વિરાટ 870 પોઈન્ટ સાથે ટોપ પર
વિરાટ કોહલીએ ઓસ્ટ્રેલિયા સામેની છેલ્લી બે વન ડે મેચોમાં 89 અને 63 રન કર્યાં હતા અને જેનાં લીધે તે 870 પોઈન્ટ્સ સાથે ટોચનાં સ્થાને જળવાઈ રહ્યો છે. બીજી તરફ રોહિત શર્માએ ઓસ્ટ્રેલિયાનો વન-ડે ટૂર તેની ઈજાને કારણે ગુમાવ્યો હતો. જોકે કોવિડ-19 મહામારીને લીધે વધુ વન-ડે મેચો રમાઈ નથી જેથી રોહિત શર્મા તેનું બીજુ સ્થાન જાળવી શક્યો છે. જ્યારે ત્રીજા ક્રમે રોહિત શર્મા કરતા પાંચ ઓછા પોઈન્ટ સાથે પાકિસ્તાનનાં કેપ્ટન બાબર આઝમે સ્થાન મેળવ્યું છે. ત્યારબાદ ન્યૂઝિલેન્ડનો રોસ ટેલર ચોથા ક્રમે અને ઓસ્ટ્રેલિયાનાં કેપ્ટન એરોન ફિંચે પાંચમુ સ્થાન જાળવી રાખ્યું છે. અફઘાનિસ્તાનનાં પ્લેયર્સને પણ રેન્કિંગમાં સુધારો
આયર્લેન્ડનો ઓલ રાઉન્ડર પોલ સ્ટર્લિંગ ટોપ 20માં પહોંચવા માટે આઠ સ્લોટ દૂર છે. તેણે અફઘાનિસ્તાન સામેની મેચોમાં 285 રન સ્કોર કર્યાં હતા જેમાં બીજી અને ત્રીજી મેચમાં સેન્ચ્યુરીનો સમાવેશ થાય છે. અફઘાનિસ્તાનનો હશમતુલ્લાહ શાહિદી, રાશિદ ખાન અને જાવેદ એહમદીએ પણ તેમનાં બેટિંગ રેન્કમાં સુધારો મેળવ્યો છે. જસપ્રીત બુમરા 700 પોઈન્ટ સાથે ત્રીજા સ્થાને
બીજી તરફ બોલિંગ રેન્કિંગમાં જસપ્રીત બુમરાએ 700 પોઈન્ટ સાથે તેનું ત્રીજા ક્રમાકે સ્થાન જાળવી રાખ્યું છે. ન્યુઝિલેન્ડનાં પેસ બોલર ટ્રેન્ટ બોલ્ટે 722 પોઈન્ટ સાથે પ્રથમ સ્થાન અને અફઘાન સ્પીનર મુજીબ ઉર રેહમાને 701 પોઈન્ટ સાથે બીજુ ક્રમાંક જાળવ્યું છે. બાંગ્લાદેશનો સ્પીનર મહેન્દી હસન મિરાઝ જે વેસ્ટ ઈન્ડિઝની સિરીઝ સામે એક સફળ બોલર સાબીત થયો હતો. જેથી તેને ચોથા ક્રમાંકે સ્થાન મળી ગયુ છે. બાંગ્લાદેશનાં પેસર મુસ્તાફિઝુર રેહમાનની એક સિરીઝમાં 6 વિકેટ હાંસલ કરવાની સિદ્ધીને લીધે તે 19માં સ્થાનેથી સીધો 8માં સ્થાન પર ખસેડાયો છે.