સ્ટિંગ ઓપરેશન / મની પાવર હોય તો માગે એ કાર્ડ કાઢી આપે નાગજી, ગાંધીનગર સુધી સેટિંગનો દાવો

• સુરતમાં ગેરકાયદે નીકળી રહ્યા છે મા અમૃતમ કાર્ડ
• નાગજી નામનો એજન્ટ સુરતમાં ખુલ્લેઆમ કરે છે ધંધો
• સ્ટિંગ ઓપરેશનમાં નાગજીએ મોટી મોટી બડાશો મારી

VTV દ્વારા સ્ટિંગ ઓપરેશન કરાયું હતું. જેમાં વરાછા રોડ વિસ્તારમાં નાગજી નામનો એજન્ટ ખુલ્લેઆમ જુદા જુદા કાર્ડ બનાવી આપવાનો ધંધો કરે છે. કોઈ ડોક્યુમેન્ટ ન હોય તો પણ કાર્ડ કાઢી આપે છે. VTVના સ્ટિંગમાં એજન્ટ કાર્ડ માટે "મની પાવર"ની વાત કરે છે. મની પાવર હોય તો કામ થઈ જાય.

આ સ્ટિંગમાં તેમણે એક ભાઈ હોસ્પિટલમાં છતાં કાર્ડ કઢાવી આપ્યાનો દાવો કર્યો છે. એક વ્યક્તિની આવતીકાલે સર્જરી છતાં કલાકોમાં કાર્ડ બનાવી આપ્યાનો દાવો કર્યો છે. ડોક્યુમેન્ટ હોય કે ન હોય રૂપિયા આપો એટલે એજન્ટ કાર્ડ બનાવી આપે છે. કાર્ડ બન્યા પછી જે તે અરજદારને નહિ નાગજીને જ કાર્ડ મળે છે. અધિકારીઓ અરજદારને કાર્ડ આપતા નથી. મા અમૃતમ કાર્ડમાં ઓનલાઈન 5 લાખનું બેલેન્સ આવ્યા પછી નાગજી કાર્ડ આપે છે. 

સુરતથી લઈ ગાંધીનગર સુધી અધિકારીઓ સાથે સેટિંગ હોવાની વાત કરે છે. નાના વરાછા ચોપાટીની સામે દરરોજ સવારથી એજન્ટ આવી જાય છે. અરજદારની સાથે ઓફિસમાં જઈ સીધું કાર્ડ બનાવી આપવાનો એજન્ટ દાવો કરે છે.