હિંસા / હિંસક બન્યો પશ્ચિમ બંગાળનો ચૂંટણી જંગ: આ મતદાન મથક પર ફેંકાયો બોમ્બ, તો ક્યાંક બની પથ્થરમારાની ઘટના

• લોહીયાળ બન્યો પશ્ચિમ બંગાળનો ચૂંટણી જંગ
• મિનાખાન બૂથ પર બોમ્બથી હુમલો
• ક્યાંક પથ્થરમારાની ઘટના બની

પાંચમા તબક્કાના મતદાન દરમિયાન પણ હિંસાની ઘટના બની હોવાનું સામે આવ્યું છે. મળતી જાણકારી પ્રમાણે, રાજ્યના ઉત્તર 24 પરગના સ્થિત મિનાખાન બૂથ પર બોમ્બ ફેંકવામાં આવ્યો છે. આ સિવાય બધ્ધુમાન ઉત્તર વિધાનસભા ક્ષેત્રના સરાયટીકર અવૈતનિક પ્રાથમિક વિદ્યાલયના બૂથ નંબર 60, 61, 63 તથ 72 પર સામાન્ય હિંસા થઇ હોવાના અહેવાલો પ્રાપ્ત થયાં છે. 

રાજકીય પક્ષોએ કર્યા આક્ષેપ-પ્રતિ આક્ષેપ

હિંસાની આ ઘટનાને પગલે પશ્ચિમ બંગાળની રાજકીય પાર્ટીઓ દ્વારા આક્ષેપ, પ્રતિ આક્ષેપ થવા લાગ્યા છે. તો પશ્ચિમ બંગાળના મંત્રી અને TMCના ઉમેદવાર સુજીત બોઝે બૂથ નંબર 262 અને 272 પર હિંસાની ઘટના બની હોવાની જાણકારી આપી હતી. જેમાં ભાજપના સમર્થકા દ્વારા પથ્થરમારો કરવામાં આવ્યો હતો. જેનાથી 2 લોકોને સામાન્ય ઈજા પહોંચી હતી

જંગીપૂર વિધાનસભા બેઠકના RSP ઉમેદવારનું મોત 

ઉલ્લેખનીય છે કે, બંગાળની મુર્શિદાબાદ જિલ્લાની જંગીપૂર વિધાનસભા બેઠકના RSP પાર્ટીના ઉમેદવાર પ્રદિપ કુમારનું કોરોનાને કારણે નિધન થયું છે. આરોગ્ય વિભાગે આપેલી જાણકારી પ્રમાણે, અહીં તેમની કોરોનાની સારવાર ચાલી રહી હતી અને આજે તેમનું સારવાર દરમિયાન મોત થયું છે. 

West Bengal Minister and TMC candidate from Bidhannagar, Sujit Bose visits polling booth in East Calcutta Girls College in the assembly constituency, as polling in the fifth phase of assembly elections is underway pic.twitter.com/kZ0kabfCy0

— ANI (@ANI) April 17, 2021

થોડા દિવસ પહેલા કોરોના રિપોર્ટ આવ્યો હતો પોઝિટિવ 

ઉલ્લેખનીય છે કે, પ્રદીપ કુમાર 73 વર્ષની ઉંમર ધરાવતા હતા, થોડા દિવસ પહેલા તેમનો કોરોના રિપોર્ટ પોઝિટિવ આવતા તેમને મુર્શિદાબાદની હોસ્પિટલમાં સારવાર અર્થે ખસેડવામાં આવ્યા હતા. જેમાં ગત મોડી રાતે તેમનું નિધન થયું હતું.

Two of our people were injured in stone-pelting by BJP supporters at booth numbers 265 & 272. We have informed the election observer and police. The situation is normal now: TMC's Sujit Bose, Bidhan Nagar#WestBengalElections2021 pic.twitter.com/ekoqfWun2p

— ANI (@ANI) April 17, 2021

45 બેઠકો પર મતદાન ચાલી રહ્યું છે 

કોરોના સંકટ વચ્ચે પશ્ચિમ બંગાળમાં વિધાનસભા ચૂંટણી ચાલી રહી છે અને પાંચમાં તબક્કા હેઠળ આજે શનિવારે રાજ્યમાં 45 બેઠકો પર મતદાન થઇ રહ્યું છે. આ બેઠકો પર કુલ 342 ઉમેદવાર વચ્ચે મુકાબલો છે. આ બેઠકો ઉત્તર 24 પરગના, પૂર્વ વર્ધમાન, નાદિયા, જલપાઈગુડી, દાર્જિલિંગ અને કાલિમ્પોંગ જેવા જિલ્લાઓની છે.

PM મોદીએ ભારે મતદાનની કરી અપીલ

બંગાળની ચૂંટણીમાં મતદાન વચ્ચે પ્રધાનમંત્રી મોદીએ લોકોને ભારે મતદાનની અપીલ કરી છે

There are by-polls taking place in different parts of the country. I urge voters in the seats polling today to vote in record numbers and strengthen the festival of democracy.

— Narendra Modi (@narendramodi) April 17, 2021

મતદાનને લઇને લોકોમાં ઉત્સાહ

બંગાળ વિધાનસભાની ચૂંટણીમાં મતદાનને લઇને લોકોમાં ભારે ઉત્સાહ નજરે આવી રહ્યો છે. પોલિંગ બૂથની બહાર મતદારોની લાંબી લાઇનો લાગી છે.