VTV Exclusive / LRDની ભરતીના પરિપત્રને લઈને VTVનો મોટો ખુલાસો, શું આંદોલનકારીઓ અને બૌદ્ધિકો નથી જાણતા આ વાતો?

• સરકારનો એ પરિપત્ર જેનું સાચુ અર્થઘટન કોઈ સમજી નથી શકયું
• સરકારનો એ પરિપત્ર અનામતનો આડકતરો છેદ જ ઉડાવી દે છે!
• ન તો વંચિતોના નેતાઓ, ન તો સમાજના અગ્રણીઓ આ પરિપત્રને સમજ્યા નથી
• VTV એ અર્થઘટન તમને બતાવે છે જેમા કહેવાતા બૌદ્ધિકો અટવાયા કરતા હતા

ગઈકાલે જૂનાગઢમાં એક સરકારી કર્મચારીએ પોતાના બે દીકરાને LRD ભરતીમાં અન્યાય થયો હોવાની લાગણીને પગલે જીવન ટુંકાવી દેતા આજ સવારથી આ મામલે તુલ પકડી છે પરિવારે મૃતદેહ સ્વીકાર્યો નથી અને ગાંધીનગર સુધી તેના પડઘા પડ્યા છે. સીએમ રૂપાણી અને ડેપ્યુટી સીએમ નીતિન પટેલ ખુદ આ અંગે ચર્ચાઓ કરી ચૂક્યા છે ત્યારે ગુજરાત સરકારે આ અંગે પરિપત્ર જાહેર કર્યો હતો જેમાં અનામતનો છેદ ઉડે છે. VTV News દ્વારા આ અંગે ખાસ અહેવાલ તૈયાર કરવામાં આવ્યો છે તો ચાલો જાણીએ શું છે પરીપત્રમાં?

પરિપત્રની વિવાદ સિવાયની વાતો

• મહિલાઓને કુલ અનામત 33 ટકા મળવાપાત્ર થાય છે
• જો ઉમેદવારોમાં 33 ટકા મહિલાઓ થઈ જતી હોય તો ફરી પસંદગીની જરૂર નથી
• અનામતવાળી જગ્યા જેટલી મહિલાઓ ન મળે તો તે જાતિના પુરુષોને સ્થાન મળી શકે
• કોઈ જાતિ માટે અનામત વધી જ ન હોય તો જનરલ કેટેગરીના પુરુષોથી જગ્યા ભરી શકાશે
• દર 10 બેઠકે 3.3 મહિલાઓને જગ્યા મળવી જરૂરી છે પરિપત્રમાં આની પણ સ્પષ્ટતા છે
• માનો કે 20 જગ્યાઓ હોય તો મહિલાઓ માટે 6.6 જગ્યાઓ અનામત રાખવી પડે
• તેવા સંજોગોમાં 6ની ભરતી કરવી અને .6નું રજિસ્ટર મેન્ટેઈન કરવું
• આગળ જતા જ્યારે આ સંખ્યા પૂર્ણાંક બને ત્યારે અનામતવાળી મહિલાની ફરી ભરતી કરવી
• જાહેરાત બહાર પડ્યા પછી તે વર્ગમાં મહિલાઓ ન મળે તો પુરુષોની ભરતી કરી શકાય
• પરંતુ મહિલાઓના સ્થાને પુરુષો ભરતી થયા છે એટલે મહિલાઓની જગ્યા આગળ ખેંચવાની
• એટલે કે ભલે મહિલાઓની જગ્યા ભરાઈ ગઈ, પણ આગળના વર્ષ માટે મહિલાઓની જગ્યા ભરવી પડશે
• શારીરિક ખોટખાંપણ અને માજી સૈનિકોની જગ્યામાં પણ મહિલા અનામત રાખવાની છે
• રાજ્ય હસ્તકના બોર્ડ, કોર્પોરેશનમાં પણ મહિલાઓને લગતા આ જ નિયમો લાગુ પડશે
• મેરિટના ધોરણે કોઈ મહિલા ઉમેદવાર પસંદ થાય તો એ 33 ટકાના ક્વોટામાં ગણાશે
• પછી ભલે મહિલા કોઈપણ અનામત વર્ગની હોય, મેરિટવાળી મહિલાની 33 ટકામાં ગણતરી થશે
• મેરિટ પછી જેટલા ટકા સંખ્યા વધે તે અનામતવાળા વર્ગના આધારે મહિલાઓની ભરતી થશે
• વિધવા મહિલાઓને સ્પર્ધાત્મક પરીક્ષાના મેરિટમાં પણ પ્રથમ પસંદગીનો હક્ક અપાયો છે
• વિધવા મહિલાએ જેટલા ગુણ મેળવ્યા હોય તેમાં 5 ટકા ગુણ ઉમેરીને તેની ગણતરી કરવી
• SSCના આધારે ભરતી થાય તો પણ વિધવા બહેનોના તે ગુણમાં 5 ટકા ઉમેરવા
• ભરતીના સમયે એ વિધવાબહેને પુન:લગ્ન કરેલા ન હોવા જોઈએ
• ભરતી માટે અનામતની 5 વર્ષની છૂટ અને મહિલા કેટેગરીની 5 વર્ષની છૂટ આપવી પડશે
• પરંતુ આવી બે કેટેગરીમાં છૂટ લેનારી મહિલાઓની ઉંમર 45 વર્ષથી વધવી ન જોઈએ
• શારીરિક ખોટખાંપણવાળા કિસ્સામાં છૂટ લીધા પછી પણ મહિલાની ઉંમર 45 વર્ષથી વધવી ન જોઈએ

