મહાકવરેજ / ગ્રામ પંચાયત ચૂંટણીનું મતદાન પૂર્ણ, 8,684 ગામોમાં કુલ 65 થી 70% અંદાજીત મતદાન થયાનું અનુમાન

• ગુજરાતમાં આજે 8 હજાર 684 ગ્રામ પંચાયતની ચૂંટણી
• સવારે 7 વાગ્યાથી સાંજે 6 વાગ્યા સુધી મતદાન
• VTV NEWS પર મહાકવરેજ દિવસભર

LAST LIVE UPDATE : 

મધ્ય ગુજરાતમાં શાંતિપૂર્ણ રીતે થયું મતદાન

• મધ્યગુજરાતમાં 65 થી 70% અંદાજીત થયું મતદાન
• મતદારોએ સ્થાનિક મુદ્દાઓને ધ્યાન માં રાખી કર્યું મતદાન
• સવારથી જ લોકોએ મતાધિકારનો ઉપયોગ કરવા લગાવી કતારો
• મતદારોએ લોકશાહીને જીવંત રાખવા લગાવી કતારો
• રોડ રસ્તા, પાણી, શિક્ષણ જેવી સમસ્યા ઉકેલે તેવા પ્રતિનિધિ ચૂંટવા કર્યું મતદાન

અમદાવાદ જિલ્લામાં ગ્રામપંચાયતની ચૂંટણી શાંતિપૂર્ણ માહોલ સંપન્ન

• જિલ્લાના 410 ગામોમાં યોજાઈ હતી ગ્રામપંચાયત ચૂંટણી
• 410 ગામના 1179 સરપંચના ઉમેદવારો ભાવિ થયું મતપેટીમાં સિલ
• 410 ગામના 3960 સદસ્યોનું ભાવિ મતપેટીમાં થયું સિલ
• 21 ડિસેમ્બરે પંચાયતના સદસ્ય અને સરપંચના ભાવિનો ફેંસલો
• 410ગ્રામપંચાયતના 3566 વોર્ડમાં યોજાઈ હતી ગ્રામપંચયતની ચૂંટણી

ગ્રામ પંચાયત ચૂંટણીમાં મતદાન પૂર્ણ 

• 8684 ગ્રામ પંચાયત માટે મતદાન
• સરપંચ પદના 27,200 ઉમેદવારોના ભાવિ મતપેટીમાં સિલ 
• 53,507 સભ્યપદ માટે 1,19,998 ઉમેદવારોના ભાવિ સિલ
• 1167 ગ્રામ પંચાયત સંપૂર્ણ બિનહરીફ થઈ ચૂકી હતી
• 21 ડિસેમ્બરે મત ગણતરી હાથ ધરાશે

દક્ષિણ ગુજરાતમાં ગ્રામ પંચાયતની ચૂંટણીમાં મતદાન પૂર્ણ

• દક્ષિણ ગુજરાતમાં શાંતિપૂર્ણ રીતે મતદાન પૂર્ણ
• સુરત, નવસારી વલસાડમાં સરેરાશ 65 થી 68% જેટલું મતદાન
• સુરત જિલ્લામાં 494 ગ્રામ પંચાયતોમાં સરેરાશ 70% મતદાનની શકયતા
• નવસારી જિલ્લામાં 273 ગ્રામ પંચાયતોમાં સરેરાશ 65% મતદાનની શકયતા
• વલસાડ જિલ્લાની 302 ગ્રામ પંચાયતોમાં સરેરાશ 68% મતદાનની શકયતા

સૌરાષ્ટ્રમાં ગ્રામ પંચાયતની ચૂંટણીમાં મતદાન પૂર્ણ

• સૌરાષ્ટ્રમાં શાંતિપૂર્ણ રીતે મતદાન
• એક-બે ઘટનાઓને બાદ કરતા શાંતિપૂર્ણ મતદાન
• સૌરાષ્ટ્રમાં 70 ટકાથી વધુ મતદાન
• સ્થાનિક પ્રશ્નોને ધ્યાને રાખી મતદારોએ મતદાન કર્યું

