સ્કેમ / Whatsapp યુઝર્સ થઈ જાઓ સાવધાન ! આવો એક મેસેજ તમને બનાવી શકે છે કંગાળ

• ચેતી જજો, આ એક મેસેજ તમને બનાવી શકે છે કંગાળ
• વોટ્સએપ પર આવેલા આ સ્કેમે લોકોને કર્યા છે દોડતા
• આ સ્કેમના કારણે વિદેશમાં ઘણાં લોકો ફસાઈ ગયા

વોટ્સએપનું ફ્રેન્ડ ઈન નીડ સ્કેમ

આજે અમે તમને એક એવા સ્કેમની વાત કરી રહ્યાં છે, જે આજકાલ વોટ્સએપ પર કોમન છે. આ સ્કેમને ફ્રેન્ડ ઈન નીડ નામ આપવામાં આવ્યું છે. વોટ્સએપના આ લેટેસ્ટ સ્કેમમાં યૂઝર્સની પાસે તેના ફ્રેન્ડના મેસેજ આવે છે કે તેને રૂપિયાની તાતી જરૂરીયાત છે. યૂઝર્સને પોતાના મિત્રો તરફથી વોટ્સએપ પર ટેકસ્ટ આવ્યાં છે. જેમાં લખ્યું છે કે તેઓ વિદેશમાં ફસાયેલા છે અને તેમને ઘરે પાછા આવવા માટે રૂપિયાની જરૂર છે. આ પ્રકારના સ્કેમમાં ઘણાં લોકો ફસાઇ ગયા છે.

આ રીતે કરે છે સ્કેમ્સટર

યુકેના નેશનલ ટ્રેન્ડિંગ સ્ટાન્ડર્ડના હિસાબ મુજબ યુકેમાં રહેતા ઓછામાં ઓછા 59 ટકા લોકોને આ કૌભાંડનો સામનો કરવો પડ્યો છે અને આ સ્કેમની પુષ્ટિ જાતે વોટ્સએપે કરી છે તથા લોકોને સંતર્ક રહેવા માટે પણ કહ્યું છે. નેશનલ ટ્રેન્ડિંગ સ્ટાન્ડર્ડની સ્કૈમ્સ ટીમ લુઈસ બેક્સટરનું એવુ કહેવુ છે કે સ્કૈમ્સટર તમારા મિત્ર અથવા સંબંધી તરફથી મેસેજ મોકલે છે, જેનાથી તમને લાગે છે કે મેસેજ મોકલનાર તમારો મિત્ર અથવા સંબંધી છે. આ રીતે પૈસાની ઉચાપત કરવી સરળ થઇ જાય છે. આવા લોકો તમને મેસેજ કરી અથવા તમારી પર્સનલ માહિતી માંગે છે. તમારી પાસે રૂપિયા માંગે છે અથવા ખાતાકીય માહિતી જાણવાનો પ્રયાસ કરે છે. 

કેવીરીતે મેસેજ આવે છે? 

જો તમે વિચારી રહ્યાં છો કે તમારા સ્માર્ટફોન પર, વોટ્સએપ પર તમારા મિત્રો અથવા સંબંધીઓના નામે મેસેજ કેવીરીતે આવે છે. તો અમે તમને જણાવીએ કે જ્યારે સ્કૈમ્સટર તમારા ઓળખીતા લોકોનો નંબર અને એકાઉન્ટ હેક કરી નાખે છે અને પછી તેમને આ નંબર પરથી મેસેજ મોકલે છે. એવી પણ શક્યતા છે કે તમારા ઓળખીતા લોકોનો સ્માર્ટ ફોન ખોવાઈ ગયો હોય. આવા કેસમાં પણ સ્કૈમ્સટર પૈસાની ઉચાપત કરવા માટે નંબરનો ઉપયોગ કરી શકે છે.