ચોમાસું / ગુજરાતમાં આગામી 48 કલાકમાં પડી શકે છે ભારે વરસાદ, જાણો ક્યાં વિસ્તારમાં અપાયું અલર્ટ

• ગુજરાતમાં આગામી 48 કલાક ભારે વરસાદની આગાહી
• રાજ્યના દરિયાકાંઠા વિસ્તારોમાં પવન સાથે વરસી શકે છે વરસાદ
• રાજ્યમાં સવારે 6થી 8 સુધીમાં 126 તાલુકામાં વરસાદ

ગુજરાતમાં આગામી 48 કલાક ભારે વરસાદની આગાહી

ગુજરાતમાં આગામી 48 કલાક ભારે વરસાદની આગાહી કરવામાં આવી છે. રાજ્યના દરિયાકાંઠા વિસ્તારોમાં પવન સાથે ભારે વરસાદ વરસી શકે છે. બનાસકાંઠા, મોરબીમાં ભારે વરસાદની શકયતા છે. ઉત્તર ગુજરાતના અન્ય જિલ્લાઓમાં પણ ભારે વરસાદની શકયતા છે.

 

રાજકોટ અને દ્વારકામાં પણ ભારે વરસાદ થઈ શકે છે. દક્ષિણ કાંઠાના વિસ્તારમાં 60 કિલોમીટરની ઝડપે પવન ફૂંકાઈ શકે છે. ભારે વરસાદની શક્યતાને પગલે સૌરાષ્ટ્ર, કચ્છ, દિવ, દમણ અને દાદરાનગર હવેલીમાં અલર્ટ આપવામાં આવ્યું છે.

રાજ્યમાં સવારે 6થી 8 સુધીમાં 126 તાલુકામાં વરસાદ
રાજ્યમાં વરસાદી માહોલ જામ્યો છે. ક્યાંક ધોધમાર તો ક્યાંક ધીમીધારે વરસાદ વરસ્યો છે. વરસાદના કારણે નદી-નાળાઓ છલકાય ગયા છે, તો રસ્તાઓ પર પણ પાણી ભરાઇ ગયા છે. આજે રાજ્યમાં સવારે 6થી 8 સુધીમાં 126 તાલુકામાં વરસાદ વરસ્યો છે. જેમાં સૌથી વધારે મોરબીના ટંકારામાં 3 ઈંચ વરસાદ વરસ્યો છે.

 

જ્યારે મોરબીમાં પોણા 3 ઈંચ, દસાડામાં 2.5 ઈંચ, સિદ્ધપુરમાં સવા 2 ઈંચ, ભુજમાં 2 ઈંચ, ધોરાજીમાં 2 ઈંચ, વાંકાનેરમાં 2 ઈંચ, વડિયામાં પોણા 2 ઈંચ, થાનગઢમાં પોણા 2 ઈંચ, લોધિકામાં પોણા 2 ઈંચ, જામકંડોરણામાં 1.5 ઈંચ વરસાદ પડ્યો છે. મુળીમાં 1.5 ઈંચ, અંજારમાં 1.5 ઈંચ, ઉમરપાડામાં 1.5 ઈંચ, ચોટીલામાં 1.5 ઈંચ, ધ્રાંગધ્રામાં 1.5 ઈંચ, રાપરમાં 1.5 ઈંચ વરસાદ વરસ્યો છે.