દક્ષિણ ગુજરાતમાં આજે પણ કેટલાક વિસ્તારોમાં ભારે વરસાદ થઈ શકે છે. દક્ષિણ ગુજરાતમાં અરબી સમુદ્રમાં સર્જાયેલી સાયક્લોનિક સિસ્ટમના કારણે દક્ષિણ ગુજરાતમાં ભારે વરસાદ થઈ શકે છે.
દક્ષિણ ગુજરાતમાં આજે પણ કેટલાક વિસ્તારોમાં ભારે વરસાદ થઈ શકે છે. દક્ષિણ ગુજરાતમાં અરબી સમુદ્રમાં સર્જાયેલી સાયક્લોનિક સિસ્ટમના કારણે દક્ષિણ ગુજરાતમાં ભારે વરસાદ થઈ શકે છે. ઉલ્લેખનીય છે કે, દમણ, દાદરા અને નગર હવેલી તેમજ વલસાડ અને નવસારીમાં ભારે વરસાદ વરસે તેવી આગાહી કરવામાં આવી છે. તો સારાષ્ટ્રના ભાવનગરમાં છૂટો છવાયો વરસાદ થઈ શકે છે. જ્યારે અમદાવાદમાં હળવો વરસાદ થાય તેવી શક્યતા વ્યક્ત કરવામાં આવી છે.
24 કલાકમાં 68 તાલુકામાં મેઘ મહેર
રાજ્યમાં છેલ્લા 24 કલાકમાં 68 તાલુકામાં વરસાદ નોંધાયો છે. જેમાં દક્ષિણ ગુજરાતમાં સૌથી વધુ વરસાદ નોંધાયો છે. વરસાદના આંકડા પર નજર કરીએ તો વલસાડના ઉંમરગામમાં 9.5 ઈંચ વરસાદ થયો છે. જ્યારે વાપીમાં 5.15 ઈંચ, કપરાડામાં 4.37 ઈંચ, ખેરગામમાં 4.25 ઈંચ અને પારડીમાં 3 ઈંચ જેટલો વરસાદ થયો છે.
તો આ તરફ ધરમપુરમાં 2.63 ઈંચ, ચીખલીમાં 2.55 ઈંચ, વલસાડમાં 2.55 ઈંચ, સંખેડા અને ડભોઈમાં 1.81 ઈંચ, ગણદેવી અને વસોમાં 1.18 ઈંચ વરસાદ વરસ્યો છે. આ ઉપરાંત ડોલવણ, વાંસદા અને ગણદેવીમાં 1 ઈંચ વરસાદ થયો છે. તો દક્ષિણ ગુજરાતમાં પડેલા ભારે વરસાદના કારણે ક્યાંક આફત સર્જાઈ છે. તો ક્યાંક ખેડૂતોમાં પણ ખુશીની લહેર છવાઈ ગઈ છે.
વલસાડમાં ધોધમાર
વલસાડમાં છેલ્લા 2 દિવસથી સતત વરસાદ વરસી રહ્યો છે. ભારે વરસાદના કારણે કપરાડાના તુલસી નદી પરનો કોઝવે ધોવાયો હતો. ત્યારે હવે વરસાદ ઓછો થતા કોઝવે પરથી પામી ઉતરતા મોટોભાગ ધોવાયો છે.
ચોમાસાની શરૂઆતમાં જ કોઝવે ધોવાતા લોકોને હાલાકીનો સામનો કરવો પડી રહ્યો છે. કોઝવે ધોવાતા કેતકી અને ઉમલી ગામના લોકોને હાલાકી ભોગવવી પડી રહી છે. કોઝવેનું તાત્કાલિક રિપેરીંગ કરવાની સ્થાનિકો માગ કરી રહ્યા છે.