હાલ જ્યારે દેશમાં લોકડાઉન ચાલી રહ્યું છે ત્યારે મોટાભાગના લોકો ઘરમાં કેદ થઈ ગયા છે. એવામાં લોકો ઈન્ટરનેટનો સૌથી વધુ ઉપયોગ કરી રહ્યાં છે. જેથી વધુને વધુ ગ્રાહકોને આકર્ષવા માટે ટેલિકોમ કંપનીઓ નવા નવા પ્લાન લાવતી રહે છે. તો હવે વોડાફોન આઈડિયાએ 29 રૂપિયાનો પ્રીપેડ રિચાર્જ પ્લાન લોન્ચ કર્યો છે. ચાલો જાણીએ આ સસ્તા પ્લાન વિશે.
વોડાફોન તેના ગ્રાહકો માટે લઈને આવ્યું સસ્તો પ્લાન
વેલિડિટી, ડેટા સહિત મળશે આ સુવિધા
વોડાફોનના ગ્રાહકોને આ પ્લાન ઓલરાઉન્ડર ઓપ્શન તરીકે મળશે
વોડાફોનના આ નવા પ્લાનમાં વોઈસ કોલિંગની સાથે એસએમએસ અને 20 રૂપિયાનું ટોકડાઈમ મળશે. સાથે જ 100 એમબી હાઈ સ્પીડ ડેટા પણ ગ્રાહકોને મળશે. આ પ્લાનની વેલિડિટી 14 રૂપિયા છે. વોડાફોનના ગ્રાહકોને આ પ્લાન ઓલરાઉન્ડર ઓપ્શન તરીકે મળશે. જ્યારે આઈડિયાના ગ્રાહકો માટે આ પ્લાન રેટ કટર તરીકે ઉપલબ્ધ રહેશે.
વોડાફોનની વેબસાઈટ પર ઓફિશિયલ લિસ્ટિંગ મુજબ 29 રૂપિયાના આ પ્લાનમાં 20 રૂપિયા ટોકટાઈમ મળશે. જે માત્ર વોઈસ કોલિંગ અને એસએમએસ માટે વેલિડ રહેશે. ગ્રાહકોને લોકલ અને નેશનલ કોલ્સ માટે 2.5 પૈસા પ્રતિ સેકન્ડની દરે ચૂકવવા પડશે. સાથે જ આ પ્લાનમાં ગ્રાહકોને 100 એમબી ડેટા પણ મળશે.
વોડાફોનના ગ્રાહકોની સાથે આ પ્લાનના ફાયદાઓ આઈડિયાના ગ્રાહકો માટે પણ ઉપલબ્ધ છે. વોડાફોન આઈડિયાનો 29 રૂપિયાનો પ્લાન હાલ માત્ર દિલ્હી સર્લકમાં જ ઉપલબ્ધ છે. જેથી અન્ય સર્કલના ગ્રાહકો હાલ આ પ્લાનનો લાભ લઈ શકશે નહીં. જોકે, આવનારા દિવસોમાં અન્ય સર્કલમાં પણ આ પ્લાન ઉપલબ્ધ થઈ જશે.