ચૂંટણી / પશ્ચિમ બંગાળમાં બૂથ લૂંટવાનો પ્રયાસ, કાર્યકર્તાઓમાં ઘર્ષણ

પશ્ચિમ બંગાલમાં બૂથ લૂંટવાનો એક પ્રયાસ સામે આવ્યો છે. પશ્ચિમ બંગાળના મુર્શીદાબાદમાં બૂથ લૂંટવાનો પ્રયાસ સામે આવ્યો છે. તો બૂથ લૂંટવાના પ્રયાસ બાદ કાર્યકર્તાઓ વચ્ચે મામલો બીચક્યો અને ઘર્ષણ થયું. આ ઘર્ષણમાં ટીએમસીના ત્રણ કાર્યકર્તાઓ ઈજાગ્રસ્ત થયા છે. તો ઈજાગ્રસ્તો કાર્યકર્તાઓને સારવાર માટે ખસેડવામાં આવ્યા છે.

લોકસભા ચૂંટણીમાં આજે ત્રીજા તબક્કાનું મતદાન યોજાયુ છે. 14 રાજ્ય અને કેન્દ્રશાસિત પ્રદેશોની 117 બેઠકો પર મતદાન યોજાયું છે. ત્યારે આસામ, કેરળ અને પશ્વિમ બંગાળની વાત કરવામાં આવે તો વહેલી સવારથી જ મતદારો મતદાન મથકે વોટિંગ માટે ઉમટ્યા હતા. વહેલી સવારથી જ મતદારોએ મતદાન માટે લાંબી લાઈનો લગાવી હતી. તો આજે ગુજરાત, કેરળ અને ગોવામાં એક જ તબક્કામાં મતદાન યોજાયું છે.

આ ઉપરાંત આસામની ચાર બેઠક, બિહારની પાંચ, છત્તીસગઢની 7 બેઠકો પર પણ મતદાન યોજાયું છે. જ્યારે કર્ણાટકની 14, જમ્મૂ-કશ્મીરની 1, મહારાષ્ટ્રની 14, ઓડિશાની 6, ઉત્તરપ્રદેશની 10 અને પશ્ચિમ બંગાળની 5 બેઠકો પર મતદાન યોજાયું છે. ત્યારે મતદારોમાં પણ મતદાન માટે ભારે ઉત્સાહ જોવા મળ્યો. મતદારોએ પણ લોકશાહની પર્વમાં ભારે ઉત્સાહભેર ભાગ લીધો.