વરસાદ / વરસાદમાં સેલ્ફી લેતા પહેલા વિચારજો, દિલ્હીમાં વીડિયો બનાવતા યુવકનું થયું મોત

• વરસાદના કારણે ઠેર ઠેર પાણી
• 27 વર્ષીય વ્યક્તિનું મોત નીપજ્યું 
• 23 જુલાઈ સુધી ભારે વરસાદની આગાહી 

વરસાદના કારણે ઠેર ઠેર પાણી
દિલ્હીમાં ભારે વરસાદના કારણે ઠેર ઠેર પાણી ભરાઈ ગયા છે અને જેને કારણે દિલ્હીના લોકોને ઘણી બધી મુશ્કેલીઓનો સામનો કરવો પડી રહ્યો છે. આ બધા વચ્ચે એક મોતની ઘટના પણ બની છે. દિલ્હી પોલીસ દ્વારા મળતી જાણકારી મુજબ પ્રહલાદપુર વિસ્તારમાં પુલની નીચે ભરાયેલા પાણીનો વિડીયો બનાવતા સમયે એક 27 વર્ષીય વ્યક્તિનું મોત નીપજ્યું છે. પોલીસના જણાવ્યા મુજબ આ વ્યક્તિનું નામ રવિ ચૌટાલા છે અને તે જેતપુર વિસ્તારનો રહેવાસી છે. સ્થાનિક પૂછપરછમાં આ વાત સામે આવી છે કે આ યુવક પાણીની વચ્ચે જઈને સેલ્ફી લઈ રહ્યો હતો કે પછી વિડીયોગ્રાફી કરી રહ્યો હતો. 

23 જુલાઈ સુધી ભારે વરસાદની આગાહી 
ભારત હવામાન વિભાગ (IMD) એ ઉત્તર ભારતમાં 18-21 જુલાઈ સુધી અને પશ્ચિમી સપાટીય વિસ્તારોમાં 23 જુલાઈ સુધી ભારે વરસાદનો અંદાજો લગાવી શકાય છે.  IMDએ કહ્યું કે આવનારા 24 કલાક દરમિયાન ઉત્તર પ્રદેશ, ગુજરાત, મધ્ય પ્રદેશ અને પૂર્વ રાજસ્થાનમાં અલગ અલગ સ્થાનો પર ગાજવીજ સાથે વરસાદ થવાની શક્યતા છે. હવામાન વિભાગે આગાહી કરી છે કે આનાથી બહાર રહેનારા લોકો અને જાનવરોને નુકશાન થઈ શકે છે. 

ભારત હવામાન વિભાગની આગાહી 
IMDએ કહ્યું કે પશ્ચિમી હિમાલય વિસ્તાર (જમ્મુ - કાશ્મીર, લદ્દાખ, ગિલગિત, બાલ્તિસ્તાન અને મુજફ્ફરાબાદ, હિમાચલ પ્રદેશ અને ઉત્તરાખંડ) અને આની સાથે જોડાયેલા ઉત્તર- પશ્ચિમ ભારત પંજાબ, હરિયાણા, રાજસ્થાન, ઉત્તર પ્રદેશ અને મધ્ય પ્રદેશ ઉત્તર ભાગમાં 18થી 21 જુલાઈ સુધી વરસાદ જારી રહેવાની આગાહી છે. આ બાદ આ વિસ્તારોમાં વરસાદ ધીમો પડશે.