તમારા કામનું / શું વાત છે! હવે તો ગેસના સિલિન્ડર પણ 'સ્માર્ટ', સ્કેન કરતાં જ મળશે આ જાણકારી

• એલપીજી સિલિન્ડર ટ્રેક કરી શકાશે
• નવા સિલિન્ડર પર QR કોડ વેલ્ડિંગ કરવામાં આવશે
• 20 હજાર LPG સિલિન્ડરો પ્રથમ તબક્કામાં જારી કરવામાં આવ્યા

જો તમારી પાસે પણ LPG ગેસ સિલિન્ડરનું કનેક્શન છે, તો આ સમાચાર તમારા કામનાછે. આ સમાચાર વાંચીને દરેક LPG ગેસ સિલિન્ડર કનેક્શન ધરાવતા લોકો ખુશ થઈ જશે. ઈન્ડિયન ઓઈલ કોર્પોરેશન લિમિટેડ (IOCL) દ્વારા QR કોડ આધારિત સિલિન્ડર લોન્ચ કરવામાં આવ્યું છે એટલે કે તેની મદદથી સિલિન્ડરને ટ્રેક અને ટ્રેસ કરી શકાશે. 

એલપીજી સિલિન્ડર ટ્રેક કરી શકાશે
ઈન્ડિયન ઓઈલ (IOCL)ના ચેરમેન શ્રીકાંત માધવએ જણાવ્યું હતું કે આવનાર ત્રણ મહિનામાં તમામ ઘરેલુ ગેસ સિલિન્ડરમાં QR કોડ હશે. વર્લ્ડ એલપીજી વીક (World LPG Week 2022) 2022ના અવસર પર કેન્દ્રીય પેટ્રોલિયમ મંત્રી હરદીપ સિંહ પુરીએ કહ્યું હતું કે આ એક ક્રાંતિકારી પરિવર્તન છે કારણ કે તેને કારણે ગ્રાહકો એલપીજી સિલિન્ડરને ટ્રેક કરી શકશે.

નવા સિલિન્ડર પર QR કોડ વેલ્ડિંગ કરવામાં આવશે
આ વિશે આગળ વાત કરતાં એમને જણાવ્યું હતું કે QR કોડ દ્વારા ગ્રાહકો સિલિન્ડર વિશે સંપૂર્ણ માહિતી મેળવી શકશે. ઉદાહરણ તરીકે સિલિન્ડર ક્યાં રિફિલ કરવામાં આવ્યું છે અને સિલિન્ડર સંબંધિત કયા સલામતી પરીક્ષણો કરવામાં આવ્યા છે. QR કોડ હાલના સિલિન્ડર પર લેબલ દ્વારા ચીપકાવવામાં  આવશે અને નવા સિલિન્ડર પર વેલ્ડિંગ કરવામાં આવશે. QR કોડ સાથે એમ્બેડેડ 20 હજાર LPG સિલિન્ડરો પ્રથમ તબક્કામાં જારી કરવામાં આવ્યા હતા. જણાવી દઈએ કે આ એક પ્રકારનો બારકોડ છે, જેને ડિજિટલ ડિવાઇસ દ્વારા રીડ કરવામાં આવી શકે છે. પુરીએ આગળ કહ્યું હતું કે આગામી ત્રણ મહિનામાં તમામ 14.2 કિલોના ઘરેલુ એલપીજી સિલિન્ડરમાં QR કોડ ફીટ કરવામાં આવશે.

તેમણે જણાવ્યું હતું કે પહેલા પ્રધાનમંત્રી ઉજ્જવલા યોજના (PMUY) ની શરૂઆતમાં સ્વચ્છ રસોઈ ઇંધણની ઉપલબ્ધતા એ દેશના ગ્રામીણ પરિવારો માટે એક મોટો પડકાર હતો પણ કેન્દ્ર સરકારની મહત્વકાંક્ષી ઉજ્જવલા યોજના શરૂ થયા બાદ ગ્રામજનોને રાહત મળી છે.