 

 

4 વાગ્યા સુધીમાં સરેરાશ 45 ટકા મતદાન, રાજકોટના વીરપુરમાં મતદાર અને કોન્સ્ટેબલ વચ્ચે ઝપાઝપી

રાજકોટના વીરપુરમાં મતદાન કરવા આવેલો એક મતદાર અંદર મોબાઇલ લઈ જવાની જીદ કરી રહ્યો હતો. પરંતુ ફરજ પર હાજર કોન્સ્ટેબલે તેણે રોકતા ઉગ્ર બની ગયો હતો. થોડી બોલાચાલી બાદ મતદાર અને કોન્સ્ટેબલ વચ્ચે છુટ્ટાહાથની મારામારી થઈ હતી. સમગ્ર મામલે મતદાર ઉપર કાયદેસરની કાર્યવાહી કરવાની પોલીસને ફરજ પડી છે.

3 વાગ્યા સુધીમાં આટલા ટકા થયું મતદાન 

Ahmedabad	43
Amreli	41
Anand	41
Aravalli	39
Banaskantha	36
Bharuch	32
Bhavnagar	42
Botad	37
Chhota Udepur	33
Dwarka	34
Dahod	33
Gandhinagar	44
Gir Somnath	45
Jamnagar	46
Junagadh	45
Kutchchh	41
Kheda	40
Mahesana	42
Mahisagar	31
Morbi	36
Narmada	36
Navsari	40
Panchmahal	34
Patan	39
Porbandar	42
Rajkot	44
Sabarkantha	41
Surat	39
Surendranagar	38
Tapi	37
Dang	35
Vadodara	41
Valsad	38

03.20 PM : નવસારી વાંસદાના ધારાસભ્ય અનંત પટેલે ઉનાઈ પ્રાથમિક શાળામાં મતદાન કર્યું. સામાન્ય મતદારની જેમ લાઈનમાં ઉભા રહીને મતદાન કર્યું હતું.  વાંસદામાં અત્યાર સુધી 34.03 ટકા મતદાન થયું છે વાંસદા ના 177 સરપંચની બેઠક માટે 981 ફોર્મ ભરાય છે જ્યારે 64 ગામોમાં ચૂંટણીનો માહોલ જામ્યો છે. 

03.10 PM : વડોદરામાં સાવલીના કરચિયા ગામે યુવક પર હુમલાની ઘટના સામે આવી છે.ગ્રામપંચાયતની ચૂંટણીમાં મતદાન દરમિયાન હુમલો કરાતા પોલીસના ઉચ્ચ અધિકારીઓએ તપાસ હાથ ધરી છે. મતદારો ખેંચી જતા હોવાનો યુવક પર આક્ષેપ લાગી રહ્યો છે. 

02.30 PM : અમદાવાદના ફાંગડી ગામે બપોર બાદ મતદાતાઓમાં મતદાનનો ઉત્સાહ જોવા મળ્યો. દિવસભર મતદાન મથકે લાંબી કતાર જોવા મળી, જ્યારે સરપંચ પદ માટે 4 ઉમેદવાર મેદાને છે. 

02.20 PM : રાજકોટના પડધરીના ખામટા ગામે અત્યાર સુધીમાં 70 ટકાથી વધુ મતદાન થયું. MLA લલિત કગથરા ચૂંટણીની સ્થિતિ જાણવા નિકળ્યા ફિલ્ડ નીકળ્યા હતા મહત્વનું છે કે ખામટા ગામમાં કુલ 983 મતદારો છે

02.10 PM : સુરતમાં મહુવાના વહેવલ ખાતે 99 વર્ષીય સ્વાતંત્ર્ય સેનાનીએ મતદાન કર્યું, મણીબેન ધોડિયા એ ગ્રામ પંચાયતની ચૂંટણીમાં મતદાન કર્યું, 99 વર્ષની ઉંમરે પણ મણીબેનમાં દેશભક્તિનો જુસ્સો યથાવત જોવા મળ્યો. આઝાદીના જંગમાં મણીબેન જેલવાસ પણ ભોગવી ચુક્યા છે.

