ગુજરાતમાં એક તરફ ચોમાસુ વિદાય લઇ રહ્યું છે ત્યારે હવામાન વિભાગ દ્વારા ફરી આગામી 48 કલાક રાજ્યમાં મધ્યમથી હળવા વરસાદની આગાહી કરવામાં આવી છે. દક્ષિણ ગુજરાત અને સૌરાષ્ટ્રના કેટલાંક વિસ્તારમાં વરસાદને લઇને એલર્ટ આપવામાં આવ્યું છે. રાજ્યમાં અત્યાર સુધીમાં 126 ટકા થઇ ચૂક્યો છે.
રાજ્યમાં આગામી 2 દિવસ વરસાદની આગાહી
સુરત ,ભરૂચ, વલસાડ, નવસારીમાં વરસાદની આગાહી
જામનગર, પોરબંદર, દ્વારકામાં વરસાદની આગાહી
રાજ્યમાં એક તરફ ચોમાસુ અંતિમ તબક્કામાંથી પસાર થઇ રહ્યું છે. રાજ્યમાં હાલ બેવડી ઋતુનો અહેસાસ થઇ રહી હોવાનું જોવા મળી રહ્યું છે. જો કે રાજ્યમાં આગામી બે દિવસ કેટલીક જગ્યાઓ પર હળવા વરસાદની આગાહી કરવામાં આવી છે.
હવામાન વિભાગ મુજબ રાજ્યમાં આગામી 2 દિવસ વરસાદની આગાહી કરવામાં આવી છે. અમદાવાદ, ગાંધીનગર સહિત વડોદરામાં હળવાથી મધ્યમ વરસાદની શક્યતા છે.
જ્યારે દક્ષિણ ગુજરાતના જિલ્લાઓમાં મધ્યમથી હળવા ભારે વરસાદની આગાહી કરવામાં આી છે. જેમાં સુરત, ભરૂચ, વલસાડ, નવસારીમાં વરસાદ પડે તેવી સંભાવના છે.
આમ દક્ષિણ ગુજરાત સહિત સૌરાષ્ટ્રના કેટલાક ભાગમાં વરસાદનું એલર્ટ આપવામાં આવ્યું છે. જેમાં જામનગર, પોરબંદર, દ્વારકામાં મધ્યમથી ભારે વરસાદ પડે તેવી શક્યતા છે. આ સાથે માછીમારોને દરિયો ન ખેડવા અપીલ કરવામાં આવી છે.