સાંસદ સતત હાઈમન રિપેયર સર્જરીને ગેરકાયદેસર જાહેર કરવાની માંગ કરી રહ્યા છે.
વર્જિનિટી ટેસ્ટનો મામલો જોર પકડી રહ્યો છે
હાઈમન રિપેયર સર્જરીને ગેરકાયદેસર જાહેર કરવાની માંગ
જાણો સમગ્ર વિગત
ઈંગ્લેન્ડના બર્નલેમાં વર્જિનિટી ટેસ્ટનો મામલો જોર પકડી રહ્યો છે. બ્રિટિશ સાંસદ એન્ટીની હિગિનબોથમ અને તેમના સહયોગી સારા બ્રિટક્લિએ એક ક્રોસ-પાર્ટી ગઠબંધનમાં શામેલ થઈ ગયા છે. આ સાંસદ સતત હાઈમન રિપેયર સર્જરીને ગેરકાયદેસર જાહેર કરવાની માંગ કરી રહ્યા છે. હાલ અહીં 'વર્જિનિટી ટેસ્ટ' અને હાઈમન 'રિપેયર' સર્જરી અથવા હાયમેનોપ્લાસ્ટી બન્ને કાયદેસર છે.
UKમાં ડોક્ટર્સ 'વર્જિનિટી ચેક' અથવા 'રિસ્ટોર' કરવાનું કામ કરે છે. સામાન્ય રીતે યુવતીઓ અરેન્જ મેરેજ પહેલા આ કામ કરાવે છે. હિગિનબોથમ અને મિસ બ્રિટક્લિક એ 51 સાંસદોમાં શામેલ છે. જેમને સાંસદ રિચર્ડ હોલ્ડન દ્વારા રજુ કરવામાં આવેલી આ બે પ્રથાઓ પર પ્રતિબંધ લગાવવા માટે હેલ્થ એન્ડ કેર બિલ પર હસ્તાક્ષર કર્યા.
'વર્જિનિટી ટેસ્ટિંગ' અને હાઈમન 'રિપેયર' સર્જરી બન્નેને રોકવા પગલાં લેવા જોઈએ
હિગિનબોથમે કહ્યું, 'મહિલાઓ અને યુવતીઓને લગ્નની પહેલી રાતે બ્લીડિંગ થવું જ જોઈએ.' વાળી ધારણાથી પોતાને મુક્ત કરવું પડશે. આ દર્દનાક પ્રથાઓનું મોડલ સાયન્સમાં કોઈ આધાર નથી. એવી પ્રથાઓ મહિલાઓને ફક્ત નુકસાન પહોંચાડે છે અને 'પવિત્રતા'ની ખતરનાક મિથ બનાવે છે. અમે 'વર્જિનિટી ટેસ્ટિંગ' અને હાઈમન 'રિપેયર' સર્જરી બન્નેને રોકવા માટે તરત પગલાં ભરવા જોઈએ. હું સરકારને મહિલાઓ અને યુવતીઓ વિરૂદ્ધ આ હિંસાને સમાપ્ત કરવાની અપીલ કરૂ છું.'
બિલ પર હિગિનબોથમ અને બ્રિટક્લિફની તરફથી મળેલા સહયોગ પર હોલ્ડને ખુશી વ્યક્ત કરી છે. તેમણે કહ્યું કે, 'હેલ્થ એન્ડ સોશિયલ કેર બિલ આ કુપ્રથાઓ પર પ્રતિબંધ લગાવવાનો સૌથી સારો અવસર છે. મહિલાઓ અને યુવતીઓ વિરૂદ્ધ હિંસાથી નિપટવા માટે દરેકની સાથે આવવું ખૂબ સારૂ છું.'
આવી માન્યતાઓ બદલવાની જરૂર
ત્યાં જ રોયલ કોલેજ ઓફ ઓબ્સ્ટેટ્રિશિયન એન્ડ ગાયનેકોલોજીસ્ટ્સ એસોસિએશને કહ્યું છે કે અહીં મહિલાઓને આ પ્રકારની પ્રક્રિયાઓને અપનાવવા માટે દબાણ કરવામાં આવે છે. અથવા તો તે મજબૂરીમાં આવું પગલું ભરે છે. તેના પર આ વાતનું દબાણ રહે છે કે તે પોતાના લગ્નની રાતે બ્લીડ કરે જેથી પોતાના પતિની સામે તે કુવારી સાહિત થઈ શકે. એસોસિએશને પણ બ્રિટનમાં વર્જિનિટી ટેસ્ટિંગ અને હાયમેનોપ્લાસ્ટી પર પ્રતિબંધ લગાવવાની માંગ કરી છે.