બપોરના 2 વાગ્યા સુધીમાં આટલા ટકા થયું મતદાન 

અમદાવાદ	37
અમરેલી	36
આણંદ	36
અરવલ્લી	34
બનાસકાંઠા	29
ભરૂચ	26
ભાવનગર	38
બોટાદ	31
છોટાઉદેપુર	30
દ્વારકા	27
દાહોદ	29
ગાંધીનગર	37
ગીરસોમનાથ	37
જામનગર	41
કચ્છ	36
ખેડા	35
મહેસાણા	33
મહીસાગર	26
મોરબી	33
નર્મદા	32
નવસારી	34
પંચમહાલ	31
રાજકોટ	39
સાબરકાંઠા	34
સુરત	33
સુરેન્દ્રનગર	34
તાપી	33
ડાંગ	31
વડોદરા	34
વલસાડ	32

01.50 PM : ગાંધીનગરમાં 156 ગ્રામ પંચાયતની ચૂંટણી માટે મતદાન યોજાઈ રહ્યં છે ત્યારે ચૂંટણીમાં અત્યાર સુધી 40 ટકા કરતા વધુ મતદાન જોવા મળી રહ્યું છે.

01.45 PM : અરવલ્લીના મોડોસમાં ગ્રામપંચાયતની ચૂંટણીમાં બબાલ સામે આવી. બડોદરમાં ચૂંટણી પ્રક્રિયામાં સિક્કા ન વાગતા હોવાની ફરિયાદ ઉઠતા બબાલ થઈ છે. ઉમેદવાર-સમર્થકોની રજૂઆત ન સાંભળ્યાનો ગ્રામજનો આક્ષેપ. ગ્રામજનોનું ટોળું મોટુ હોવાથી વધુ પોલીસ બોલાવવા ફરજ પડી તો પોલીસે બળપ્રયોગ કરી લાઠીચાર્જ કર્યાનો સ્થાનિકો કહી રહ્યા છે. 

01.40 PM : વીરપુર મતદારને માર મારવાનો પોલીસ સામે મતદારના પરિવારના આક્ષેપ લગાવામાં આવ્યો છે, પોલીસ કોન્સ્ટેબલ પરેશ સિંધવ દ્વારા માર મરાયાનો આક્ષેપ કરાતા SP બલરામ મીણાનું નિવેદન સામે આવ્યું.  SP બલરામ મીણા કહ્યું કે કોન્સ્ટેબલે જે પણ કર્યું તે અમાન્ય અને અયોગ્ય છે. પોલીસે કાયદેસર કાર્યવાહી કરવી જોઇએ આ મામલે તપાસ કરી કાર્યવાહી હાથ ધરાશે. 

01.30 PM : નર્મદાના ડેડિયાપાડામાં ચૂંટણી દરમિયાન મારા મારી સર્જાઈ, બોગજ ગામે 2 રાજકીય પક્ષના કાર્યકર્તાઓ આમને સામને આવી ગયા હતા. જેમાં એક વ્યક્તિ ઈજાગ્રસ્ત થતા સારવાર અર્થે હોસ્પિટલ ખસેડવામાં આવ્યો છે.  BTPના કાર્યકર્તા ચૈતર વસાવાએ હુમલો કર્યાનો આક્ષેપ કરવામાં આવ્યો છે. ત્યારે સાંસદ મનસુખ વસાવાએ  બોગજ ગામની મુલાકાત લીધી હતી અને તંત્રને યોગ્ય કાર્યવાહી માટે કહ્યું છે, જો તંત્ર યોગ્ય કાર્યવાહી ન કરે તો સાંસદ મનસુખ વસાવાએ ધરણાની ચિમકી ઉચ્ચારી છે. 

