વલસાડ / VIDEO: અમે મર્ડર થોડું કર્યું છે…તમે તો નથી પીધો ને દારૂ?: રેડમાં પોલીસની સાથે સ્થાનિકોનો હોબાળો-ઝપાઝપી

• વલસાડના ધરમપુરમાં પોલીસ અને સ્થાનિકો વચ્ચે બબાલ 
• દારૂની બોટલો નાશ કરતા થઈ બબાલ, લોકો પાલીસ સાથે કરી ઝપાઝપી  
• પોલીસે બાતમીના આધારે કરી રેડ, રેડમાં દારૂની ખાલી બોટલો મળી 
• લોકોએ કહ્યું અમે મર્ડર થોડું કર્યું છે…તમે તો નથી પીધો ને દારૂ ? 

વલસાડના ધરમપુરમાં પોલીસ અને સ્થાનિક લોકો વચ્ચે બબાલનો એક વિડીયો હાલ સોશિયલ મીડિયામાં વાયરલ થઈ રહ્યો છે. પ્રાથમિક વિગતો  મુજબ ધરમપુરમાં પોલીસે ચોક્કસ બાતમી આધારે ત્રણ દરવાજા વિસ્તારમાં રેડ કરી હતી. જોકે સ્થળ ઉપરથી પોલીસને માત્ર દારૂની ખાલી બોટલો મળી હતી. આ તરફ પોલીસે દારૂની ખાલી બોટલોનો રસ્તા પર નાશ કરતાં બબાલ થઈ હોવાનું ચર્ચાઇ રહ્યું છે. આ સાથે પોલીસ તપાસમાં એક યુવક નશાની હાલતમાં ઝડપાયા બાદ લોકોએ પોલીસ સાથે ઉગ્ર બોલાચાલી અને ઝપાઝપી કરી હોવાનું પણ સામે આવ્યું છે. આ સાથે વાયરલ વિડીયોમાં લોકો અમે મર્ડર થોડું કર્યું છે…તમે તો નથી પીધો ને દારૂ ? તેવુ બોલતા પણ સંભળાઈ રહ્યા છે.  

ગુજરાતમાં કથિત લઠ્ઠાકાંડ બાદ હવે પોલીસ એક્શનમાં આવી છે. વલસાડના ધરમપુરમાં પોલીસે ચોક્કસ બાતમી આધારે ત્રણ દરવાજા વિસ્તારમાં રેડ કરી હતી. જોકે અચાનક આ રેડની કાર્યવાહી બાદ હોબાળો થવા લાગ્યો હતો. સોશિયલ મીડિયામાં વાયરલ એક વિડીયોમાં લોકો પોલીસ સાથે ઉગ્ર બોલાચાલી અને ઝપાઝપી કરતા હોવાનું દેખાઈ રહ્યું છે. આ તરફ  મામલો ગરમાતા લોકોએ પોલીસ સ્ટેશનનો ઘેરાવ કર્યો હોવાનું પણ ખૂલ્યું છે. 

પોલીસ અને લોકો વચ્ચેની બબાલનો વીડિયો વાયરલ

વલસાડના ધરમપુરમાં પોલીસે ચોક્કસ બાતમી આધારે ત્રણ દરવાજા વિસ્તારમાં કરેલી રેડમાં પોલીસને માત્ર ખાલી બોટલો મળી હતી. જે બાદમાં પોલીસે દારૂની ખાલી બોટલોનો રસ્તા પર નાશ કરતાં બબાલ થઈ હોવાનું ચર્ચાઇ રહ્યું છે. આ સાથે પોલીસ તપાસમાં એક યુવક નશાની હાલતમાં ઝડપાયો હતો. તો લોકોએ પોલીસ સાથે ઉગ્ર બોલાચાલી અને ઝપાઝપી કર્યા બાદ મામલો ગરમાતા લોકોએ પોલીસ સ્ટેશનનો ઘેરાવ કર્યો હતો.