મુંબઈની એક હોસ્પિટલની બહાર વિરાટ અને અનુષ્કાને સ્પોટ કરવામાં આવ્યા હતા. આ વીડિયો સોશિયલ મીડિયા પર વાયરલ થતા જ લોકોએ પોતાની ધારણાઓ બનાવવાનું શરૂ કરી દીધું હતું.
અનુષ્કા અને વિરાટ રજાઓ માણી પરત ફર્યા
બન્ને હોસ્પિટલમાંથી બહાર આવતા નજરે ચડ્યા
લોકોએ કઈક અલગ જ ધારણાઓ બનાવી
કપલે હાલ જ રજાઓ માણી
અનુષ્કા શર્મા અને વિરાટ કોહલી દેશના સૌથી લોકપ્રિય કપલમાંથી એક છે. હાલમાં જ બંને માલદીવમાં રજાઓ ગાળીને પરત ફર્યા હતા. ત્યાંથી પરત ફરતાં જ તેને મુંબઈની એક હોસ્પિટલની બહાર સ્પોટ કરવામાં આવ્યા હતા. અનુષ્કા અને વિરાટનો આ વીડિયો સોશિયલ મીડિયા પર વાયરલ થતા જ લોકોએ પોતાની ધારણાઓ બનાવવાનું શરૂ કરી દીધું હતું. મોટા ભાગના લોકોએ કહ્યું છે કે એવું લાગે છે કે અનુષ્કા ફરી માતા બનવાની છે. યુઝર્સે બીજા બાળક પર બંનેને અભિનંદન આપવાનું પણ શરૂ કરી દીધું હતું.
બન્ને હોસ્પીટલની બહાર જોવા મળ્યા
હકીકતમાં 13 જૂને અનુષ્કા અને વિરાટને મુંબઈની કોકિલાબેન અંબાણી હોસ્પિટલની બહાર આવતા સ્પોટ કરવામાં આવ્યા હતા. અનુષ્કા યલો એન્ડ વ્હાઇટ લાઇનિંગ ડ્રેસમાં જોવા મળી હતી તો વિરાટે વ્હાઇટ ટીશર્ટ પહેરી હતી. બંનેને સાથે ડોક્ટરના ત્યાં જતા જોઇને ફેન્સને અંદાજો આવી ગયો હતો કે અનુષ્કા પ્રેગ્નેન્ટ છે. સોશિયલ મીડિયા પર પણ અભિનંદનની શરૂઆત થઈ ગઈ. પણ સત્ય કંઈક બીજું જ છે.
પર્સનલ લાઈફ રાખે છે પ્રાઇવેટ
રિપોર્ટ મુજબ અનુષ્કા ગર્ભવતી નથી અને તે ખરેખર હોસ્પિટલમાં ફિઝિયોથેરાપિસ્ટ પાસે ગઇ હતી. જણાવી દઈએ કે આ કપલ પોતાની પર્સનલ લાઈફને ખૂબ જ પ્રાઈવેટ રાખે છે. બંનેએ અત્યાર સુધી મીડિયાથી પોતાની દીકરી વામિકાનો ચહેરો પણ છુપાવીને રાખ્યો છે. મીડિયાથી યોગ્ય અંતર જાળવવા માટે તેઓએ વિદેશમાં જઈને લગ્ન કર્યા હતા.