WC 2019 / વરસાદ થશે કે બેટિંગ? જાણો આજે મેન્ચેસ્ટરમાં કેવું છે હવામાન

જો કે  accuweather.com પ્રમાણે રિઝર્વ ડેના દિવસે પણ વરસાદની સંભાવના વ્યક્ત કરવામાં આવી રહી છે. આ અહેવાલ મુજબ મેન્ચેસ્ટરમાં આજે વરસાદની શક્યતા વ્યક્ત કરવામાં આવી છે. મેન્ચેસ્ટરમાં ભારતીય સમય અનૂસાર બપોરે 3.30 કલાકે વાદળ ઘેરાશે તેવું અનુમાન છે જ્યારે 4.30 કલાકની આસપાસ વરસાદ પડી શકે છે.

જ્યારે મોડીરાતે 9.30 કલાકની આસપાસ વરસાદ ફરી વિધ્ન નાંખી શકે છે. આ બધાની વચ્ચે થોડી-થોડી વારે સામાન્ય વરસાદ પણ વરસી શકે છે. રિઝર્વ ડેના દિવસે મેચની શરૂઆતમાં જ વરસાદ વિલન બને તેવી શક્યતા છે. આ દરમિયાન 47 ટકા વરસાદ પડવાની સંભાવના છે.
 

મંગળવારે જ્યાં મેચ રોકવામાં આવી હતી ત્યાંથી જ રીઝર્વ ડેના દિવસે આગળ રમાશે. ગઇકાલે વરસાદના વિધ્ન વચ્ચે મેચ બંધ કરવામાં આવી ત્યારે ન્યૂઝીલેન્ડની ટીમે 46.1 ઓવરમાં 5 વિકેટના નુકસાન પર 211 રન બનાવ્યાં હતાં.

આમ જો ન્યૂઝીલેન્ડની ઇનિંગ્સની શરૂઆત બાદ જો વરસાદ નહીં પડે તો ભારતને 50 ઓવર રમવાની તક મળશે. જો રિઝર્વ ડેના દિવસે પણ વરસાદ પડશે અને મેચ રદ્દ કરવામાં આવશે તો પોઇન્ટ ટેબલને લઇને પરિણામ આપવામાં આવશે. જેમાં ભારતના પોઇન્ટ વધારે હોય તેને ફાઇનલમાં પ્રવેશ મળશે.