ટેલિકોમ ઈન્ડસ્ટ્રીમાં હાલ તગડી સ્પર્ધા ચાલી રહી છે. એવામાં ગ્રાહકોને આકર્ષિત કરવા વોડાફોન-આઈડિયાએ તેના બે નવા પ્લાન લોન્ચ કર્યા છે. આ પ્લાન્સમાં ગ્રાહકોને રોજ 3 જીબી ડેટા, અનલિમિટેડ કોલિંગની સાથે અન્ય પણ ઘણાં ફાયદા મળશે. ચાલો જાણીએ.
વોડાફોને લોન્ચ કર્યા 2 નવા પ્લાન
ગ્રાહકોને આકર્ષિત કરવા આપશે વધુ ડેટા
ઓછી કિંમતમાં વધુ બેનિફિટ્સ આપશે વોડાફોન
વોડાફોનનો 558 રૂપિયાનો પ્લાન
56 દિવસની વેલિડિટીવાળા આ પ્લાનમાં યુઝર્સને રોજ 3 જીબી ડેટા અને 100 ફ્રી એસએમએસ ઓફર કરવામાં આવી રહ્યાં છે. પ્લાનમાં કોઈપણ નેટવર્ક માટે અનલિમિટેડ ફ્રી કોલિંગ પણ મળશે. પ્લાનમાં મળતાં અન્ય બેનિફિટ્સની વાત કરીએ તો તેમાં 499 રૂપિયાની કિંમતવાળું વોડાફોન પ્લે અને 999 રૂપિયાવાળું ઝી5નું એક્સેસ મળે છે.
વોડાફોનનો 398 રૂપિયાનો પ્લાન
વોડાફોનના આ પ્લાનમાં દેશમાં કોઈપણ નેટવર્કમાં અનલિમિટેડ કોલિંગ અને રોજ 100 ફ્રી એસએમએસ ઓફર કરવામાં આવી રહ્યાં છે. આ પ્લાનમાં રોજ 3 જીબી ડેટા પણ મળશે. આ પ્લાનની વેલિડિટી 28 દિવસની છે. આમાં પણ વોડાફોન પ્લે અને ઝી5નું એક્સેસ મળે છે. તમને જણાવી દઈએ કે વોડાફોન દ્વારા લોન્ચ કરવામાં આવેલો 558 રૂપિયાનો પ્લાન મધ્યપ્રદેશ સર્કલ અને 398 રૂપિયાનો પ્લાન મુંબઈ અને મધ્યપ્રદેશ સર્કલમાં ઉપલબ્ધ છે.
રિવાઈઝ થયો 19 રૂપિયાવાળો પ્લાન
આ પ્લાનમાં હવે યુઝરને વધુ ડેટા મળશે. પ્લાનમાં અત્યારે 150 એમબી ડેટા મળતો હતો, તેની જગ્યાએ હવે 200 એમબી ડેટા આપવામાં આવી રહ્યો છે. 2 દિવસની વેલિડિટીની સાથે આ પ્લાનમાં અનલિમિટેડ કોલિંગ પણ મળી રહ્યું છે. આ પ્લાન હાલ મુંબઈ, મધ્યપ્રદેશ અને હરિયાળામાં ઉપલબ્ધ છે.