પરિપત્રમાં વિવાદાસ્પદ શું છે?

• પરિપત્રમાં સવાલ નંબર 12 અને 13 વિવાદનું કારણ છે
• સરકારમાં મહિલા અનામત માટેની કેટલીક ગુંચવણો હતી
• અનામતની સમજણ માટે 2018માં સરકારે આ સ્પષ્ટીકરણ કરતો પરિપત્ર કર્યો છે
• આ પરિપત્ર સંપૂર્ણ રીતે મહિલા અનામત વિશે જ સ્પષ્ટતા કરે છે
• પરંતુ પરિપત્રમાં સવાલ નંબર 12 અને સવાલ નંબર 13નો વિવાદ હવે ઉભો થયો છે
• મેરિટના આધારે અનામતવાળી મહિલા પસંદગી પામે તો તેને અનામતના ક્વોટામાં જ ગણવી
• એ મહિલાની પસંદગી તો જનરલમાં થઈ પણ ક્વોટામાં એક સીટ ઘટી ગઈ
• દાખલા તરીકે મેરિટના આધારે 100માંથી અનામત વર્ગની 20 મહિલાઓની પસંદગી થઈ
• તો, આવા સંજોગોમાં પરિપત્ર મુજબ અનામત વર્ગની 20 મહિલાઓની ભરતી થઈ ગઈ ગણાય
• પરિપત્રના કારણે જે વિવાદ થયો છે તે આ થયો છે કે એ મહિલાની ગણતરી જનરલમાં જ થવી જોઈએ
• મહિલા અનામત અને વર્ગવાળી અનામતને પરિપત્રએ ભેગી કરી દીધી છે
• કુલ 17 જગ્યા માટે 5 મહિલાઓ લેવી જરૂરી છે, જો જનરલમાં 2 મહિલા પસંદ પામી તો બાકીની 3ની જ ભરતી થાય
• પરિપત્રનો આ વિવાદ છે કે મેરિટના ધોરણે પસંદ થાય તો મહિલાઓને અનામત ન મળી ગણાય
• આમ આ પરિપત્ર સંપૂર્ણ રીતે અનામતની ભાવનાનો છેદ ઉડાડે છે અને એટલે વિવાદ છે

જે નેતાઓ હાલ આ અંગે મેદાને આવ્યા છે તેમણે પણ પરિપત્રનો નહોતો કર્યો વિરોધ

• આ પરિપત્ર જ્યારે થયો ત્યારે વંચિતોના હિતેચ્છુઓ ક્યાં હતા?
• દલિતો માટે લડવાનો દાવો કરતા મેવાણી પરિપત્ર થયા પછી ક્યાં હતા?
• જ્યારે પરિપત્ર થયો ત્યારે OBCના હામી ગણાતા અલ્પેશ ઠાકોર ક્યાં હતા?
• ગુજરાતમાં ભાજપ-કોંગ્રેસના વંચિતોના કહેવાતા નેતાઓ ક્યાં હતા?
• પોતાના પક્ષની સરકારો બને ત્યારે SC/ST આયોગમાં ગોઠવાતા મળતિયાઓ ક્યાં હતા?
• અનામત બેઠકોના નામે ચૂંટાતા એ ધારાસભ્યો આ પરિપત્ર વખતે ક્યાં હતા?
• અનામત બેઠકના ધોરણે જ લોકસભામાં પ્રવેશ મેળવી લેતા એ સાંસદો ક્યાં હતા?
• વંચિતોના હક્કો માટે લડવાનો દાવો કરતા ભાજપ-કોંગ્રેસના પ્રવક્તાઓ ક્યાં હતા
• છાશવારે કોર્ટે પહોંચતી કોઈ NGOને કેમ આ વંચિતોના હક્કો માટે લડાઈ ન સૂઝી?
• તો સવાલ એ છે કે શું વંચિતોના નામે લડતા નેતાઓ પણ પોતાનો જ સ્વાર્થ જુએ છે?
• મીડિયા જ્યારે તેમને મુદ્દો આપે ત્યારે જ રસ્તા પર ઉતરે છે આ વંચિતોના નેતાઓ?