ટાઈટ જીન્સ કે પેન્ટ પહેરવાનો ક્રેઝ હાલમાં યુવાનોમાં વધી રહ્યો છે. તેના અનેક દુષ્પ્રભાવ પણ હોઈ શકે છે. દિલ્હીનો સૌરભ થોડા દિવસ પહેલાં ટાઈટ જીન્સ પહેરીને પોતાની નવી કારમાં દોસ્તો સાથે ફરવા નીકળ્યો. 4-5 કલાક બાદ તેને પગમાં સોજાનો અનુભવ થયો પણ તેને ગણકાર્યું નહીં. પગમાં લોહી જમા થતાં ફેફસાં સુધી પહોંચ્યું નહીં અને 3 દિવસ બાદ હાર્ટ એટેકનો ભોગ બન્યો.
ટાઈટ જીન્સ પહેરવાના કારણે આવ્યો હાર્ટએટેક
પગમાં લોહી જમા થવાના કારણે ફેફસા સુધી લોહી ન પહોંચ્યું
દેશમાં વર્ષે 10 લાખ કિસ્સા બને છે
આ કારણોથી આવી શકે છે એટેક
જ્યારે યુવક 3 દિવસ બાદ દિલ્હી આવ્યો ત્યારે તેને શ્વાસ લેવામાં તકલીફ પડવા લાગી. તે હોસ્પિટલ પહોંચ્યો અને તેને હાર્ટ એટેક આવ્યો. ડોક્ટર્સે પ્લમોનરી ઈમ્બોલ્મિંગ હોવાનું જણાવ્યું. આવા કેસમાં ટાઈટ કપડાં લાંબા સમય સુધી પહેરીને એક જ જગ્યાએ બેસી રહેવાના કારણે શરીરમાં લોહીનું પરિભ્રમણ બંધ થઈ જાય છે. આમ થવાના કારણે વ્યક્તિને હાર્ટ કે બ્રેઇનનો એટેક આવી શકે છે.
વાદળી પડી ગયું હતું શરીર, ન મળ્યું બીપી
જ્યારે સૌરભ હોસ્પિટલ પહોંચ્યા ત્યારે તેની પલ્સ 10-12 પ્રતિ મિનિટની હતી. બીપીનો ખ્યાલ જ ન આવ્યો. શરીર વાદળી થવા લાગ્યું હતું. 45 મિનિટ સુધી ડોક્ટરોએ પોતાના બંને હાથથી છાતી દબાવી અને સીપીઆર આપ્યું. બાદમાં ઈકોથી ખ્યાલ આવ્યો કે હાર્ટનો જમણો ભાગ ફેલ થઈ ગયો હતો. અને તે પલ્મોનરી ઈમ્બોલ્મિંગની સ્થિતિમાં હતો. તત્કાલ થ્રોમ્બોલાઈટિક એજન્ટ આપીને શરીરમાં થ્રોમ્બોલાઈસિસ કર્યું. આ સમયે હાર્ટની સ્થિતિને બગડતી બચાવવી એ જ ઉપાય હતો. 24 કલાક ડાયાલિસિસ પર રહ્યો સૌરભ. ડોક્ટરે નિદાન કર્યું કે 8 કલાક સુધી ટાઈટ જીન્સ પહેરીને ગાડી ડ્રાઈવ કરવાના કારણે આવું થયું હતું.
લાંબા સમય સુધી નીચેના અંગોનું હલન ચલન થયું નહીં
લાંબા સમય સુધી નીચેના અંગોનું હલન ચલન બંધ રહેવું, ડિહાઈડ્રેશન વગેરે પલ્મોની ઈમ્બોલ્મિંગના સંકેત હોઈ શકે છે. જે લોકો સ્મોકિંગ કે આલ્કોહોલનું સેવન કરે છે તેમનામાં તેની શંકા વધારે રહે છે. લાંબા સમય સુધી બેસવાનું ટાળો અને શક્ય હોય તો દર 2 કલાકે વ્યાયામ જરૂરી છે.