01.10 PM : છોટાઉદેપુરના વડદલાના ગ્રામજનો દ્વારા ગ્રામપંચાયત ચૂંટણીનો બહિષ્કાર, અલગ પંચાયતની માગ સાથે વડદલા,ચૈના વસાહત, હાફેસ્વર વસાહતાના ગ્રામજનોએ કર્યો ચૂંટણીનો બહિષ્કાર, ગ્રામજનો અલગ પંચાયતની કરી રહ્યા છે માગ

01.05 PM : મોરબી માળીયા વિધાનસભા બેઠકના ધારાસભ્ય બ્રિજેશ મેરજા ગુજરાત રાજ્યના પંચાયત વિભાગના મંત્રી છે ત્યારે ગુજરાત રાજ્યમાં સૌથી વધુ ગ્રામ પંચાયતો મોરબી જિલ્લાની અંદર સમરસ બને તેના માટે જુદા જુદા ગામના આગેવાનો યુવાનો વડીલો તેમજ રાજકીય આગેવાનો દ્વારા પ્રયત્નો કરવામાં આવ્યા હતા તેમ છતાં પણ 197 જેટલી ગ્રામ પંચાયતોમાં આજની તારીખે ચૂંટણી યોજાઈ રહી છે. 

01.00 PM : વડોદરા જિલ્લાની સાંકરદા ગ્રામપંચાયતમાં ચૂંટણી 7 હજાર 500 જેટલા મતદારો મતાધિકારનો કરી રહ્યા છે ઉપયોગ, સરપંચ પદ માટે 7 ઉમેદવારો મેદાને

12.55 PM : મોરબી જિલ્લામાં 230 ગ્રામપંચાયતની ચૂંટણી માટે મતદાન યોજાઈ રહ્યું છે ત્યારે 1 વાગ્યા સુધીમાં 30 ટકા જેટલું મતદાન થયું છે જેમાં 71 ગ્રામપંચાયત સમરસ થઈ 

12.50 PM : દ્વારકા જિલ્લામાં પ્રિસાઇડિંગ ઓફિસર ઓફિસર જીજ્ઞેશ પટેલ નશાની હાલતમાં ઝડપાયા હતા. ગ્રામજનોના હોબાળો બાદ પ્રિસાઇડિંગ  ઓફિસરની કલ્યાણપુર પોલીસે ધરપકડ કરી. 

12.45 PM : પોરબંદર ગ્રામ પંચાયત ચૂંટણીમાં બે ઉમેદવારો વચ્ચે બબાલની ઘટના સામે આવી છે. કુતિયાણાના મહિયારી ગામે બે ઉમેદવારો વચ્ચે ગત મોડી રાત્રે બબાલ થઈ હતી. જેમાં અન્ય ઉમેદવારે પોલીસમાં ફરિયાદ નોંધાવી છે ઉમેદવાર કેશુ પરમાર નશામાં હોવાની, અને મારા મારી કરી હોવાનું ફરિયાદમાં આક્ષેપ કરાયો છે. પોલીસે  કેશુ પરમાર સહિત 4 લોકોની કરી ધરપકડ છે. મહત્વનું છે કે મહિયારી ગામે હાલ ચુસ્ત પોલીસ બંદોબસ્ત વચ્ચે મતદાન ચાલી રહ્યું છે ઉલ્લેખનિય છે અગાઉ ભૂતકાળમાં પણ મહિયારી ગામે બુથ કેપ્ચરિંગની ઘટના બની હતી

12.40 PM : દાહોદમાં સંજેલી તાલુકાના ઝુસા ગામમાં ઉમેદવારે બાઉન્સર સાથે રાખીને કર્યું મતદાન. સરપંચ પદના ઉમેદવારને હરિફ ઉમેદવાર દ્વારા ધમકી મળતા બાઉન્સરો સાથે મતદાન મથક પહોંચ્યા હતા.  જ્યાં સરપંચના ઉમેદવારે 20 બાઉન્સર સાથે રાખી મતદાન કર્યું હતું 

12.35 PM :  અરવલ્લી મોડાસાના ટીંટીસર ગામે શતાયુ વૃદ્ધાનું મતદાન,  107 વર્ષના નાથીબાએ મતાધિકારનો ઉપયોગ કર્યો,  વૃદ્ધ નાથી બા 72 સભ્યોનું કુંટુંબ ધરાવે છે.   

