કેરળમાં વરસાદી આફત વચ્ચે હજુ પણ પરિસ્થિત વણસી શકે છે તેવી હવામાન વિભાગની આગાહી છે. હવામાન વિભાગે આગાહી કરતા જણાવ્યું કે આગામી 48 કલાકમાં હજુ ભારે વરસાદ વરસી શકે છે. દક્ષિણ-પશ્ચિમ મોનસૂન આ વખતે તમિલનાડુ અને કર્ણાટકની સાથે કેરળમાં પણ ખૂબ વરસસે.
તાજેતરમાં આવેલ એક રીપોર્ટ મુજબ લક્ષદ્વીપ કર્ણાટક તેલંગણામાં ભારે વરસાદ વરસી શકે છે. તો તામિલનાડુ અને આંધ્રપ્રદેશમાં પણ કેટલીક જગ્યાએ વરસાદની શક્યતા છે. તામિલનાડુના નીલગિરી કોઈમ્બતૂર થેની ડિંડીગુલ અને તિરૂનેલવેલીમાં ભારે વરસાદ પડી શકે છે.
જ્યારે ઉત્તર કેરળ તટીય કર્ણાટકના છિટપુર વિસ્તાર અને દક્ષિણ કર્ણાટકના કેટલાંક વિસ્તારમાં આવતીકાલ સુધી ભારે વરસાદની આગાહી છે.
1000s and 1000s are marooned & facing a very severe critical situation & more emergency evacuation operation is needed. What is being done is appreciable but we need more help from the Centre and other states. Kerala is in distress: PC Chacko Congress on #KeralaFloodspic.twitter.com/BNFUNNifXw
આપને જણાવી દઇએ કે કેરળમાં કુદરતે કહેર વરસાવ્યો છે. કેરળના મોટાભાગના તમામ જિલ્લાઓમાં વરસાદે ભારે તારાજી સર્જી છે. ત્યારે પ્રધાનમંત્રી નરેન્દ્ર મોદી આજે કેરળની મુલાકાત લેવાના છે.
પ્રધાનમંત્રી નરેન્દ્ર મોદી હેલિકોપ્ટર દ્વારા પૂરગ્રસ્ત વિસ્તારોનું નિરીક્ષણ કરવાના છે. ત્યારે ભારત સરકારના હવામાન વિભાગના જણાવ્યા અનુસાર આગામી 48 કલાકમાં ભારે વરસાદ થવાની વકી છે.
હવામાન વિભાગ દ્વારા જાહેર કરવામાં આવેલ ચેતાવણીને પગલે સ્થાનિક પોલીસ તથા તંત્ર સાવધ થયું છે અને નીચાણવાળા વિસ્તારો ખાલી કરાવવા માટે કવાયત હાથ ધરવામાં આવી છે. તો આ તરફ જે વિસ્તારોમાં વધારે પ્રમાણમાં પુરની સ્થિતિ છે ત્યાં સેના અને NDRFની ટીમની મદદ લેવામાં આવી છે.