ સુવિધાઓ ટેસ્ટિંગ પૂર્ણ થયા પછી યુઝર્સ માટે આ ફીચર્સ ઉપલબ્ધ કરવામાં આવશે. ચાલો જાણીએ આ વોટ્સએપમાં આવી રહેલાં આ ફીચર્સ વિશે. 

In-App નોટિફિકેશનને ફરી ડિઝાઈન કરવામાં આવ્યું છે

WABetaInfoની એક રિપોર્ટ મુજબ, વોટ્સએપ ઈન એપ નોટિફિકેશનને સારી બનાવવા પર કામ ચાલી રહ્યું છે. iOS 2.21.140.9 માટે વોટ્સએપ બીટા યુઝર્સને નોટિફિકેશન બેનર ફોટોઝ, વીડિયો, જીઆઈએફ અને સ્ટિકરની વધુ સારી જાણકારી આપે છે.  હવે ચેટ પ્રીવ્યૂ જોવા માટે યુઝર ઈન એપ નોટિફિકેશનને વિસ્તૃત કરી શકે છે. જે હવે સ્ટેટિક નથી. યુઝર્સ હવે જૂના અને નવા મેસેજને જોવા માટે સ્ક્રીનને ઉપર નીચે સ્ક્રોલ કરી શકે છે. આ ફીચરની ખાસ વાત એ છે કે, યુઝર દ્વારા મેસેજ પ્રીવ્યૂ જોવા પર સામેવાળા યુઝરને રીડ રિસીટ્સની અપડેટ જોવા નહીં મળે. 

View Once ફીચર

વોટ્સએપ તેની બીટા એપમાં વ્યૂ વન્સ ફીચરને રોલઆઉટ કરવાનું શરૂ કરી દીધું છે. આ ફીચરમાં સેન્ડ કરેલાં ફોટો અને વીડિયો સામેવાળા યુઝર માત્ર એક જ વાર જોઈ શકશે. એ પછી તે જાતે જ ડિલીટ થઈ જશે. જોકે, આ ફીચરમાં મોકલેલા ફોટો અને વીડિયોના સ્ક્રીનશોટને બ્લોક કરવામાં આવ્યું નથી. 

વોઇસ વેવફોર્મ

વોટ્સએપ હાલમાં વોઇસ વેવફોર્મ નામના ફીચર પર પણ કામ કરી રહ્યું છે, જે યુઝર્સ દ્વારા વોઈસ મેસેજ સાંભળવા પર પ્રોગ્રેસ બારની જગ્યાએ વોઈસ વેવ ફોર્મ દેખાડશે. અત્યારે આ સુવિધાઓ ફક્ત આઇઓએસ માટે જ તૈયાર કરવામાં આવી રહ્યું છે. આ ફીચર હજી વિકાસના તબક્કે છે અને આગામી દિવસોમાં બીટા ટેસ્ટર્સ માટે રોલઆઉટ કરવામાં આવશે.