વેપાર / વોરેન બફેટના ઉત્તરાધિકારી બની શકે છે આ ભારતીય, નેટવર્થ જાણીને ચોંકી જશો

વિશ્વના ચૌથા સૌથી અમીર વ્યક્તિ વોરેન બફેટના ઉત્તરાધિકારી એક ભારતીય બની શકે છે. બર્કશાયર હેથવેના માલિક વોરેન બફેટની કુલ નેટવર્થ 6.30 લાખ કરોડ રૂપિયા છે. હાલ અજીત જૈનનું નામ આ લીસ્ટમાં સૌથી આગળ ચાલી રહ્યું છે. કંપનીના નવા મુખ્ય વડા માટે ચાર નામો પર ચર્ચા ચાલી રહી છે.

બર્કશાયર હેથવેની વાર્ષિક સભા કંપનીના નવા ઉત્તરાધિકારીની પસંદગી કરશે. તેના માટે હાલ બે નામ સૌથી આગળ ચાલી રહ્યા છે. જેમાંથી પહેલુ નામ 67 વર્ષના ભારતીય મૂળના અજિત જૈનનું છે. અન્ય નામ ગ્રગોરી અબેલનું છે. આ બન્નેને ગત વર્ષે જ કંપનીના ડિરેક્ટર બનાવવામાં આવ્યા હતા. બ્લૂમબર્ગ બિલિયોનેર્સ ઇન્ડેક્સ મુજબ વોરેન બફેટ વર્તમાનમાં દુનિયાના ચોથા સૌથી અમીર વ્યક્તિ છે. જેમની રિયલ ટાઇમ નેટવર્થ લગભગ 90 અરબ ડોલર એટલે કે લગભગ 6.30 લાખ કરોડ રૂપિયા છે.

કટકમાં થયો જન્મ, IITથી કર્યો અભ્યાસ

અજિત જૈનનો જન્મ ઓરિસ્સના કટકમાં થયો હતો. આઇઆઇટી ખડગપુરથી 1972માં અભ્યાસ પૂર્ણ કર્યા બાદ 1973થી 1976 સુધી આઇબીએમમાં સેલ્સમેન તરીકે કરિયરની શરૂઆત કરી હતી. તેના બાદ 1978માં હાર્વડ બિઝનેસ સ્કૂલમાં એમબીએ કર્યું હતું. બાદમાં તે મેકિન્જી એન્ડ કંપનીમાં જોડા હતા. 

1980માં એકવાર ફરી તે ભારત પરત ફર્યા પરંતુ આ સમયે તેમના લગ્ન થયા. જૈનને બફેટની કંપની બર્કશાયર હેથવેથી મિશેલ ગોલ્ડબર્ગ નામક વ્યક્તિએ બોલાવ્યા હતા. જે પહેલાની કંપની મેકિન્જીમાં જૈનના બોસ હતા. ગોલ્ડબર્ગે મેકિન્જીને 1982માં છોડી દીધી હતી.

1986થી જોડાયેલા છે બર્કશાયર હેથવે સાથે

બર્કશાયર હેથવેમાં જૈને 1986માં જોડાયા હતા. ત્યારથી લઇને અત્યાર સુધીમાં કંપનીના વીમા વિભાગમાં કાર્યરત છે. રોકાણકારો માટે લખેલા પોતાના એક વાર્ષિક પત્રમાં ઇન્વેસ્ટમેન્ટ ગુરુ વોરેન બફેટે સફળતાના શ્રેય માટે સૌથી પહેલા અજિત જૈનનું નામ લીધું હતું. તેમણે કહ્યું કે જ્યારે અજિતે ઓફિસ જોઇન કરી ત્યારે તેમને વીમા સેક્ટરનું કોઇ અનુભવ નહોતો. ત્યારથી અત્યાર સુધીમાં અજિત બર્કશાયરના રોકાણકારો માટે કરોડોની વેલ્યૂ વધારી ચૂક્યા છે.

કંપનીને આપ્યું આટલું રિટર્ન

વોરેન બફેટની કંપનીએ 1964થી અત્યાર સુધીમાં રોકાણકારોને 2472627 ટકા રિટર્ન આપ્યું છે. આ આકંડો બેન્ચમાર્કની તુલનામાં 165 ગણો વધારે છે. બ્લૂમબર્ગની એક રિપોર્ટ અનુસાર જો 55 વર્ષ પહેલા કોઇએ બર્કશાયર હેથવેના 10000 ડોલરનું રોકાણ કર્યું હશે તો તેની આજે કિંમત 17 કરોડ ડોલરથી વધારે હશે.

હાલમાં જ ખરીદ્યા એમેઝોનના શેર

બર્કશાયર હેથવેમાં રોકાણકાર કરનારા ઓછામાં ઓછા 7 લોકો ખરબપતિ બની ગયા છે. બફેટ આત તો ટેક્નોલોજી શેયર્સ પર ધ્યાન આપતા નથી. જોકે તેમણે એમેઝોનના શેયર ખરીદ્યા હતા. બફેટે સ્વીકાર્યું છે કે તે પ્રોડક્ટ અને બજારને સમજી નથી શકતા અને તેમણે જેફ બેજોસને ઓછા આંક્યા હતા.