12.30 PM : જૂનાગઢમાં ગ્રામપંચાયતની ચૂંટણી લોહિયાળ બની છે, માળીયા હાટીના પિખોર ગામે બંને પક્ષના ઉમેદવારો અને કાર્યકર્તાઓ સામ સામે આવ્યા હતા જેમાં બંને વચ્ચે માથાકૂટ સર્જાતા મારામારીના દ્રશ્યો સર્જાયા હતા.આ બનાવમાં બેથી ત્રણ લોકોને ઈજા થતા સારવાર અર્થે હોસ્પિટલ ખસેડવામાં આવ્યા હતા. આ મામલે પોલીસ વધુ તપાસ હાથ ધરી છે. 

રાજ્યમાં ગ્રામપંચાયતની ચૂંટણીમાં અત્યાર સુધીમાં સરેરાશ 30 ટકા મતદાન

• મહેસાણામાં સૌથી વધુ 30 ટકા મતદાન
• અમદાવાદ જિલ્લામાં 27 ટકા,અમરેલીમાં 25 ટકા મતદાન
• આણંદ જિલ્લામાં 23 ટકા,અરવલ્લીમાં 21 ટકા મતદાન
• બનાસકાંઠામાં 22 ટકા,ભરૂચમાં 18 ટકા મતદાન
• ભાવનગરમાં 27,બોટાદમાં 22 ટકા મતદાન
• છોટાઉદેપુરમાં 19 ટકા દ્વારકામાં 20 ટકા મતદાન
• દાહોદમાં 19 ટકા,ગાંધીનગરમાં 28 ટકા મતદાન
• ગીર સોમનાથમાં 26 ટકા,જામનગરમાં 28 ટકા મતદાન
• જૂનાગઢમાં 29 ટકા,કચ્છમાં 26 ટકા મતદાન
• ખેડામાં 24 ટકા,મહેસાણામાં 30 ટકા મતદાન
• મહીસાગરમાં 21 ટકા,મોરબીમાં 26 ટકા મતદાન
• નર્મદામાં 24 ટકા,નવસારીમાં 29 ટકા મતદાન
• પંચમહાલમાં 22 ટકા,પાટણમાં 26 ટકા મતદાન
• પોરબંદરમાં 26 ટકા,રાજકોટમાં 29 ટકા મતદાન
• સાબરકાંઠામાં 27 ટકા,સુરતમાં 26 ટકા મતદાન
• સુરેન્દ્રનગરમાં 27 ટકા મતદાન,તાપીમાં 23 ટકા મતદાન
• ડાંગમાં 22 ટકા,વડોદરામાં 26 ટકા મતદાન,વલસાડમાં 20 ટકા મતદાન    

11.56 AM :જામનગરમાં ગ્રામપંચાયતની ચૂંટણીનું મતદાન યોજાઈ રહ્યું છે ત્યારે જોડિયાના હડિયાણા ગામમાં કૌટુંબિક કાકા-ભત્રીજા વચ્ચે ચૂંટણી જંગ છેડાયો છે.  કૌટુંબિક કાકા-ભત્રીજા સહિત સરપંચ પદના 3 ઉમેદવારો મેદાને છે ત્યારે ગામમાં 4 હજાર 200 જેટલા મતદારો મતદાન કરી રહ્યા છે. હડિયાણા ગામમાં મોટી સંખ્યામાં મતદારો મતદાન મથકે પહોંચી રહ્યાં છે.  

