ઓફર / વોડાફોને તેના આ પ્રીપેડ પ્લાનમાં કર્યા ફેરફાર. હવે મળશે આટલા દિવસ વધુ વેલિડિટી

• વોડાફોનના યુઝર્સ માટે કામના સમાચાર
• પોપ્યુલર પ્રીપેડ પ્લાનમાં કર્યો બદલાવ
• હવે ગ્રાહકોને મળશે વધુ વેલિડિટી

129 રૂપિયાના પ્લાનની વધી વેલિડિટી

અન્ય ટેલિકોમ કંપનીઓની સરખામણીમાં વોડાફોન તેના યુઝર્સને વધુ પ્લાન્સ ઓફર કરે છે. કંપનીએ થોડા મહિના પહેલાં જ 129 રૂપિયાનો પ્લાન લોન્ચ કર્યો હતો. શરૂઆતમાં આ પ્લાનની વેલિડિટી 14 દિવસની હતી. પણ પછી કંપનીએ પ્લાન રિવાઈઝ કર્યો અને વેલિડિટી વધારીને 24 દિવસ કરી દીધી છે. 

બેનિફિટ્સ

આ પ્લાન અનલિમિટેડ કોલિંગના બેનિફિટ સાથે આવે છે. આ પ્લાનમાં 24 દિવસ માટે 300 ફ્રી એસએમએસ અને 2 જીબી ડેટા મળે છે. આ પ્લાનની એક ખાસ વાત એ છે  કે, તેમાં 999 રૂપિયાની કિંમતમાં મળતું વોડાફોન પ્લેનું સબ્સ્ક્રિપ્શન પણ ફ્રી મળે છે. જોકે, કંપનીએ હાલ મુંબઈ, આંધ્રપ્રદેશ અને તેલંગાણામાં વેલિડિટી વધારીને ઓફર કરી છે. રાજસ્થાનમાં આ પ્લાન 21 દિવસની વેલિડિટી સાથે ઉપલબ્ધ છે. અન્ય સર્કલમાં આ પ્લાન હજી પણ 14 દિવસની વેલિડિટીમાં ઉપલબ્ધ છે. 

રિલાયન્સ જિયોના 98 રૂપિયાના પ્લાનને આપશે ટક્કર

વોડાફોન દ્વારા 129 રૂપિયાનો પ્લાન લોન્ચ કર્યો તે બાદ જિયોએ પ એન્ટ્રી લેવલ રિચાર્જ 98 રૂપિયાનો રિચાર્જ પ્લાન રજૂ કર્યો હતો. જિયોનો આ પ્લાન 2 જીબી 4જી ડેટા અને 300 ફ્રી એસએમએસ સાથે આવે છે. આમાં જિયો ટૂ જિયો ફ્રી કોલિંગ ઉપલબ્ધ છે. અન્ય નેટવર્ક પર કોલ કરવા માટે અલગ આઇયુસી વાઉચરની જરૂર છે. રિલાયન્સ જિયોનો પણ 129 રૂપિયાનો પ્રીપેડ પ્લાન છે. આમાં 2 જીબી ડેટા જિયો-ટુ-યો કોલિંગ, 300 એસએમએસ ઉપલબ્ધ છે. 28 દિવસની વેલિડિટી સાથે આ પ્લાનમાં યુઝર્સને અન્ય નેટવર્ક પણ કોલ કરવા માટે 1000 મફત મિનિટ મળે છે.