ક્રિકેટ / VIDEO: ટીમ ઈન્ડિયાએ આપ્યું ગાર્ડ ઓફ ઑનર તો રોહિતને ભેટી પડ્યો કોહલી, જુઓ VIDEO

• વિરાટ કોહલીની 100મી ટેસ્ટ મેચ 
• ખેલાડીઓ તરફથી ગાર્ડ ઓફ ઓનર આપવામાં આવ્યું
• મેચ પહેલા આપવામાં આવ્યું હતું સમ્માન 

વિરાટ કોહલીની 100મી ટેસ્ટ મેચ 

ટીમ ઇન્ડિયાનાં પૂર્વ કપ્તાન વિરાટ કોહલી માટે મોહાલીમાં રમાઈ રહેલ ટેસ્ટ મેચ ખૂબ જ ખાસ છે. આ વિરાટનાં કરિયરની 100મી ટેસ્ટ મેચ છે તથા આ મેચને ખાસ બનાવવા માટે ટીમ ઇન્ડિયાએ સ્પેશિયલ પ્રકાર અપનાવ્યો છે. ભારતીય ટીમ જ્યારે પોતાની પારી પૂરી થયા બાદ ફિલ્ડીંગ કરવા માટે ઉતરી, ત્યારે કિંગ કોહલીને ટીમના ખેલાડીઓ તરફથી ગાર્ડ ઓફ ઓનર આપવામાં આવ્યું. વિરાટ પણ ખૂબ જ ખુશ જોવા મળ્યો. 

ખેલાડીઓ તરફથી ગાર્ડ ઓફ ઓનર આપવામાં આવ્યું

ભારતીય ટીમે મોહાલી ટેસ્ટમાં પોતાની પહેલી પારી 574નાં સ્કોર પર ઘોષિત કરી. આના થોડા સમય બાદ જ ટીમ ઇન્ડિયાએ ફિલ્ડીંગ કરવાનું શરુ કર્યું. ટીમ ઇન્ડિયા મેદાન માં એંટ્રી લઇ રહી હતી, ત્યારે બધા ખેલાડીઓ સામસામે ઉભા હતા તથા વિરાટ કોહલીને ગાર્ડ ઓફ ઓનર આપવામાં આવ્યું. 

વિરાટ કોહલીએ પણ મસ્તીથી આમાં એંટ્રી લીધી તથા બધાને ધન્યવાદ કહ્યું. વિરાટ કોહલીએ ત્યાર બાદ કપ્તાન રોહિત શર્માને ભેટ્યા તથા થેંક્યું કહ્યું. વિરાટ કોહલીને જયારે ગાર્ડ ઓફ ઓનર આપવામાં આવ્યું, ત્યારે મેદાનનો માહોલ જોશમાં આવી ગયો હતો. 

The smile on @imVkohli's face says it all.#TeamIndia give him a Guard of Honour on his landmark Test.#VK100 @Paytm #INDvSL pic.twitter.com/Nwn8ReLNUV

— BCCI (@BCCI) March 5, 2022

The happiness in the face of Virat Kohli. pic.twitter.com/ANsSvtzr6d

— Johns. (@CricCrazyJohns) March 5, 2022

Beauty of the sport ❤️#TeamIndia #INDvSL pic.twitter.com/4NSjYKcnmh

— BCCI (@BCCI) March 5, 2022

મેચ પહેલા આપવામાં આવ્યું હતું સમ્માન 
ભારતીય ટીમે મોહાલી ટેસ્ટ મેચની શરૂઆત પહેલા વિરાટ કોહલીને સમ્માનિત પણ કર્યા હતા. કોચ રાહુલ દ્રવિડે વિરાટને એક સ્પેશિયલ કેપ પણ સોંપી હતી. જેમાં તેમનું તથા ટેસ્ટ નંબર હતો. આ દરમિયાન, વિરાટ કોહલીની પત્ની અનુષ્કા શર્મા પણ તેમની સાથે ગ્રાઉન્ડ પર હાજર હતી. 

વિરાટ કોહલી ટેસ્ટ ક્રિકેટમાં 100 મેચ રમવાવાળા 12માં ભારતીય ક્રિકેટર બન્યા, જ્યારે વર્લ્ડ ક્રિકેટમાં તેઓ 71માં ક્રિકેટર બન્યા છે. વિરાટનું કહેવું છે કે તેમના માટે આ સમ્માન સપનું પૂરું થવા જેવી વાત છે. 

વિરાટ કોહલીએ મોહાલી ટેસ્ટની પહેલી પારીમાં 45 રન બનાવ્યા હતા, સાથે જ પોતાની ટેસ્ટ કરિયરનાં 8000 રન પણ પૂરા કર્યા હતા. વિરાટનાં બેટથી લગભગ ગયા અઢી વર્ષથી સદી નથી ફટકારાઈ. તેઓ 45નાં સ્કોર પર જ આઉટ થઇ ગયા. 

ભારત માટે 100 ટેસ્ટ રમનાર ખેલાડી 
વિરાટ પહેલા જો 100 ટેસ્ટ રમવાવાળા ભારતીય ખેલાડીઓની વાત કરીએ તો સચિન તેંદુલકર, રાહુલ દ્રવિડ, વીવીએસ લક્ષ્મણ, અનિલ કુંબલે, કપિલ દેવ, સુનીલ ગાવસ્કર, દિલીપ વેંગસરકર, સૌરવ ગાંગુલી, ઇશાંત શર્મા, હરભજન સિંહ, વીરેન્દ્ર સેહવાગ જેવા ખેલાડીઓ ભારત માટે 100 ટેસ્ટ રમી ચુક્યા છે. દિલ્લી તરફથી ટીમ ઇન્ડિયા માટે 100 ટેસ્ટ રમવાવાળા સેહવાગ પહેલા ખેલાડી બન્યા હતા, ત્યાર બાદ ઇશાંત શર્માએ કારનામું કર્યું અને હવે વિરાટ કોહલી ત્રીજા ખેલાડી બનશે.