11.50 AM : વડોદરા જિલ્લામાં અનઘડ ગામમાં ગ્રામપંચાયતની ચૂંટણીમાં સરપંચ પદ માટે રસાકસી માહોલ જોવા મળી રહ્યો છે, સરપંચ પદ માટે 10 મહિલા ઉમેદવારો મેદાને છે ત્યારે ગામ લોકો કોની પસંદગી કરે તેના પર સૌની નજર છે 

11.46 AM : મહીસાગર ખાનપુરના સોંપડીયા ગામ લોકો દ્વારા મતદાનનો બહિષ્કાર કરવામાં આવ્યો, વારા પદ્ધતિને લઈ ન્યાય ન મળતા મતદાન બહિષ્કાર કરાયો છે,  મહત્વનું છે કે સોંપડીયા ગામમાં કુલ  436 મતદારો, ત્યારે ગામ લોકોના નિર્ણયને લઈ ગ્રામ પંચાયત બુથ ખાલી ખમ્મ જોવા મળી રહ્યા છે 

11.43 AM : મોરવા હડફની વિરનીયા ગ્રામ પંચાયતની ચૂંટણીમાં ફરી વિવાદ સર્જાયો છે. સરપંચ પદના ઉમેદવારનું નિશાન બદલાતા વિવાદ વિકર્યો છે જેમાં ઉમેદવારે ચૂંટણી રદ્દ કરી ફરી યોજવા કરી છે માંગ, આવતી કાલે ફરીથી મતદાન થાય તેવું મનાઈ રહ્યું છે. 

11.40 AM : વીરપુરમાં ગ્રામ પંચાયતની ચૂંટણી દરમિયાન મતદાર અને પોલીસ વચ્ચે ઘર્ષણ થયું છે,  મોબાઇલ સાથે મતદાન મથકમાં જવા મુદ્દે ઘર્ષણ સર્જાતા 
મતદાન કેન્દ્ર બહાર પોલીસ-મતદાર વચ્ચે ઝપાઝપી થઈ હતી. પોલીસે જબદરસ્તીથી મતદારને પોલીસ વાનમાં બેસાડી ડિટેન કર્યો છે

11.35 AM : છોડાઉદેપુરમાં સાંસદ ગીતાબેન રાઠવાએ કવાંટની ઇંગ્લીશ હાઈસ્કૂલ ખાતે  મતદાન કર્યું છે, ગીતાબેન રાઠવાએ નિવેદન આપતા કહ્યું કે ગામના વિકાસ માટે સરપંચ હોવો જરૂરી છે, આ ચૂંટણીમાં  EVM મશીન શક્ય નથી, ગ્રામપંચાયતની ચૂંટણી બેલેટથી જ થાય.  

10.30 AM : પંચમહાલના વિરણીયા ગૃપ ગ્રામપંચાયતમાં આશરે 3 કલાક જેટલા સમયથી મતદાન અટક્યું હતું. સરપંચ પદના ઉમેદવારોના ચિન્હને લઈને વિવાદ થતાં મતદાન અટક્યું હતું. જેમાં બેલેટ અને પ્રચાર સાહિત્યમાં અલગ-અલગ ચિન્હ છપાયા હતા. નિશાનની ફાળવણી વોટરપંપની કરાઈ હતી જયારે બેલેટમાં પેટ્રોલપંપ છપાયો હોવાથી 4માંથી 3 મતદાન મથકો પર મતદાન અટક્યું હતું. 

09:30 AM મદદનીશ પ્રિસાઇડિંગ અધિકારીનું હૃદયરોગના હુમલાથી મોત

ચાંપતા પોલીસ બંદોબસ્ત વચ્ચે ગ્રામ પંચાયતની ચૂંટણી માટેનું મતદાન ચાલી રહ્યું છે ત્યારે અરવલ્લીના શામળાજી નજીક આવેલ વેણપુર ગામના મતદાન મથકમાં મદદનીશ પ્રિસાઇડિંગ અધિકારી અને મલેકપુર પ્રાથમિક શાળાના આચાર્ય દિનેશ પરમારનું હ્રદયરોગનો હુમલો આવતા મોત નિપજ્યું હતું. 

09:00 AM :  નવસારીના નાગરિકોમાં અનેરો ઉત્સાહ 

મતદાન એ લોકશાહીનું પર્વ ગણવામાં આવે છે ત્યારે નવસારી જિલ્લામાં આજે લોકશાહીના પર્વની ઉજવણી કરવા આજે વહેલી સવાર થી મતદારોનો ઉત્સાહ જોવા મળ્યો છે. જિલ્લાની 308 ગામપંચાયતની ચૂંટણી પૈકી 35 ગામપંચાયત સમરસ થઈ છે અને 273 ગામ પંચાયત માં ખરાખરી નો જંગ જામ્યો છે. આજે મતદાન પ્રક્રિયાઓ માં અગવડતા ના પડે તે માટે જિલ્લાના 5 હજાર જેટલા સરકારી કર્મીઓ મતદાન પ્રક્રિયામાં જોતરાયા છે. તો બીજી તરફ શાંતિપૂર્ણ માહોલ માં મતદાન થાય એ માટે 2 હજાર જેટલા પોલીસકર્મીઓ 756 મતદાન મથક પર પોલીસ કાફલો ખડકી દેવામાં આવ્યો છે. જેમાં સંવેદનશીલ 106 મતદાન મથકો પર ચાંપતો બંદોબસ્ત રાખવામાં આવ્યો છે કુલ મતદારો 567743 મતદારો પોતાની ફરજ અદા કરશે કુલ સરપંચ ના 744 ઉમેદવારો અને વોર્ડ સભ્યો માટે 3917 ઉમેદવારો પોતાનું ભાવિ અજમાવવા મેદાને પડ્યા છે.

વિરોધપક્ષના નેતા સુખરામ રાઠવાએ કર્યું મતદાન

• છોટા ઉદેપુરના જામલી ગામે કર્યું મતદાન 
• બેલેટ પેપરથી મતદાનને સુખરામ રાઠવાએ યોગ્ય ગણાવ્યું
• અન્ય ચૂંટણીઓમાં પણ બેલેટ પેપરથી મતદાન થાયઃ સુખરામ રાઠવા

મતદાન માટે પ્રલોભન અપાતું હોય તેવો વીડિયો થયો વાયરલ

સાબરકાંઠામાં ગ્રામ પંચાયતની ચૂંટણીના મતદાન પહેલાનો વીડિયો વાયરલ થયો છે. મતદારોને રીઝવવા પ્રલોભનો અપાયાના નામે વીડિયો વાયરલ થયો છે. વાયરલ વીડિયોમાં મતદારોને વિવિધ ચીજવસ્તુઓ અપાઇ રહી છે. મતદાન માટે સાડી વિતરણ કરતા હોવાનો વીડિયો વાયરલ થયો છે. વાયરલ વીડિયો ખેડબ્રહ્માના વાઘેલા દેરોલનો હોવાનું અનુમાન છે.

08:14 AM : ખેડા જિલ્લામાં ગ્રામપંચાયતોની ચૂંટણી માટે મતદાન, ખેડા જિલ્લાની 415 ગ્રામપંચાયતો અને 1 હજાર 333 વોર્ડની ચૂંટણી યોજાઈ રહી છે ત્યારે  કેબિનેટ મંત્રી અર્જૂનસિંહ ચૌહાણે વતન મહેમદાવાદ તાલુકાના વાંઠવાળી ગામ ખાતે મતદાન કર્યું છે. 

08:10 AM : જૂનાગઢની શાપુર ગ્રામપંચાયતમાં  મક્કમ ગતિએ મતદાનની શરૂઆત, ગામના અગ્રણી નીતિન ફળદુએ સરપંચ પદ માટે કરી છે દાવેદારી

08:03 AM : ચૂંટણીની અદાવતમાં બે પક્ષ વચ્ચે મારામારી 

આજે રાજ્યની 8684 ગ્રામ પંચાયતનોની ચૂંટણી માટે મતદાન યોજાઈ રહ્યું છે ત્યારે અનેક જિલ્લાઓમાં શાંતિ પૂર્ણ મતદાન ચાલી રહ્યું છે. પરતું ભરૂચના ડહેલી ગામે ચૂંટણીની અદાવતમાં બે પક્ષ વચ્ચે મારામારીના દ્રશ્યો સર્જાયા છે. બોલાચાલી એટલી ઉગ્ર બની હતી કે એકબીજા પર હાથપાઈ પર ઉતરી આવ્યા, જેમાં પાંચ લોકો ઈજાગ્રસ્ત થયા છે. હાલ તો ઈજાગ્રસ્તોને સારવાર અર્થે હોસ્પિટલ ખસેડવામાં આવ્યા છે જ્યારે પોલીસે બંને પક્ષ સામે ફરિયાદ નોંધી વધુ તપાસ હાથ ધરી છે. 

ગુજરાતનાં ગામડાઓમાં ચૂંટણીનો જંગ 

રાજ્યમાં ગ્રામ પંચાયત માટે આજે મતદાન થઈ રહ્યું છે.રાજ્યની 8684 ગ્રામ પંચાયત માટે ચૂંટણી યોજાઇ રહી છે જેમા સરપંચ પદ માટે 27 હજાર 200 ઉમેદવારો મેદાને છે. જ્યારે 53 હજાર 507 સભ્ય પદ માટે 1 લાખ 19 હજાર 998 ઉમેદવારો મેદાને છે. 10 હજાર 897 ગ્રામ પંચાયતોની ચૂંટણી જાહેર થઇ હતી. જેમાંથી કુલ 1167 ગ્રામ પંચાયત સંપૂર્ણ બિનહરીફ થઇ છે. કુલ 1 કરોડ 82 લાખ 15 હજાર 13 મતદારો મતાધિકારનો ઉપયોગ કરશે, જેમાં 93 લાખ 69 હજાર 202 પુરુષ મતદારો મતદાન કરશે અને 88 લાખ 45 હજાર 811 મહિલા મતદારો મતદાન કરશે. કુલ 23 હજાર 907 મતદાન મથકો ઉભા કરવામાં આવશે. જેમાં 6656 મતદાન મથકો સંવેદનશીલ અને 3074 મતદાન મથકો અતિ સંવેદનશીલ જાહેર કરાયા છે. ચૂંટણીને લઇને 51 હજાર 747 પોલીસ જવાનો બંદોબસ્ત રહેશે. 2546 ચૂંટણી અધિકારી અને 2827 મદદનીશ ચૂંટણી અધિકારીઓને જવાબદારી સોંપાઇ છે. 

સ્વરાજનો સંગ્રામ

• રાજ્યની 8684 ગ્રામ પંચાયતની ચૂંટણી
• સરપંચ પદ માટે 27,200 ઉમેદવારો મેદાને
• 53,507 સભ્ય પદ માટે 1,19,998 ઉમેદવારો મેદાને
• 10,897 ગ્રામ પંચાયતોની ચૂંટણી જાહેર થઇ હતી
• કુલ 1167 ગ્રામ પંચાયત સંપૂર્ણ બિનહરીફ
• 23,907 મથકો પર મતદાનની વ્યવસ્થા 
• 6656 મતદાન મથકો સંવેદનશીલ
• 3074 મતદાન મથકો અતિ સંવેદનશીલ
• 51,747 પોલીસ જવાનો બંદોબસ્તમાં  
• 2546 ચૂંટણી અધિકારીને સોંપાઇ જવાબદારી
• 2827 મદદનીશ ચૂંટણી અધિકારીઓને જવાબદારી